Kjörlendi spillingar

Hver talar um landið sitt sem kjörlendi fjárfestinga? Jú Sigmundur Davíð. Hví ætti honum ekki að finnast Ísland vera kjörlendi fjárfestinga? Hann getur kannski uppfrætt okkur um það þegar faðir hans, fyrrverandi þingmaður framsóknarflokksins Gunnlaugur Sigmundsson, sá um að selja eign varnarliðsins fyrir hönd ríkisins. Hver keypti Kögun og hvernig var það

 fjármagnað?

Jú á þeim tíma hefur Ísland örugglega verið kjörlendi fyrir fjárfestingar fjölskyldu Sigmundar Davíðs ekki síður en kjörlendi pólitískrar spillingar.

Ég vil ekki hafa Ísland sem kjörlendi pólitískrar spillingar. Ég vil Ísland sem virðir leikreglur sem boða jöfn tækifæri.

Þeir heiðursmenn Guðmundur Rúnar Guðmundsson og þórður Grétarsson framleiddu þetta vandaða myndband og kann ég þeim þakkir fyrir. 

Ólíkt Sigmundi Davíð hef ég sjálf þurft að grafa mína skurði í lífinu. Ég er því þakklát Guðmundi Rúnari og Þórði fyrir að gefa mér sitt framlag. 

Fimmþúsund kallarnir mínir fara í að bjóða börnunum mínum á Harry Potter, gefa þeim að borað fram að mánaðarmótum. 

Það kemur ekki að sök því ég hef höfuðið, hendurnar og fæturnar í minni þjónustu fram að kosningum.   

  

Jakobína Ingunn Ólafsdóttir  7319 

Ráðist að grunnstoðum

Athugasemdir

[Jóhannes Laxdal Baldvinsson, 21.11.2010 kl. 06:21]

Lifi skóflupakkið    Vonandi nærðu kosningu Jakobína. Þín rödd þarf að heyrast

[Gunnar Heiðarsson, 21.11.2010 kl. 08:27]

Ekki þekki ég Sigmund Davíð nema af því sem fram hefur komið í fjölmiðlum síðan hann varð formaður Framsóknarflokksins. Margt af því sem hann hefur sagt hefur verið nær raunveruleikanum en hjá flestum öðrum þingmönnum. Hvort hann geti staðið við allt sem hann hefur sagt er annað mál. Við getum mynnst margra góðra orða Steingríms J á hanns þingmannaferli, fátt virðist hann sjálfur muna nú þegar hann er orðinn ráðherra!

Það var nú reyndar annað sem ég ætlaði að rita um, það er um það sem þú skrifar um Sigmund Davíð og föður hanns Gunnlaug Sigmundsson og hans afrek á árum áður. Ef við ætlum að dæma menn af verkum feðra þeirra og jafnvel fjarkyldra ættingja munum við seint ná að snúa umræðunni og þjóðfélaginu til betri vegar.

Þar sem ég hef ákveðið að veita þér mitt atkvæði til stjórnlagaþings, fannst mér rétt að þú fengir að vita þessa hugsun mína. Horfum fram á veginn, ekki aftur fyrir okkur. Með því einu getum við gert þetta þjóðfélag betra. Reynum að læra af því sem miður fór og gerum framtíðina betri.

[Jakobína Ingunn Ólafsdóttir, 21.11.2010 kl. 12:23]

Sæll Gunnar

Áður en þú talar um feður og fjarskylda ættingja ættir þú að leita svars við spurningunni: Hver keypti Kögun og hvernig var það fjármagnað? Svarið við spurningunni stendur nær lambinu en ætla mætti.

Ég held að við getum gert þjóðfélagið betra með því að fá allt upp á borðið varðandi fortíðina.

Ég vil ekki að fólk sem tengist vafasömum gjörningum í fortíðinni taki þátt í stjórnmálum í framtíðinni.

Það er af tilliti til framtíðar sem ég velti þessu upp. Sigmundur Davíð veltir oft upp góðum hugmyndum og er vel gefinn drengur. Ég myndi þó ekki treysta honum fyrir völdum.

