Meiri þekkingu í borgina?

Stjórnmálin eru okkar eign en ekki eign pólitíkusa.

 Borgin er okkur nálæg sem búum í Reykjavík. Við notum strætó, börning okkar og barnabörn ganga í grunnskólann eða verja deginum í leikskóla. Við notum vatn, orku og hita sem fyrirtæki borgarinnar skaffa. Göturnar, gangstéttarnar, lýsingin í skammdeginu, allt er þetta í boði borgarinnar sem við skattgreiðendur fjármögnum. 

Sumir þurfa meiri stuðning en aðrir og gæta þarf að því að deila til þeirra sem eru í raunverulegri þörf í félagslega kerfinu. Vinna þarf að því að skapa tækifæri fyrir aðra. Það skiptir gríðalegu máli að deila á skilvirkann og sanngjarnan máta þegar kreppir að. Það er ekki hlutverk borgarbúa að kosta lúxusferðir til fjarlægra landa fyrir borgarfulltrúa. 

Það skiptir máli að þeir sem fara með völdin í borginni fari vel með þessa sameign okkar.

Ég er stjórnsýslufræðingur með mikla þekkingu á málefnum borgarinnar. Ég tel það baráttumál í niðurskurði og kreppu að við verjum grunnstoðir fyrir niðurskurði. Fjármunum verður að verja með fyrirhyggju. Ég hef opnað stuðningsmannasíðu á facebook sem finna má hér

Þeir sem vilja taka þátt í forvali VG skrái sig hér

Þetta er kosningamyndin hér að ofan.

Athugasemdir

[Jóhannes Laxdal Baldvinsson, 26.1.2010 kl. 17:57]

 Hverjar eru þínar áherslur fyrir utan malbikið og ljósastaurana Jakobína? 

1. Hvaða skoðun hefur þú á núverandi rekstrarformi OR?

2. Finnst þér það forsvaranlegt að borgarfulltrúar séu að vasast í stjórnum fyrirtækja borgarinnar?

3. Hvernig getur borgin komið böndum á lóðabrask  og skipulagshryðjuverk lóðaeigenda og verktaka?

[Aðdáandi (IP-tala skráð) 26.1.2010 kl. 17:59]

Gangi þér vel

[Jakobína Ingunn Ólafsdóttir, 26.1.2010 kl. 18:50]

Sæll Jóhannes og þakka þér fyrir þessar vel ígrunduðu spurningar. Ég ætla að taka góðan tíma í að svara þeim og gera það með sérstakri færslu.

[Jakobína Ingunn Ólafsdóttir, 26.1.2010 kl. 18:51]

Ágæti "aðdáandi" þakka þér fyrir sætt hjarta.

[ThoR-E, 26.1.2010 kl. 19:28]

Þetta er glæsilegt.

Ég er reyndar á skaganum, þannig að ég get ekki tekið þátt í prófkjörum í Reykjavík.

En gangi þér vel :)

[Jón Óskarsson (IP-tala skráð) 26.1.2010 kl. 20:03]

Hætt í Frjálslyndum og búin að gefast upp á BorgaraHreyfingunni ? 

Eða ætlar Hreyfingarfólk ekki að bjóða fram sér lista til borgarstjórnar en reyna í staðinn að smeygja sér inn á lista VG ? 

[Jakobína Ingunn Ólafsdóttir, 26.1.2010 kl. 20:45]

Sæll Jón Óskarsson.

Þú virðist vera fastur á klafa einhverra hugmynda um það hvað má og má ekki í stjórnmálum. Hreyfingin hefur þá sérstöðu í stjórnmálum að hafa aldrei þegið mútur né heldur misnotað aðstöðu sína til þess að hygla að Björgólfi Thor og öðrum slíkum það er því heiður að þú skulir tengja mig við hana. Frjálslyndi flokkurinn hefur haft á sinni stefnuskrá eitt mesta þjóðþrifamál þjóðarinnar sem er kvótakerfið þannig að mér er einnig heiður að þú skulir tengja mig við þann flokk. Hvorugir þessa flokka eru í framboði til borgarinnar að því er ég best veit.

Ég fylgi hins vegar heil stefnu VG sem heldur uppi umhverfisvernd, jafnrétti og styrkri stoð við samfélagið. Ef stefnu VG er fylgt af heilindum mun það leiða til betra samfélags og betra mannlífs í borginni. 

[hilmar jónsson, 26.1.2010 kl. 20:56]

Ja hvað skal segja..Þú hefur nú ekki beinlínis birst mér sem sérstaklega hliðholl áherslum VG, í landsmálunum. En til hamingju með fyrirhugað framboð..

[Jón Óskarsson (IP-tala skráð) 26.1.2010 kl. 20:59]

Aldrei spurning um hvað má og hvað ekki.  

Gæti ekki ímyndað mér nokkra manneskju sem brigslar formanni flokks um þjóðarsvik (landráð) bjóða sig fram fyrir sama flokk.

Mér finnst þú ættir að biðja viðkomandi opinberlega afsökunar á þessum brigslyrðum eða draga framboð þitt til baka. 

Sjálfrar þín vegna.

[Benedikt Gunnar Ófeigsson, 26.1.2010 kl. 21:31]

Spurning um að þeir sem ekki geta gert greinamun á stefnumálum og persónum eða orðum og gjörðum ættu að halda sig til hlés í umræðunni þetta er hálf kjánalegt.

Hilmar: Ef þú skoðar stefnuskrá VG og málflutning þingmanna flokksins áður en þeir komust í stjórn (orð) annars vega og framkvæmd stjórnarstefnunar hinns vegar (gjörðir). þá tekurðu kanski eftir mismræmi. Ef þú lest blogg Jakobínu þá sérðu kannski samhljóm við orð VG liða (eða áherslur eins og þú orðar það). Vonandi geta VG-liðar sveigt stjórnarstefnuna í átt að áherslum VG.

Jón Óskar: Þú ert kannski ófær um að skilja á milli flokks og formans en ég vísa samt aftur í færslu mína hér. 

Og  spurningar til ykkar beggja.

Teljið þið að það standi eitthvað eftir af stefnumálum VG í stjórnarstefnunni? Ef svo er: hvað?

Af hverju eiga flokksmenn að fylgja formanni sem hefur svikið stefnu flokksins?

Af hverju meiga þeir sem gagnrýna stjórnarstefnuna og forystu VG ekki vera í framboði fyrir VG?

[Jakobína Ingunn Ólafsdóttir, 26.1.2010 kl. 23:28]

Takk Benedikt fyrir skýr ummæli.

Þetta er nákvæmlega mín sín.

Flokkur sem boðar umhverfisvernd, jafnrétti og réttlæti á fullan rétt á sér og er í raun nauðsyn í samfélaginu fyrir þá sem vilja þann valkost.

Það er stefna flokksins sem þarf að verja en ekki foringjann.