Meðbyr í baráttu við spillingu og vanhæfni

Fékk þetta frá góðum vini

Blessuð Jakobína.
Því miður er ég í borginni, án tölvu. Annars hefði ég glaður tekið þátt í Snatahreinsun. Hef gaman að henni.

En mundu það þó keyptur áróður og froðusnakk hindri nauðsynlegt uppgjör, þá er ekki hægt að afbaka raunveruleikann, og hann er skelfilegur vegna þess að ástandið er stjórnlaust. Froðusnakk, gylliboð og lygar eru orð á blaði eða bull úr munni en atvinnuleysi, fátækt og skuldakreppa er sá kaldi raunveruleiki sem við blasir.

Og þá mun fólk hlusta. Þess vegna er þetta ekki til einskis hjá þér.

Sá annars fundinn í kvöld og félagi þinn var traustur, en það hefði þú verið líka.
Gangi ykkur allt í haginn. Ykkar tími mun koma.

Eðalbloggarar í óvinahöndum

Ég er stolt af því að hafa lent í hóp eðalbloggara sem framsóknarmenn telja sér óvinveittir.

DV birtir þennan lista:   

Leyniskjöl: Óvinir Framsóknar í bloggheimum

 

Þetta eru þeir sem teljast "andstæðingar" Framsóknarflokksins í bloggheimum.

Andrés Jónsson, XS, www.andres.eyjan.is

Árni B. Steinarsson Norðfjörð, ??, www.taoistinn.blog.is

Baldur McQueen, ??, www.baldurmcqueen.com

Bjarni Harðarson, L, www.bjarnihardar.blog.is

Björgvin Valur Gíslason, XS, www.bjorgvin.eyjan.is

Bryndís Ísafold Hlöðversdóttir, XS, www.bryndisisafold.eyjan.is

Dofri Hermannsson, XS, www.dofri.blog.is

Dögg Pálsdóttir, XD, www.doggpals.blog.is

Gunnar Axel Gunnarsson, XS, www.gunnaraxel.blog.is

Helga Vala Helgadóttir, XS, www.eyjan.is/helgavala

Jakobína Ingunn Ólafsdóttir, ??, www.kreppan.blog.is

Jenný Anna Baldursdóttir, ??, www.jenfo.blog.is

Jón Ingi Cæsarsson, XS, www.joningic.blog.is

Jónas Kristjánsson, ?? , www.jonas.is

Lára Hanna Einarsdóttir, ??, www.larahanna.blog.is

Ómar Ragnarsson, ??, www.omarragnarsson.blog.is

Róbert Marshall, XS, www.marshall.hexia.net

Sigurjón Þórðarson, XF, www.sigurjonth.blog.is 

Þór Jóhannsson, ??, www.thj41.blog.is

Miðvikudagur 22. apríl 2009 kl 13:36

Höfundur: Ritstjórn DV ([e-mail])

DV hefur undir höndum Excel skjal frá Framsóknarflokknum yfir óvini flokksins í bloggheimum. Á listanum er meðal annars Bjarni Harðarson, fyrrverandi þingmaður Framsóknarflokksins, Samfylkingarfólkið Dofri Hermannsson, Bryndís Ísfold Hlöðversdóttir og Helga Vala Helgadóttir. Auk þeirra er Jónas Kristjánsson, fyrrverandi ritstjóri, á listanum.

Í skjalinu er einnig að finna upplýsingar um herráð flokksins sem hittist klukkan hálf níu á morgnana. Auk þess er að finna upplýsingar um bloggara sem eru hliðhollir flokknum. DV mun á næstu klukkustundum birta þessar upplýsingar á dv.is.

Betra en að vera í þessum hópi:

Segir 40 aðila hafa styrkt sig

Tvær þjóðir í einu landi

Á Íslandi búa tvær þjóðir. Annars vegar litla klíkusamfélagið sem hefur arðrænt þjóðina og hinsvegar hinir arðrændu sem horfa fram á neyð ef ekki er gripið til rótækra ráðstafana.

