Ég vil betra Ísland

Þessi frétt vekur upp hugrenningar um lýðræði á Íslandi. 

Hún vekur hugrenningar um það hvernig farið hefur verið með lýðræði á Íslandi hvernig rödd almennings hefur verið þögguð og hvernig athafnir valdhafa spegla vilja stjórnmálastéttarinnar en ekki vilja almennings.

Ég vil sjá lýðræði á Íslandi.

Ég vil að vilji almennings speglist í athöfnum valdhafanna.

Þess vegna hef ég  ákveðið að bjóða mig fram til stjórnlagaþings.

Sú ákvörðun tengist sterklega innihaldi þessarar fréttar.

 

 Heimasíða framboðs:

 http://framtidislands.is/

 

„Fundirnir tímasóun“

Athugasemdir

[sigkja (IP-tala skráð) 11.10.2010 kl. 16:30]

Gallinn er sá að "vilji almennings" er oft á tíðum múgæsing byggð á röngum upplýsingum, lýðskrumi, óskhyggju, sérhagsmunagæslu og lygum. Og aðgerðirnar sem kallað er eftir jafnvel lögbrot, stjórnarskrárbrot og mannréttindabrot. Fyrir utan það að sérhagsmunagæslu og heimsku almennings eru engin takmörk sett. Hver borgar t.d. skatta þegar "vilji almennings" fær að ráða, ekki almenningur. Stundarhagsmunir munu ætíð hafa vinninginn umfram framtíðarhagsmuni þegar "vilji almennings" ræður.

Og ef þú ætlar einhverjum gallup könnunum að gefa stjórnvöldum stjórnarskrárbundið frelsi til að brjóta öll lög, reglur, samninga og siðferðisviðmið, ættir þú frekar að sitja heima og hekla. Þú gætir einnig notað tíman til að fræðast um muninn á lýðræði og skrílræði.

[Jakobína Ingunn Ólafsdóttir, 11.10.2010 kl. 16:52]

Sigkja

Sæl/sæll heklunálin er í frí. það er raunarlegt að lesa vantrú þína á íslenskri þjóð.

Ég hef enga trú á Gallup könnunum enda auðvelt að hanna þær þannig að hönnuðurinn stýri niðurstöðunni.

Vönduð stjórnarskrá, vönduð lagasetning og reglur geta verið umgjörð um sterkara samfélag og þátttöku almennings.

Stjórnarskráin var oft brotin í valdatíð sjálfstæðisflokksins.

Sjálft fyrirkomulag stjórnskipunar er í raun brot á stjórnarskrá.

Sjálftaka stjórnmálamanna er stjórnlagabrot.

Fikt með fasteignamat í tíð Framsóknar og Sjálfstæðisflokks var stjórnlagabrot.

Þannig má lengi telja. Neiðarlöginn gefa ástæðu til mikilla skrifa um gildi stjórnarskrárinnar og (van) virðingu stjórnmálamanna fyrir henni.

[sigkja (IP-tala skráð) 11.10.2010 kl. 20:04]

Íslendingar eru ekkert ónæmari fyrir múgæsingu en annað fólk. Og það flokkast varla sem vantrú að gera sér grein fyrir að eðlislæg hegðun múgs er sú sama á hvaða tungumáli sem slagorðin eru öskruð. 

Ef þú fengir inn um lúguna kjörseðil þar sem þú fengir að krossa við skattprósentuna sem þú vilt greiða, mundir þú merkja við 0%? 10%? 40%?  En niðurgreiðslur til bænda? Sjúkrahús á Húsavík? Bensíngjald? Virðisaukaskatt?  Vegabætur á Vestfjörðum? --"Vilji almennings" mundi hafna öllu þessu. "Vilji almennings" telur dómstóla óþarfa í mörgum málum, "vilji almennings" veit alveg hverjir eru sekir og hverja á að loka í fangelsi. "Vilji almennings" og eðli múgsins kom berlega í ljós í Lúkasarmálinu.

Ef brot á stjórnarskrá og lögum er vandamálið ættir þú að einbeita þér að því að lögum og stjórnarskrá sé fylgt. Breytingar eru ekki einhverjir töfrar sem koma í veg fyrir brot. Og brot einhverra á stjórnarskrá og lögum hafa ekkert með stjórnlagaþing að gera. Til þess höfum við dómstóla.

En ef þú getur ekki skilið stjórnarskrá og lög og telur bara að allt sem þú ert ekki sátt við hljóti að vera brot þá ættirðu að taka heklunálina úr hvíld.

Hvernig svo sem litið er á málið þá virðist þú ekki gera þér grein fyrir hvert verkefnið er og ekki hafa hugmynd um hvað hægt er að gera.

[Jakobína Ingunn Ólafsdóttir, 11.10.2010 kl. 21:14]

Mér sýnist þú vera á móti lýðræði. Stjórnarskráin er löngu úrelt og lítil virðing borin fyrir henni af hálfu stjórnmálamanna.

Fyrra vandamálið gerir kröfu um nýja stjórnarskrá

Seinna vandamálið gerir kröfu um nýja stjórnmálamenn.

Við eigum ekki að púkka upp á það sem er gamalt og ónýtt.

[sigkja (IP-tala skráð) 11.10.2010 kl. 22:05]

Ég hef ekkert á móti lýðræði, ég hef bara efasemdir um að þú vitir hvað það er. Og þar sem þú ætlar að bjóða þig fram til stjórnlagaþings þætti mér fróðlegt að heyra hvað það er nákvæmlega sem þér þykir úrelt í stjórnarskránni.

[Jakobína Ingunn Ólafsdóttir, 11.10.2010 kl. 22:11]

Stjórnarskráin nútímamenningarsamfélags enda af stofninum til frá 1860.

[sigkja (IP-tala skráð) 11.10.2010 kl. 22:56]

Og boðorðin eru nokkur þúsund ára en standa samt óendurskoðuð fyrir sínu.

Hvað er það nákvæmlega sem þér þykir úrelt í stjórnarskránni? Þú hlýtur að geta svarað því fyrst þú hefur ákveðið að breyta henni. Hverju ætlarðu nákvæmlega að breyta?

[Jakobína Ingunn Ólafsdóttir, 12.10.2010 kl. 11:03]

sikja ég gef kost á mér til stjórnlagaþings. Það er undir vilja kjósenda hvort ég lendi þar. Ég mun þegar ég hef boðið mig formlega fram leggja fram mín sjónarmið og þá getur þú kynnt þér þau.