Rannsóknarskýrslan yfirklór

Páll Hreinsson sem skipaður var formaður rannsóknarnefndar af góðvini sínum Birni Bjarnasyni hefur þegið margan greiðann (bitlinginn) af Birni í gegn um tíðina og skrifað lögfræðiálit sem hafa verið spilltum valdhöfum þóknanleg.

Fátt verður í skýrslu rannsóknarnefndar sem ekki er þegar vitað.

Alþjóðagjaldeyrissjóðurinn fer með völd á Íslandi eins og ég hef bent á áður. Ég tók viðtal við Franek Razwadowski ásamt vinum mínum Héðni Björns og Helgu Þórðar en þau ættu að vera bloggurum kunn af ágætum skrifum. 

Það kom skýrt fram að Alþjóðagjaldeyrissjóðurinn fer með völdin á Íslandi. Með þeim samningi (viljayfirlýsingu) sem sjálfstæðisflokkur og samfylking og síðan samfylking og vinstri græn gerðu við AGS var völdum afsalað til AGS en ríkisstjórnin fer nú að fyrirmælum sjóðsins.

Ég spái því að útburði fólks vegna vanskila verði nú frestað. Það er nefnilega strategískt plan AGS að ná fyrst Icesave í höfn en að síðan verði byrjað að ráðast inn á heimili fólks. Það logn sem ríkir núna er gerviástand sem haldið er uppi á meðan verið er að sópa skítnum undir teppið og koma fram vilja nýlendu veldanna.

Samfylkingin leikur þennan leik af fullum krafti með AGS ásamt skósveininum.

Ég fann þetta yfirlit á Facebook en ég hitti einmitt Eddu Rós þegar ég fór í heimsókn til Razwadowski en hún er dyggur starfsmaður hans í framhaldi af því að hún stjórnaði deild Landsbankans sem sá um að koma villandi upplýsingum til almennings.

Athugið hverja ríkisstjórnin hefur valið sér til fulltingis:

Ingvi Örn Kristinsson er aðstoðarmaður Félagsmálaráðherra Árna Páls Árnasonar, en hann var framkvæmdastjóri Verðbréfasviðs Landsbankans. Einnig starfar hann sem ráðgjafi Forsætisráðherra.

Benedikt Stefánsson var í Greiningardeild Landsbankans og er núna aðstoðarmaður Gylfa Magnússonar Efnahags- og Viðskiptaráðherra.

Björn Rúnar er skrifstofustjóri í Viðskiptaráðuneytinu. Hann var forstöðumaður í Greiningardeild Landsbankans

Edda Rós er núna fulltrúi Íslands í AGS í gegnum Samfylkinguna. Hún var forstöðumaður Greiningardeildar Landsbankans

Arnar Guðmundsson var í Greiningardeild Landsbankans. Hann er núna aðstoðarmaður Katrínar Júlíusdóttur Iðnaðarráðherra.

Með svo marga bankamenn í farteskinu, og einnig hafandi í huga að fyrir kosningar kom í ljós að Samfó var sá flokkur sem hafði fengið næstmest í gjafafé frá bönkunum og eigendum þeirra; er ekki þá einfaldlega ljóst hverra hagsmuna stjórnendur Samfó, eru að leitast til með að vera?

Áhugavert einnig, að allir þessir aðstoðarmenn, eru fyrrum starfsmenn Björgólfsfeðga.

Gæti þetta hafa eitthvað með málið að gera?:

Meðfylgjandi er yfirlit styrkja til Samfylkingarinnar frá lögaðilum árið 2006 sem voru hærri en 500 þúsund

* Actavis hf. 3.000.000
* Baugur Group hf. 3.000.000
* Eignarhaldsfélag Samvinnutrygginga 1.000.000
* Eimskipafélag Íslands 1.000.000
* Exista ehf. 3.000.000
* Eykt ehf. 1.000.000
* FL-Group hf. 3.000.000
* Glitnir 3.500.000
* Kaupþing 5.000.000
* Ker hf. 3.000.000
* Landsbanki Íslands 4.000.000
* Milestone 1.500.000
* Sparisjóður Reykjavíkur og nágrennis 1.000.000
* Straumur Burðarás fjárfestingabanki 1.500.000
* Teymi ehf. 1.500.000
* Samtals yfir 500.000 36.000.000

Mikið um falið atvinnuleysi

Ég heyrði á tal ungs fólks á kaffihúsi í gær þar sem spjallað var um atvinnuleysi og hvernig það væri falið með ýmsum aðferðum. Meðal ungmennanna var talið að atvinnuleysi væri nærri því að vera 17%.

Stjórnvöld hafa staðið sig gríðarlega illa við að byggja upp inniviði samfélagsins úr þeim rústum sem sjálfstæðisflokkurinn skildi eftir sig. Menn virðast bíða eins og gapandi ungar eftir því að alþjóðafyrirtæki fóðri þá með þungaiðnaði sem skilur eftir sig litla arðsemi og fá störf þegar til lengri tíma er litið.

Fólk sem lyppast niður gagnvart "alþjóðasamfélaginu" og virðist bera lítið skynbragð á velferð og hag fólksins í landinu hefur hreiðrað um sig í forystu allra flokka.

Ég hvet fólk til þess að rísa upp gegn sífelldri undirokun og kæruleysi þeirra sem haf troðið sér í framvarðalínuna til þess að mata eigin krók.

Söfnun undirskrifta er hafin á http://framtidislands.is þar sem krafist er að stjórnarskrárbreytingar verði lagðar fyrir þjóðina.

Stjórnarskráin á að vera eign þjóðarinnar og stjórnarskráin á að vera tæki þjóðarinnar til þess að tryggja að stjórnmálamenn séu að vinna að velferð almennings.

12 þúsund án atvinnu undir lok árs

Að brjótast úr viðjum heimskunnar

Þekking okkar á atvikum og skilningur okkar á framgangi atburðarrásar gerir okkur hæfari til þess að rata rétt í samfélaginu.

Það vekur mér trega þegar ég uppgötva að ég hafi lagt traust mitt á aðila sem ekki verðskuldar slíkt traust.

Það er líka óvænt gleði þegar ég uppgötva bandamann sem mér var ekki ljóst að fyrirfannst.

Frá því að forsetinn vísaði lögunum um fyrirvara ríkisábyrgðar til þjóðarinnar hef ég hitt fjölda manns sem ég skynja að líður eins og þeir hafi losnað við þungar byrðar.

Þetta skil ég sérlega vel því í kjölfar þess að Ólafur vísaði lögunum til þjóðarinnar hófst upplýst umræða í fjölmiðlum um heim allan. Heimurinn sem virtist vera cirkus sem hafnaði öllum eðlilegum rökum fór að færast í eðlilegt horf þar sem menn fóru að tala eins og þeir hefðu endurheimt vitið. Við það léttir fólki.

Eftir að hryðjuverkalögin voru sett í haust gáfu íslenskir ráðamenn Bretum og Hollendingum forræði á skilgreiningu veruleikans. Bretar og Hollendingar fengu að ákveða hvað skipti máli í atburðarrásinni og  Bretar og Hollendingar fengu að túlka athafnir og atburðarás.

Heimskan varð allsráðandi.

Ef kveðinn verður upp dómur um að Íslendingar eigi að borga Icesave þá sætti ég mig við það.

Ef Bretar og Hollendingar senda hingað herlið og miða á mig byssum þá sætti ég mig við að borga Icesave frekar en að láta skjóta mig.

En ég samþykki ALDREI að Icesave verði borgað af einskærri heimsku.

Vona að skýrslan verði tilbúin

Skilaboð á youtube