Við vöknuðum upp við vondan draum. Kosningaloforð Sjálfstæðisflokks um traust efnahagslíf og loforð Samfylkingar um jöfnuð snérust í andhverfu sína. Í viðskilnaði þeirra var efnahagslíf í rúst og ójöfnuður á Íslandi sá mesti í hinum vestræna heimi.

Ég hitti ríkan mann í gær og spurði hvað hann ætlaði að kjósa. „Ég þarf að verja mitt" sagði hann. Þannig hugsar sá fámenni hópur sem lifir í allsnægtum. Þetta er það sem er honum efst í huga núna. Þeir flokkar sem hafa verið við völd síðustu átján ár hafa þegið rausnarlegar gjafir frá þeim sem kallaðir hafa verið ýmsum nöfnum, útrásarvíkingar, kvótagreifar, auðmenn eða kjölfestufjárfestar. Valdhafarnir sem áttu að þjóna almenningi gengu erinda auðvaldsins. Þeir sköpuðu lagaumhverfi sem gerðu fámennum hópi manna kleift að ræna almenning, komu upp skilvirkri vanhæfni í eftirlitsstofnunum og spilltu dómsvaldinu með klíkuráðningum. Framkoma valdhafanna var sýndarleikur og tryggð þeirra við almenning engin. Leynimakk, mútuþægni og blekkingar varð hið viðtekna í stjórnarráðinu.

Það er krafa Frjálslynda flokksins að þjóðin verði leyst undan oki spilltra stjórnmálamanna. Erfiðleikarnir sem framundan eru krefjast nýrrar hugsunar. Tryggja þarf eignarhald þjóðarinnar á auðlindunum, t.d. fiskimiðum, fallvötnum, jarðvarma, vatnsréttindum og að arðsemi vegna nýtingu auðlinda skili sér til þjóðarinnar. Ofríki, forræðishyggja, höft og einokun hafa drepið niður frumkvæði, nýsköpun, frumkvöðlastarf og nýliðun í atvinnugreinum. Bætt lagaumhverfi, afnám hafta, aukin færni í eftirlitsstofnunum og sanngjörn verðlagning, t.d. á orku til bænda og smáiðnaðar byggir undir frjálsa atvinnusköpun í byggðum landsins og eykur atvinnu í þjónustugreinum á höfuðborgarsvæðinu. Kjósum nýtt og óspillt fólk sem vill vinna fyrir almenning á þing. Gerum nýja stjórnarskrá sem tryggir aðhald í stjórnmálum og mannréttindi borgaranna.

Gríðarlegur niðurskurður hjá hinu opinbera blasir við. Það verður að tryggja að þeir sem minna mega sín, þ.e. börn, aldraðir og öryrkjar líði ekki fyrir niðurskurðinn. Nýjar aðstæður krefjast þess að við tökum afstöðu til hvers konar samfélagi við viljum búa í og við verðum að vera virkir þátttakendur í mótun nýs samfélags. Viðskilnaður fyrri Ríkisstjórnar er þannig að það eru ekki til miklir fjármunir til uppbyggingar. Þess vegna verðum við að hugsa hvernig getum við bætt mannlífið án mikils tilkostnaðar og hvernig getum við byggt upp atvinnulífið án þess að steypa börnum okkar í óviðráðanlegar skuldir.

Hagstjórn á Íslandi þarf að miða að því að gera samfélagið sjálfbært um flesta hluti vegna þess að innflutningur eykur erlendar skuldir þjóðarbúsins sem aftur eykur vaxtaáþján og skuldabyrði til frambúðar. Þetta vilja þeir sem lifa í vellystingum ekki skilja og þetta vilja þeir sem hafa hagnast af innflutningi ekki sjá að verði að veruleika vegna þess að hagsmunir þeirra eru ekki með þjóðinni eða börnum okkar. Frjálslyndi flokkurinn er flokkur fólksins.

Jakobína Ingunn Ólafsdóttir

 

Birt í Fréttablaðinu 23. apríl 2009

Ætlar hún að láta ríkisendurskoðanda rannsaka sig?

