Betra en golfvöllur

Hanna Birna vildi setja 200 milljónir í golfvöll fyrir kosningar en við getum glaðst yfir því að borgarbúar voru ekki á þeim buxunum að greiða því atkvæði. 

Ástandið hjá fjölda fólks er að verða nokkuð grafískt með lengingu biðraða eftir matargjöfum, fjöldamótmælum, tölum um atvinnuleysi og uppboði á heimilum. Myndir á borð við þá sem er hér til hliðar eykur skilning okkar á ástandinu og meðvitund okkar um það nú er ekki rétti tíminn til þess að hugsa um nýja golfvelli á kostnað borgarbúa. 

Ef ég man rétt þá samþykkti Hanna Birna líka byggingu tónlistahallar. það er voða gaman að eiga fína tónlistarhöll en fyrst þurfum við að tryggja að að börnin okkar fái að borða.  

Vinkona mín sem var í framboði fyrir borgarstjórnarkostningar sagði mér að flestir frambjóðendur og jafnvel fjölmiðlar hefðu gert sér litla grein fyrir alvöru ástandsins og hvernig þetta ástand myndi skila sér inn í rekstrarreikning borgarinnar. 

 

Stefnt að hærri fjárhagsaðstoð

Athugasemdir

[GunniS, 4.11.2010 kl. 19:54]

ég bíð spenntur eftir að háskólinn skili útreikningum á hver lágmarksframfærslan er, ég man eftir viðtali við félagsmálaráðherra í Reykjavík síðdegis og mig minnir að hann hafi sagt að niðurstöðu væri að vænta í nóvember - desember. 

en þessar framfærslutölur sem miðað er við í þessu eru eldgamlar, eða síðan 2008 þegar lágmarksframfærlsan var 150.000,  í dag er hún 180.000.  

[Jakobína Ingunn Ólafsdóttir, 4.11.2010 kl. 20:19]

Já það hafa orðið gríðarlegar breytingar á verðlagi síðan 2008. Nú þarf maður að fara að bæta garmanna og stoppa í sokka:)

[Ólafur Ingi Hrólfsson, 6.11.2010 kl. 14:01]

Þar var Hanna Birna að efna samning R-listans og bar að gera það - hinsvegar var sá óráðsísamningu lagaður þannig að útgjöld borgarinnar voru lítil í samanburði við upprunalega samninginn sem R-listinn gerði.

Þér er alveg óhætt að fara rétt með svona annð slagið.

[Jakobína Ingunn Ólafsdóttir, 7.11.2010 kl. 00:03]

Ólafur Ingi Hanna Birna auglýsti þetta sjálf upp fyrir síðustu kosningar en láðist að geta þess að hún væri að ganga erinda R-listans. Þú verður að fyrirgefa mér þetta. Hins vegar er mér alveg sama hvaðan vitlausar hugmyndir koma. Hanna Birna Sjálfstæðisflokki og Katrín Jakobs Vinstri grænum samþykktu báðar ruglið með tónlistarhúsið. Ég er ekkert í liði með eða á móti. Ruglið er jafn ruglað hvaðan sem það kemur.