Að brjótast úr viðjum heimskunnar

Þekking okkar á atvikum og skilningur okkar á framgangi atburðarrásar gerir okkur hæfari til þess að rata rétt í samfélaginu.

Það vekur mér trega þegar ég uppgötva að ég hafi lagt traust mitt á aðila sem ekki verðskuldar slíkt traust.

Það er líka óvænt gleði þegar ég uppgötva bandamann sem mér var ekki ljóst að fyrirfannst.

Frá því að forsetinn vísaði lögunum um fyrirvara ríkisábyrgðar til þjóðarinnar hef ég hitt fjölda manns sem ég skynja að líður eins og þeir hafi losnað við þungar byrðar.

Þetta skil ég sérlega vel því í kjölfar þess að Ólafur vísaði lögunum til þjóðarinnar hófst upplýst umræða í fjölmiðlum um heim allan. Heimurinn sem virtist vera cirkus sem hafnaði öllum eðlilegum rökum fór að færast í eðlilegt horf þar sem menn fóru að tala eins og þeir hefðu endurheimt vitið. Við það léttir fólki.

Eftir að hryðjuverkalögin voru sett í haust gáfu íslenskir ráðamenn Bretum og Hollendingum forræði á skilgreiningu veruleikans. Bretar og Hollendingar fengu að ákveða hvað skipti máli í atburðarrásinni og  Bretar og Hollendingar fengu að túlka athafnir og atburðarás.

Heimskan varð allsráðandi.

Ef kveðinn verður upp dómur um að Íslendingar eigi að borga Icesave þá sætti ég mig við það.

Ef Bretar og Hollendingar senda hingað herlið og miða á mig byssum þá sætti ég mig við að borga Icesave frekar en að láta skjóta mig.

En ég samþykki ALDREI að Icesave verði borgað af einskærri heimsku.

Vona að skýrslan verði tilbúin

Athugasemdir

[J'on Ásgeir (IP-tala skráð) 13.1.2010 kl. 01:07]

Vel sagt!

Mynd af Ólafi á 10.000 kr seðilinn...

[Jóna Kolbrún Garðarsdóttir, 13.1.2010 kl. 01:08]

Heyr, heyr. 

[Ásthildur Cesil Þórðardóttir, 13.1.2010 kl. 01:16]

Algjörlega sammála þér hér.

[Arinbjörn Kúld, 13.1.2010 kl. 02:12]

Sammála. Afkomenda okkar vegna - aldrei!

Kv, ari

[Jenný Stefanía Jensdóttir, 13.1.2010 kl. 04:49]

Fínn pistill hjá þér,  tek heilshugar undir hann.

[DoctorE (IP-tala skráð) 13.1.2010 kl. 09:18]

Icesave verður borgar af púra heimsku svo lengi sem fjórflokkar og meðlimir þeirra eru í alþingishúsinu...
Bara sorry en alþingi íslendinga er hús heimskunnar.... kannski væri farsælast fyrir okkur ef Bretar og hollendingar ráðast á okkur... eitthvað verður að gerast til að bjarga okkur úr höndum spilltra heimskingja krakkar mínir.
Mafíur gráðugra heimskingja eru að jarða okkur öll...

[Ásdís Sigurðardóttir, 13.1.2010 kl. 11:27]

sammála

[Ómar Geirsson, 13.1.2010 kl. 19:55]

Blessuð Jakobína.

Kjarni málsins.

Og Ólafur lyfti Grettistaki til að fá fólk til að skilja hann.

Kveðja að austan.

[Jón Snæbjörnsson, 13.1.2010 kl. 20:30]

jamm

[Helga (IP-tala skráð) 14.1.2010 kl. 00:01]

Ólafur ákvað að standa með lýðræðinu, eins og hann sagði sjálfur.

Núna er það okkar að sjá til þess að stjórnmálastéttin taki ekki af okkur lýðræðið með því að semja bak við tjöldin.

Það er grundvallarréttur íbúa í lýðræðisríki að fá að fara með deilumál sín fyrir dóm.

"Icesave-samningarnir eru hvorki góðir né slæmir. Þeir eru rangir" (Einar Már).