Er Finnur Sveinbjörnsson hræddur við bréfasnifsi?

Hann ætti þá að reyna hvernig það er að fá bréfasnifsi frá bönkunum og sýslumanni með raunverulegum hótunum um að vera borin út af heimili sínu. Með öllu tilheyrandi, maka, börnum, hundi og ketti.

Hann ætti að velta því fyrri sér hvernig er að fá bréfasnifsi sem tilkynna að hann sé ekki lengur velkomin í vinnuna og fái ekki launatékkan lengur eftir þrjá mánuði.

Nei Finnur þekkir lítið til raunverulegra hótanna sem saklaust fólk verður fyrir af hálfu banka, fyrirtækja og ríkisvaldsins.

Finnur "grow up"

Sjá fréttir um Finn Sveinbjörnson, þessa frétt og þessa frétt hér og hér

Bankastjóra Kaupþings hótað

Athugasemdir

[Haraldur Aðalbjörn Haraldsson (IP-tala skráð) 8.7.2009 kl. 22:45]

Ég hef ekki upplifað það að fá hótun um útburð og geri ráð fyrir að það sé ekki skemmtilegt, nógu er nú ömurlegt að fá bréf frá lögfræðingum. Hitt að fá hótun um t.d. líkamsmeiðingar eða að vera hreinlega stútað er eithvað sem við Íslendingar sjáum nú bara í TV, hreinlega "far out" tilfinning og við skulum ekki gera lítið úr slíkum hótunum.

[Jakobína Ingunn Ólafsdóttir, 8.7.2009 kl. 22:55]

Hverju býst Finnur við þegar hann kemur þeim boðum á framfæri að Björgólfsfeðgar hafi gert "tilboð" um að fá 3 milljarða afskrifaða í kaupþingi. Hegðun glæpamannana er svo ófyrirleitin að ég er ekkert hissa á því að fólk skuli bregðast við. Það er í raun full ástæða að þessir menn fái skýr skilaboð um að það sé ekki endalaus hægt að gera börn, sjúklinga, fatlaða og gamalmenni að fórnarlömbum til þess að halda upp gjálífi þessara manna.

Hins vegar er mér ekki kunnugt um að Finni hafi verið hótað lífláti. En Finnur er einn af þeim sem hagaði sér eins og útrásarhyskið í aðdraganda hrunsins og það er fáránlegt að hann skuli vera bankastjóri með fortíð um milljarðaklúður.

[Jónas (IP-tala skráð) 8.7.2009 kl. 23:30]

Mér finnst alltaf jafn einkennilegt að lesa svona tilskrif og ég hreinlega vorkenni persónum með þitt hugarfar.  Annað er ekki hægt.  Persónum, sem virðast þrífast á einfeldingslegri illgirni.

Ég segi fyrir mig, án þess að þekkja bankastjóra Kaupþings nokkuð að ég sé engar forsendur fyrir því að senda honum og hvað þá fjölskyldu hans hótunarbréf.  Ég fæ ekki sé annað an hann sé sá bankastjóri, sem best hefur tekið til í sínum ranni.  Var hann einn af "útrásarhyskinu"?  Þú ert mér greinlega fróðari ...

Ég segi bara þetta ... ef þú hefur ekkert uppbyggilegra til þjóðmálanna að leggja þá lokaðu þessari síðu þinni ... í guðs bænum.

[Jakobína Ingunn Ólafsdóttir, 9.7.2009 kl. 00:22]

Jónas betra væri að þú skrifaðir illgirnisleg skrif þín undir nafni. Eða skammastu þín kannski fyrir sjálfan þig?

Það skiptir ekki máli hvort þú eða ég sjái ekki ástæðu til þess að senda Finni hótunarbréf eða eitthvað sem hann túlkar sem hótunarbréf. Málið er að það hefur einhver séð ástæðu til þess að senda honum hótunarbréf.

Ég sendi ekki Finni Sveinbjörnssyni hótunarbréf einfaldlega af því að ég sá ekki ástæðu til þess. En kannski hefði ég séð ástæðu til þess ef að Björgólfur væri búin að hafa af mér aleigunna og ætlaðist síðan til þess að ég borgaði skuldir hans með aðstoð stjórnenda Kauðþings. Ég get bara ekki sett mig í þau spor en ég tel að menn ættu að stíga varlega til jarðar í því ástandi sem ríkir nú.

Hvað varðar ummæli um útrásarhyski bendi ég á þessa frétt og þessa frétt hér

[Villi Asgeirsson, 9.7.2009 kl. 03:44]

Jónas, hefurðu lesið þessa síðu? Ekkert uppbyggilegra? Jakobína er að benda á það sem er að klúðrast í þjóðfélaginu, og það er lítil uppbygging í gangi. Niðurrifið hefur sjaldan verið rosalegra.

Jakobína. Takk fyrir að reyna að halda okkur vakandi.

[Ómar Geirsson, 9.7.2009 kl. 11:14]

Takk Jakobína

Höfuðið á naglanum er það stórt að jafnvel blindir menn hljóta að sjá hann.

Vissulega er vargöld ekki skemmtileg en þeir sem vinna hörðum höndum að því að koma henni á, þeir þurfa átta sig á að það er ekki endalaust hægt að valda fólki þjáningum án þess að það grípi til varna.

Eina lausnin er að fólk átti sig á spillingunni og hvurslags ógæfuþjóðfélag núverandi ríkisstjórn er að festa í sessi.

Pistill þinn er beinskeyttur og sannur.  

Kveðja að austan.

[Arinbjörn Kúld, 9.7.2009 kl. 14:10]

Hvar hefur þessi Jónas verið? Á tortúlu?