Dæmigert yfirklór stjórnmálamanns.

Styrkirnir vegna tveggja prófkjara

Vinátta FL group og Baugs og svikulir stjórnmálamenn

Baugur hefur verið með endemum vingjarnlegur við einstaka þingmenn. Ekki hefur FL group skorið við nögl við stjórnmálamenn.

Jón Ásgeir ætlaði einu sinni að múta Davíð Oddsyni í einhverju flækjupartýi Hreins Loftssonar með Davíð Oddsyni. Davíð fannst Jón Ásgeir ekki vera verðugur.

Jón Ásgeir átti síðan eftir að hljóta náð fyrir augum Kjartans Gunnarssonar sem gerði honum þann greiða að taka á móti framlagi frá FL group.

Steinunni hefur ekki þótt Jón Ásgeir óverðurgur né heldur útrásarvíkingarnir í FL group

Hvernig er hægt að kjósa eftir 3 daga þegar hvert mútumálið kemur upp af öðru.

Frjálslyndi flokkurinn hefur aldrei tengst útrásarvíkingum

Steinunn Valdís fékk fjórar milljónir

Greiðvikni við vildarvini

Skattgreiðendur hafa þurft að bera sífellt þyngri birði vegna vinargreiða stjórnmálamann við vini og ættingja í stjórnsýslunni. Bein útgjöld vegna þjónustu við almenna borgara hafa nánast staðið í stað en útgjöld sem ekki skila neinni þjónustu til skattborgarana hafa þanist út.

Þessu verður að breyta.

xF

Pólitísk afskipti hamla samkeppni

Mútuðu öllum nema Frjálslyndum og VG

Sjálfstæðisflokkur, samfylking og framsókn hafa tekið á móti "óeðlilegum" styrkjum frá Baugi og FL group.

Það má spyrja hversu mikil áhrif á gjafmildi Baugs hefur haft á fyrirgreiðslu stjórnmálamanna í þessum flokkum.

Dregur saman með flokkunum

Lágkúra andskotans

Ég hef verið að skoða málflutning stjórnmálaflokkanna í aðdraganda kosninganna. Málssvarar flokkanna tala eins og þeir séu búnir að gleyma atburðarrás undanfarinna mánaða og aðdraganda bankahrunsins sem var langur.

Hræðsluáróður og prédikanir eru verkfæri stjórnmálaflokkanna. Stjórnmálamenn sem eiga varla eftir tutlu í sjálfum sér eftir að vera búnir að sélja sig útrásarvíkingum, kjölfestufjárfestum og kvótagreifum koma sjálfum sér á framfæri með því að telja almenningi trú um að allt fari hér til fjandans, já meira til fjandans ef við leifum þeim ekki að komast að og þrælpína okkur áfram.

Rökhugsun virðist vera algerlega úr sambandi hjá þessu fólki sem þyrstir í góðu sætin sín á þingi og sér litla ástæðu til þess að koma hreint fram gagnvart almenningi.

Fáránlegast er að horfa á stjórnmálamenn sem hafa þegið mútur, svikið kjósendur og matað krókinn fyrir vini og ættingja lofa fólki bjartri framtíð.

Ágætt að vera líka laus við spillinguna

Það er gott að vera í framboði fyrir flokk sem er skítblankur og hefur ekki þegið mútur. Á Íslandi er ofgnótt af auðlindum sem mikil eftirspurn er eftri út um allan heim. Hvers vegna erum við þá í þessum hremmingum.

Hremmingarnar stafa af spilltum stjórnmálamönnum sem hafa vaðið upp og leikið sér með auðlindir þjóðarinnar.

Auk Vinstri grænna hefur Frjálslyndi flokkurinn ekki þegið mútur.

Stjórnmálamenn í sjálfstæðisflokki, samfylkingu og framsókn hafa þegir óeðlilegar greiðslur.

X fyrir Frjálslynda

VG menn þáðu ekki styrki