Eru menn ekki með öllum mjalla?

Um allt höfuðborgarsvæðið standa nú minnisvarðar forheimsku og skipulagsleysis í húsnæðismálum. Svartir kumbaldar rísa á móti himni og kranar gnæfa yfir byggðina.

Gunnar Birgirson ætlar að byggja meira. Ha, já 95 íbúðir.

Er ekki ástæða til þess að stöðva þessa geðveiki sjálfstæðismanna?

Reisa 95 leiguíbúðir fyrir aldraða í Kópavogi

Athugasemdir

[Helga (IP-tala skráð) 27.3.2009 kl. 20:37]

Svona hugmyndir fá þeir/þau sem kreppan bitnar ekki á.

Það er búið að ákveða að skapa nokkur þúsund karlastörf við tónlistarhúsið

Til stendur að búa til nokkur hundruð karlastörf við byggingu álversskála

Á leiðinni eru nokkur hundruð karlastörf við byggingu heimilis fyrir aldraða

Í farvatninu eru nokkur hundruð karlastörf við vegalagninu!

Segið þið svo að ríki og bæir sjái ekki um karlana sína!!!

[Offari, 27.3.2009 kl. 20:53]

Það er nokkuð ljóst að ekki eru allir að skilja vandamálið.

[Jón Aðalsteinn Jónsson, 27.3.2009 kl. 21:00]

Mikið finnst mér Helga gera lítið úr konum Konur geta vel starfað við þessi störf alveg eins og karlar

[Helga (IP-tala skráð) 27.3.2009 kl. 21:15]

Jón Aðalsteinn, óttalega ertu kjánalegur í viðleitni þinni til að draga athygli fólks frá því að áhersla hins opinbera er á það að skapa störf fyrir karla.

Hvar hefurðu alið manninn maður? Veistu ekki að til að fá vinnu þarf fólk að hafa prófskírteini í viðkomandi faggrein? Veistu kannski ekki heldur að það eru karlar sem hafa lært til verka í byggingariðnaði og vegalagninu?

Vitirðu þetta ekki, Jón Aðalsteinn, komdu þá endilega hér inn aftur og ég mun ekki liggja á liði mínu við að hjálpa þér til að skilja.

En kjósirðu að senda áfram ómálefnaleg skot finndu þér þá annan til að tala við.

[Jón Rúnar Ipsen, 27.3.2009 kl. 23:25]

Helga ef þú hefur ekki verið upptekin við að vera Rauðsokka undarfarna mánuði þá ætti þú að vita það að mesta atvinnuleysið er í röðum karlmanna en tel okkur vist að þú munir ekki viðurkenna það því að þú ert að öllum líkindum ein af þeim sem krefjast forrettinda ekki jafnréttist . Það var eingin sem neitaða konum að fara að vinna eða mennta sig eins og þú kallað það í vegagerð eins og það heitir . Sorglegt að sjá mannskju sem vil láta taka sig alvega tala um kvenna eða karla störf það er svona hugsunarháttur sem skapar misrétti . En Staðreyndin er sú að þessar íbúðir sem standa auðsr eru óhentugar og erfitt að flytja heilu húsin það er verið að byggja þjónustuhús í biðaþingi og þá vantar íbúðarbyggingu eða hvað ????

[Helga (IP-tala skráð) 28.3.2009 kl. 00:12]

Jón Rúnar, Rauðsokkahreyfingin var lögð niður fyrir hálfum fjórða áratug. Þessi sögulega staðreynd ætti að svara spurningu þinni um hvort ég hafi verið upptekin við að vera rauðsokka "undanfarna mánuði".

Ef þú hefur haft tíma síðustu áratugi til að fylgjast með lífinu í kringum þig, þá ættirðu að vita að konur jafnt sem karlar vinna fyrir heimilum sínum og þurfa því vinnu engu síður en þeir.

Er það með vilja gert að þú snýrð út úr orðum mínum og lætur eins og ég vilji að konur fái vinnu á kostnað karla? Jón Rúnar, konur eiga að fá vinnu jafnt og karlar. Sbr. fyrsta innlegg mitt þá er ekki að sjá að hið opinbera átti sig á því. Á sama tíma og störf eru sköpuð fyrir karla er ekkert atvinnuátak í gangi fyrir konur.

Varðandi forréttindin, Jón Rúnar, þá er ekki annað að sjá en hið opinbera ætli körlum að njóta forréttinda til vinnu. Lestu fréttir með bæði augu opin og þá ættirðu að sjá að með þeim störfum sem til stendur að skapa, sbr. innlegg mín hér að ofan, þá er körlum raðar framar en konum og slíkt kallast ekki jafnrétti heldur forréttindi karla.

