Mannréttindabrot að vinna gegn stjórnarskrárbundnum rétti almennings

Jóhanna telur þjóðaratkvæðagreiðslu skrípaleik. Ég tel hins vegar hegðun Jóhönnu og Steingríms skrípaleik. Skoðun Jóhönnu kemur heim og saman við að kosningar á Íslandi eru almennt skrípaleikur í boði fjórflokksins sem gætir þess að ráðskast þannig með fyrirkomulagið að vilji almennings um stjórnarfar nær lítilli fótfestu  kosningum.

þessi þjóðaratkvæðagreiðsla færir þjóðinni vald til þess að segja nei við kúgun á íslenskum skattborgurum en það þolir Jóhanna ekki. Hún vill ekki sjá valdið hjá þjóðinni. 

Það er skýrt i stjórnarskrá að skylt er að beina lögunum til þjóðaratkvæðagreiðslu ef forseti skrifar ekki undir þau.

Þetta ákvæði stjórnarskrárnar fer fyrir brjóstið á Jóhönnu sem þolir ekki réttindi almennings.

Réttindi almennings þvælast fyrir Jóhönnu þegar hún ráðskast með framtíð þjóðarinnar.

Markmið Jóhönnu er að gera íslenskan almenning að skattgreiðendum í Bretlandi og Hollandi. 

Þjóðaratkvæðagreiðslan þvælist fyrir því markmiði.

Mikill áróður er ástundaður úr herbúðum Jóhönnu og Steingríms. (Steingrímur kallar hirðina sína sjálfur herbúðir). Áróðurinn felur í sér að "villta vinstrið" sé að skemma meirihlutann.

Þetta er röng greining. Það eru hægri kapítalistarnir í samfylkingunni og VG sem eru í miklum minni hluta en hafa troðið sér í forystuna sem eru að eyðileggja þessa fyrstu vinstri stjórn sem kemst til valda um langa hríð.

Tilfærsla fylgis frá samfylkingu til VG sýnir þetta vel. 

Kann að frestast um viku

Athugasemdir

[Ásdís Sigurðardóttir, 2.3.2010 kl. 17:13]

[Jón Óskarsson (IP-tala skráð) 2.3.2010 kl. 19:09]

Fylgisaukning VG í skoðanakönnunm er ekki Ögmundi og Lilju Móseasdóttur og öðrum órólegum að þakka. 

Þett gerist þrátt fyrir þau.

(Svo treður sér enginn í forystu í stjórmálahreyfingu. Fólk er kosið af meirihluta á  hverjum tíma).

[Hákon Jóhannesson (IP-tala skráð) 2.3.2010 kl. 19:16]

Síbyljan í RÚV um Icesave málið er óneitanlega þráhyggjukennd.

Daglegar fréttir að þessu vonlausa sprikli félaga fjórflokksins, sem berjast um á hæl og hnakka til að bjarga því sem bjargað verður - til verndar eigin hagsmunum.

Ég spyr því:  Hvaða umræðu er verið að kæfa/þagga/forðast í ríkisfjölmiðlinum RÚV með þessu botnlausa rugli ?  

Það skyldi þó ekki vera "skjaldborgarumræðan" 

[Jón Óskarsson (IP-tala skráð) 2.3.2010 kl. 19:23]

"kæfa/þagga/forðast" er umræðan um gjaldþrot Seðlabankans sem er stærra mál en Icesave og ráðamenn hafa ítrekað reynt að koma í umræðuna.

Fjölmiðlar taka það ekki í mál.

[Hákon Jóhannesson (IP-tala skráð) 2.3.2010 kl. 19:58]

Jón:  Og hverjir stjórna fjölmiðlum hér ?  Eignarhald og umsjón er augljós.

Fjórflokkurinn getur ekki þjónað tveimur Herrum.  

Hann  þjónaði óreiðumönnum fyrir hrun og gerir það enn.  Yfir 95% þeirra er enn á fullu.

Samfylkingin hafði tækifæri sem nú er runnið þeim úr greipum.  Þjónkuninn við óreiðumennina er orðin inngróin í vinnuferla þeirra.  Því vill Jóhanna ekki þjóðaratkvæði. Raunverulegur vilji og skoðanir almennings má ekki verða opinber.

Því er þöggunin enn notuð sem öflugt og nákæmt verkfæri.  Þvi vill hún ekki kosningu: Þöggunin að verki, nú sem fyrr. 

[Jakobína Ingunn Ólafsdóttir, 2.3.2010 kl. 22:56]

Jóhanna þolir ekki almenning sem þvælist fyrir fyrirætlunum hennar. Samfylkingarforystan er á mála hjá Björgólfsfeðgum og markmið hennar er að koma skuldum þeirra á almenning.

Jón Óskarsson það er ekki almenningur sem velur foystu flokkanna heldur komast þeir í forystu sem hafa í kring um sig stærstan hóp málaliða og hagsmunapotara inni í flokkunum.