Eftirlaunalög þingmanna ólögleg

Svandís Svavarsdóttir segir:

...að samkvæmt 48. grein stjórnarskrárinnar væru þingmenn eingöngu bundnir sannfæringu sinni og ekki neinar reglur frá kjósendum sínum. Í því felist að hæfisreglur stjórnsýslulaga taka ekki til starfa þingmanna sem slíkra. Auk þess sé í þingskaparlögum kveðið á um skyldu þingmanna til að vera viðstaddir og taka þátt í atkvæðagreiðslu nema hann hafi lögmæt forföll. Einu hæfiskröfurnar sem gerðar eru til þingmanna við afgreiðslu mála sé að þingmenn greiði ekki atkvæði með fjárveitingu til sjálfs síns.

Það er því ólöglegt að þingmenn greiði atkvæði um lög sem varða eftirlaun þeirra.

Þýðir þetta ekki í raun að eftirlaunalögin hafi aldrei öðlast gildi

Eiga þeir sem þegið hafa greiðslur á grundvelli laga sem afgreidd voru með ólöglegum hætti ekki að endurgreiða eftirlaun sín í ríkissjóðs.

Athugasemdir

[Marinó G. Njálsson, 9.7.2009 kl. 18:24]

Ég held að það sé þess vegna sem eftirlaunalögin taka ekki gildi fyrr en að undangengnum kosningum.  Rökin eru að gamla þingið sé að greiða atkvæði um atriði sem gilda um þingmenn sem eftir er að kjósa.  Ráðningartími þingmanns rennur út þegar þing er rofið vegna kosninga.  Kjósendur ákveða síðan hverjir fá endurráðningu.  Út frá þessu er litið svo á að þingmenn séu í þessu tilfelli EKKI að greiða atkvæði um fjárveitingar til sjálfs síns.

[Jakobína Ingunn Ólafsdóttir, 9.7.2009 kl. 18:39]

Þeir eru eftir sem áður að kjósa um fjárveitingu til sjálfra sín.

Það er t.d. ekki fræðilegur möguleiki á að 30 til 50% þingmanna detti út við kosningar við núverandi kerfi.

Rökin sem beitt er halda ekki.

[Jakobína Ingunn Ólafsdóttir, 9.7.2009 kl. 18:47]

Það er örugglega ekki í anda þessara laga að málefni um kjör þingmanna fari fyrir þing og að þeir geti tryggt sér kjör með lögum.

Get ekki ímyndað mér að þetta myndi halda fyrir dómstólum ef til væru slíkir á Íslandi sem væru marktækir.

Það ætti kannski að kæra þetta og koma þessu fyrir alþjóðadómstóla.

[Marinó G. Njálsson, 10.7.2009 kl. 00:08]

Það er samt svona sem lögin virka.

[Jakobína Ingunn Ólafsdóttir, 10.7.2009 kl. 02:25]

Nei Marínó það er svona sem að þingmenn túlka að þau virki.