Þeir rústuðu þjóðarbúinu og tala nú af óskammfeilni um endurreisn

Þeir ætla þó ekki að snúa af villu síns vegar.

Þeir hafa spillt réttarríkinu.

Þeir hafa forsmáð mannréttindi.

Þeir hafa afhent fjárglæframönnum almannasjóði.

Þeir hafa skapað ójöfnuð og misskiptingu.

Þeir hafa skattpínt lágtekju- og meðaltekjufólk.

Þeir hafa skapað hér forréttindastétt.

Þeir hafa framselt auðlindirnar.

Þeir hafa veðsett framtíð barna okkar.

Þeir hafa stolið vinnuframlagi okkar í áratugi.

Þeir hafa leitt þjóðina í skuldaánauð

Og þeir halda því fram að það sé ekkert athugavert við stefnu þeirra en hafa nú skýrt hana upp á nýtt og kalla hana endurreisn

Samfylkingin útilokar ekki samstarf við þá

Vilja einhverjir komast að kjötkötlunum?

Athugasemdir

[hilmar jónsson, 29.3.2009 kl. 22:28]

Já hvern sjálfan djöfulinn á það að tákna að Samfylkingin útilokar ekki samstarf ?

[Hákon Jóhannesson (IP-tala skráð) 29.3.2009 kl. 22:45]

Ég heyri töluvert vonleysi varðandi væntanlegar kosningar, samanber:

"Samfylkingin útilokar ekki samstarf við þá -  Vilja einhverjir komast að kjötkötlunum?"

Kjötkatla-samstaða fjórflokkanna er einfaldlega óásættanleg ógnun við lýðræðið hér og það er mjög mikilvægt að þeim sé veitt raunverulegt aðhald. Það gerum við ekki með því að kjósa þá.

Borgarahreyfingin lofar að taka á ýmsum mikilvægum málum.

x við O í vor.

[Rakel Sigurgeirsdóttir, 29.3.2009 kl. 23:30]

Hákon: Mér sýnist það vera eini raunhæfi kosturinn fyrir okkur sem viljum sjá breytingar. Mér sýnist í raun að það sé eini möguleikinn til að hér verði gerðar einhverjar breytingar á stjórnsýslunni þannig að lýðræðið muni virka á þann veg að almannahagur þjóðarinnar verði hafður í fyrirrúmi.