Kreppan: slagur um hver eigi að bera tapið

Það er ljóst hvaða afstöðu stjórnvöld á Íslandi hafa tekið til þessarar spurningar. Barnafólk og skattgreiðingar eiga að taka á sig tapið.

Stjórnvöld kenna fórnarlömbunum um kreppuna og færa vanda kreppunnar á einstaklinga.

Skjaldborg er slegin um glæpamennina og auðlegð þeirra í skattaskjólum.

Bjartsýnin er þeirra sem hafa gert margar vitlausar spár undanfarin ár.

Joseph Stieglitz segir að við séum í kreppunni núna og í leit af leiðum út úr henni.

Max Keiser á BBC World News

Fáfræði og græðgi segja sérfræðingarnir um orsakir kreppunar.

Athugasemdir

[TH (IP-tala skráð) 28.2.2009 kl. 23:17]

Þessi Max er ansi góður - minnist þáttar hans um the Money Geyser. En andsk.. er maður að verða pirraður á þessu aðgerðaleysi. Það er bara hægt að draga eftirfarandi lærdóm af því:

Þingmenn og stjórnvöld eru enn leppar auðmanna og banka - ekkert gengur með rannsóknir.

Öll mál stöðvast í Fjármálaeftirlitinu á meðan sérstakur saksóknari bíður verkefnalaus. Eðlilegast væri að hann gerði húsleit í Fjármálaeftirlitinu til að koma hlutunum á hreyfingu. Það ríkir enn algjört vantraust á þeirri stofnun. Maður efast stórlega um dómgreind og siðferðiskennd starfsmanna þessa batterís sem hafa undanfarin ár vottað botnlaust rugl og að því er virðist óeðlilega viðskiptahætti. Varla fara þeir allt í einu að hugsa öðruvísi núna!

Skilanefndirnar og "nýir" endurskoðendur keppast við að flokka vafasama viðskiptahætti bankanna sem "tæknileg mistök" og afgreiða í kyrrþey.

Þarna liggur potturinn brotinn. Hvað er Vg að hugsa??? Nú þarf einhvern sem þorir standa vörð um réttlæti annars enda 99,99% landsmanna á þunglyndis- og geðlyfjum meðan 0,01% "hirða" ruðurnar af samfélaginu.

[Jakobína Ingunn Ólafsdóttir, 28.2.2009 kl. 23:51]

Já fólk er orðið fjandi pirrað á þessu

[TH (IP-tala skráð) 1.3.2009 kl. 01:18]

Aðgerðaleysið minnir mig á þegar ég var eitt sinn staddur á Landspítalanum með veikt barn. Mig var farið að lengja eftir lækni og ástand sjúklingsins versnaði. Svörin voru þau að það væri bara engan lækni að fá. Ég spurði þá hvort ég ætti að hringja í Læknavaktina!