Þakka þér fyrir málfræðikennsluna. En ég bið þig að fyrirgefa að ég skil ekki þessa setningu þína: "Það var eingin sem neitaða konum að fara að vinna eða mennta sig eins og þú kallað það í vegagerð eins og það heitir ."

Ég ætla að leyfa mér að giska á hvað það var sem þú ætlaðir að segja.

Hvergi gef ég til kynna að konum sé neitað um að mennta sig, en ég vakti athygli á og ítreka það hér að það eru karlmenn sem eru menntaðir í þeim iðngreinum sem nýtast við húsbyggingar og vegalagninu og þeir eru með reynslu í þessum störfum. Vitir þú það ekki þá er sjálfsagt að fræða þig um það að þeir sem eru menntaðir í störf eða með mikla starfsreynslu ganga fyrir. Það ætti því að vera óþarft að orðlengja það að störfin sem hið opinbera ætlar að skapa eru karlastörf. Þau munu koma atvinnulausum körlum að gagni en ekki atvinnulausum konum.

Þú minntist á misrétti og það er tilhlíðilegt. Með karlastörfunum er verið að mismuna atvinnulausum konum og körlum. Karlarnir eru teknir fram yfir.

Lifðu heill og gangi þér vel við að æfa þig í að lesa texta þér til skilnings um leið og þú lætur vonandi af þeim ósið að snúa út úr orðum annarra.

[Jón Aðalsteinn Jónsson, 28.3.2009 kl. 12:59]

Blessuð Helga þetta er ekki alveg rétt hjá þér all nokkur fjöldi kvenna hefur þegar haslað sér völl í þessum greinum og þarf þá ekki einfaldlega að auka fjölda kvenna í þeim greinum sem að snúa að þessu. Það er nefnilega eitt af vandamálum dagsins að við höfum menntað fullt af fólki sem að nýtist ekki í framleiðslu störf það er störf sem að skapa beinhörð verðmæti og það er það sem þarf í dag hvort sem að okkur líkar það betur eða verr. Í vegalagningu þarf fólk með próf á vörubíla og ýmis verkfæri fjöldi kvenna er nú með þessi próf og getur sótt um þessi störf. Síðan er ein staðreynd sem að menn forðast að nefna eins og köttur forðast heitan graut að það verða áratugir og jafnvel verður það aldrei að við getum skapað fjölda starfa aftur samsvarandi þeim sem að voru í bankageiranum enda vitum við nú að þau störf voru byggð á sandi. En það að þessi störf séu einhver dæmigerð karlastörf það er ekki rétt og það ber sá fjöldi kvenna sem lært hefur trésmíði járnsmíði rennismíði vélvirkjun tekið meira próf og haslað sér völl á því sviði sem ranglega voru kölluð karlastörf vitni um. Og tilfellið er að þær eru boðnar velkomnar af þeim körlum sem að starfa í þessum greinum.

[Helga (IP-tala skráð) 28.3.2009 kl. 14:01]

Jón Aðalsteinn, þú ert duglegur við að hártoga og snúa hlutunum á haus.

Ólíkt því sem þú segir þá eru störf sem byggingaiðnaðurinn skapar karlastörf a)vegna þess að hátt í hundrað prósent starfanna eru unnin af körlum b) vegna þess að karlar en ekki konur hafa lagt það fyrir sig að læra til þessara verka.

Störf eru ekki kvenna- og karlastörf vegna undantekninganna eins og þú heldur fram, heldur vegna reglunnar.

Störf sem fólk þarf hér og nú gagnast ekki þeim sem eiga eftir að læra til verka til að geta fengið þau sömu störf. Það er því ekkert hald í þeim orðum þínum að fyrirhuguð störf hins opinbera í byggingaiðnaði og við vegalagninu muni gagnast þeim sem munu hugsanlegan, ef til vill og kannski læra til þeirra einhvern tímann í framtíðinni.

Fólk leggur ekki fram prófskírteini og reynslu sem það á eftir að afla sér. Það ættir þú að vita.

[Jón Rúnar Ipsen, 29.3.2009 kl. 14:21]

Ég er farinn að telja það öruggt að það verður aldrei hægt að ræða þessi mál af viti við þig þú ert að fullyrða eitthvað sem þú hefur ekki hundsvit virðist vera þú veður áfram af hroka og kvenrembu því miður . Ef þú myndir nú koma með lausnir í stað upphlaups og leiðinda þá væri ræða við þig en það eina sem þú gerir er að gagnrýna