Þakka þér fyrir að veita mér atkvæði þitt.

[Agla (IP-tala skráð) 21.11.2010 kl. 12:39]

Tek undir athugasemd Gunnars við að þú skulir hafa blandað föður Sigmundar Davíðs inn í þessa færslu þína.

Ég er búin að fá algjört ofnæmi fyrir frambjóðendum sem grípa til persónulegra árása.

Lágmarkskrafa mín til frambjóðenda er að þeir séu málefnalegir í umfjöllun sinni  og ég er ekki viss um að þú uppfyllir þá kröfu.

[Guðmundur R Lúðvíksson 5229 (IP-tala skráð) 21.11.2010 kl. 17:16]

Heil Jakobína. Takk fyrir gott innlegg. Þú færð mitt atkvæði. En við skulum samt passa okkur að láta ekki gamla úrelta eineltispólitík ráða för. Best er að vera þessu pólitíska óþverra kasti algjörlega óháður. Ég treysti þér algjörlega til þess líka. Ég sjálfur lít á setuna á stjórnlagaþingi sem algjörlega ótengt pólitík. Okkar verður ( ef við náum inn ), að setja skýrar, einfaldar og auðskyldar reglur sem helst öll þjóðin kemur til með að samþykkja í kosningum síðar. Gangi þér.

Me kveðju.

Guðmundur R Lúðvíksson

[Jakobína Ingunn Ólafsdóttir, 21.11.2010 kl. 18:00]

Sæl og takk fyrir innlitið

Þakk þér fyrir Guðmundur. Allt sem kemur fram í færslunni að ofan eru einfaldar staðreyndir. Þegar við erum farin að kalla umfjöllun um staðreyndir skítkast hvað segir það okkur þá sem fjallað er um.

Það er undir okkur sjálfum komið að haga okkur þannig að umfjöllun um hegðun okkar fái ekki á sig stimpilinn skítkast í framtíðinni. Minni á að ég er ekki í neinni samkeppni við Sigmund Davíð á neinu sviði og sé enga ástæðu til þess að þegja yfir tengslum hans við fjármálaöfl og spillingu í stjórnmálum.

Ein af ástæðum þess að mér er treystandi á stjórnlagaþing er að ég tala tæpitungulaust um hlutina.

[Ásthildur Cesil Þórðardóttir, 21.11.2010 kl. 18:37]

Þú ert frábær Jakobína, og ég vona að þú náir kjöri, þú verður allavega mjög ofarlega á mínum lista, annað hvort eitt eða tvö Hef ekki alveg gert upp huga minn með það. 

[Jakobína Ingunn Ólafsdóttir, 21.11.2010 kl. 19:00]

Þakk þér fyrir það. Efa ekki að keppinautur minn um fyrsta sætið er vel að því komin þegar þú átt í hlut.

[Ómar Geirsson, 22.11.2010 kl. 15:00]

Blessuð Jakobína.

Ekki ætla ég að kjósa þig vegna þess að ég er sammála þér í öllu, en hef alltaf kunnað að meta heiðarleika þinn og rökstuðning.

Sem og það að útgangspunktur okkar sé sá sami, þó við drögum mismunandi ályktanir.  Ku vera vegna þess að við erum ólíkir einstaklingar, eins og við erum öll.

Að kjósa er að vega og meta það sem sameinar versus það sem skilur að, og ekki hvað síst í sambandi við stjórnlagaþingið, að fá sjálfstætt fólk sem hefur eitthvað að segja,

þar tel ég þig mjög fremsta meðal jafningja.

En ekki ætlaði ég að innslaga þetta þegar ég kíkti, datt þetta svona bara í hug þegar ég las kommentin hér að ofan.  Það sem ég vildi sagt hafa, flott myndband, erum við Íslendingar búnir að eignast okkar Joly???

Vona það.

Kveðja að austan.

[Jakobína Ingunn Ólafsdóttir, 23.11.2010 kl. 00:10]

Takk fyrir Ómar

Okkur er báðum annt um framtíð þessa lands og við erum bæði óhrædd við að koma sjónarmiðum okkar á framfæri.

Bestu kveðjur

Jakobína