Já leyfum Bill Gates að græða á íslenskri orku

Hvers vegna ættu Íslendingar að þurfa að græða sjálfir á sínum eigin auðlindum? Við verðmætasköpun úr auðlindum verður til hagfræðileg renta. Ein af meginástæðunum fyrir því að Ísland stendur á barmi gjaldþrots er að hagfræðileg renta af auðlindunum hefur verið flutt úr landi, t.d. með kvótaframsali-> fullvinsla fiskaafurða flutt úr landi, með stóriðju->ódýr orka til stóriðjunnar færir hagnaðinn af fjárfestingum í orkumannvirkjum til stóriðjunnar o.s.frv.

Óljósar og ruglingslegar fregnir berast af því að verið sé að selja auðlindaréttinn á Suðurnesjum. Að Kanadískir gullgrafarar og Bill Gates kaupi réttinn til þess að hagnast á auðlindum og uppbyggingu á suðurnesjunum. Sjá t.d. hér

Fréttir berast af því að fyrirhugað álver í Helguvík komi til með að ganga á orkuforðann á suðurnesjum eða jafnvel suðvesturhorni landsins. Hvers vegna ætti einhverjum útlendingum ekki að vera sama hvað gert er við náttúru Íslands? En, hvers vegna ætti vinstri grænum að vera sama um það?

Lána á 6 milljarða til viðskiptanna án haldbærra veða.

Geysir Green er gjaldþrota og þátttakandi í þessum viðskiptum.

Ég spyr hvað er í gangi?

Heimska, spilling eða bara venjulegar mútur?

Kanadamenn virðast hafa mikinn áhuga á að komast yfir íslenskar auðlindir og nýta sér ástandið á Íslandi, þ.e. glundroðann og hræðslu yfirvalda sem eru illilega búin að klúðra efnahag landsins.

Ross Beaty hefur verið harðlega gagnrýndur fyrir óeðlilega viðskiptahætti en hann er stjórnarformaður Magma Energy.

Ásbjörn Óttarson bæjarfulltrúi og nú þingmaður sjálfstæðisflokks á Snæfellsnesi gerði leynilegan samning við Kanadamann sem er til rannsóknar hjá kanadískum yfirvöldum vegna svikamála sem ná til aflandseyja. Samningurinn felur í sér sölu á vatnsréttindum til 95 ára á Snæfellsnesi.

Ofangreind viðskipti um sölu auðlinda eru í boði sjálfstæðimanna en samfylkingin hefur líka séð um að selja slíkar auðlindir t.d. í Hafnarfirði.

Það virðist ekki skipta nokkru máli í hversu miklum hremmingum þjóðarbúið lendir vegna klúðurslegar athafna stjórnmála og embættismanna, þeir virðast ekkert ætla að læra.

 

Athugasemdir

[Júlíus Björnsson, 9.7.2009 kl. 08:15]

Alþjóðlegt sníkju-auðmagn makar krókin á  sníkju-auðmagns fjárfestingum liðanna ára.

Mútur eru alltaf boðnar stjórnmálamönnum, ef stjórnmálamaðurinn berst mikið á erlendis eða fjárfestingin er leyndo, eða svo óhagstæð fyrir þjóðina að 1. árs nemi í Versló gæti fundið það út. 99% líkur svarið er styrkur til ákvörðunartöku. 

[Villi Asgeirsson, 9.7.2009 kl. 11:47]

Það er nefninlega svo merkilegt að flest loforð tilvonandi alþingismanna hverfa eins og dögg fyrir sólu um leið og komið er inn á þing. Þetta er ekki bara hér, heldur alls staðar. Eitthvað veldur. Annað hvort eru það mútur eða hótanir. Ég hef stundum fantaserað um nýja þingmanninn. Hann er kallaður inn í dimmt bakherbergi þar sem hinn sanni valdhafi, hver sem hann er, óskar þingmanninum til hamingju og útlistar reglurnar. Kannski er þetta bjánaleg samsæriskenning, en maður getur ekki annað en spurt sig hvað veldur.

[Árni Gunnarsson, 9.7.2009 kl. 13:29]

Mútur þekkjast víða um heim og dómar vegna mútuþægni hafa víða fallið. Víða hafa stjórnmálamenn orðið að segja af sér vegna þessara spillingarglæpa. Engum held ég að blandist um það hugur að í okkar spillta landi viðgengst svona ófögnuður og tekur á sig hinar ólikustu myndir.

Ég sé ekki að við höfum í neinu sýnt betra siðferði en aðrar þjóðir í viðskiptum nema síður væri. Hér hefur græðgi stýrt stjórnsýslunni um langt skeið og allt embættismannakerfið er helsjúkt af þessum ófögnuði. Margir vonuðu að vinstri stjórnin tæki fyrir þetta, eða í það minnsta færi að takast á við vandamálið af myndugleik. Margir hafa orðið fyrir vonbrigðum og ég er einn þeirra.