Mikil andstaða við drápsklyfjar Icesave

Ekki veit ég hvort Steingrímur er leynifélagi í samfylkingunni en málflutningur hans er farin að vera skuggalega líkur hræðsluáróðri samfylkingarinnar.

Það besta sem gæti hent þjóðina núna er að Alþjóðagjaldeyrissjóðurinn myndi hypja sig úr landi og að til valda komist einstaklingar sem sjá aðrar lausnir en að safna drápsklyfjum.

Samfylkingin er búin að valda þjóðinni gríðarlegum skaða allt frá bankahruninu. Aðgerðarleysi hennar í atvinnumálum og þjónkun við alþjóðagjaldeyrissjóðinn er að rústa innviðum samfélagsins.

Forsætisráðherrann lætur sig síðan ekki muna um að stíga fram og boða ölmusustjórnarfar til handa þeim sem búið er að rústa.

Samfylkingin situr föst í draumórahugarfari 2007.

Strandi Icesave, strandar allt

Meira um hræðsluáróður andskotans í anda Göbels

Taglhnýtingar samfylkingar vinna nú að því hörðum höndum að hræða þjóðina inn í ESB með vægast sagt ósmekklegum hræðsluáróðri.

Þórólfur Matthíasson titlar sig sem prófessor þegar hann hótar Íslendingum djöfuldómi ef þeir samþykkja ekki Icesave.

Samningurinn er Íslendingum gjörsamlega ofviða og margoft hefur verið sýnt fram á það með góðum rökum og útreikningum.

Ekki get ég séð að Þórólfur vísi í haldbærar heimildir máli sínu til stuðnings.

Það er algjörlega óásættanlegt þegar að menn úr fræðaheiminum fara að opinbera draumfarir sínar sem staðreyndir.

Það er vægast sagt ógeðfellt að horfa upp á samfylkinguna sem var virkur þátttakandi í að leiða þjóðina inn í þetta martraðarástand sem nú ríkir sína tilburði til að hræða þjóðina til fjandans.

Icesave samningurinn ef hann er samþykktur mun færa þjóðina í sára örbyrgð í áratugi.

Allar þessar skuldir sem Ríkisstjórnin er að safna, vaxtabyrði af erlendum lánum, háir stýrivextir og verðbæturnar eru að keyra samfélagið í ástand sem er mun alvarlegra en draumar Þórólfs.

Já og svo er frétt á Vísi.is um geimverur á einu tungli Satúrnusar og Sparisjóðurinn Byr bíður landsmönnum fjárhagslega heilsu.

Satta að segja þá er fréttin um geimverurnar trúverðugust. Hvað segir það um fjölmiðla á Íslandi?

Um hvað er Steingrímur að tala: hræðsluáróður andskotans

Hver er ekki búin að fá sig fullsaddan af hálfkveðnum vísum stjórnmálamanna sem gefa sífellt í skyn einhverjar hörmungar ef þjóðin lætur ekki teyma sig út í byrðar sem hún stendur ekki undir.

Steingrímur segir á RUV "Ég er í engum vafa um að skásta lausnin er það samkomulag sem við höfum gert og býð ekki í afleiðingarnar af því að ef því yrði hafnað."

Ég efast ekki um að besta lausnin fyrir Steingrím sé að flytja byrðarnar yfir á börnin okkar. Auðvitað byði hann ekki í afleiðingarnar ef hann þyrfti að taka á vandamálunum sjálfur í stað þess að láta atvinnulífið og fjölskyldurnar borga brúsann.

Ég er farin að trúa því í fullri einlægni að Steingrímur sé leynifélagi í samfylkingunni.

Gunguháttur Ríkisstjórnarinnar

Ég hef nú heyrt úr fleiri áttum að Ríkisstjórnin ætli ekki að gefa þinginu færi á að taka afstöðu til Icesave-samningsins heldur troða ákvæðinu um fjármögnun hans inn í fjárlög næsta árs 

Undirritað í Þjóðmenningarhúsi

Siðrof og siðblinda

Þær skuldbindingar og niðurskurður á velferðarkerfinu sem íslenska ríkið er að ráðast í munu kosta mannslíf, heilsu fólks og hnignun íslenskrar menningar.

Það ber vott um siðrof og siðblindu að beigja sig undir kröfu erlendra aðila um þessar fórnir til þess að bjarga fjármálakerfum.

Það er fámennur hópur en hann fer mikinn sem styður Icesave samninginn. Sjá hér og hér og hér og hér

Þegar bankarnir hrundu í haust voru innistæður almenning tryggðar upp að 3.000.000 en ríkisstjórnin ákvað hins vegar að redda þeim sem áttu tugi og jafnvel hundruði milljóna inni á innlánsreikningum.

Hafði ríkisstjórnin lagaheimildir til þess að gera þetta?

Ránsfengurinn notaður í uppbyggingu snobbhallar

Já flott skal það vera fyrir þá sem rændu þjóðina. Dans- og óperusýningar í húsnæði sem kostar hátt í 20 milljarða. Þvílíkur draumur. Já og þvílík lágkúra.

Það er verið að draga úr eftirliti með ófæddum börnum. Sparað við í mæðraskoðum og önnur þjónusta sem varðar mannslíf skorin við trog.

Ég mæli með fangelsishugmyndinni. Sjómenn hafa iðulega dómgreindina í lagi og eru góðir málssvarar þjóðarinnar. Það sama verður ekki sagt um snobbliðið í ráðuneytunum. Það selur sig fyrir hagsmuni fárra.

Alþýðuhöllin við höfnina

Útrásarhyskið á brunaútsölum

...Stjórnendur bankanna greiddu sjálfum sér himinháan arð sem þeir síðan hafa komið úr landi.

Þeir eru búnir að eyðileggja fjárhag þjóðarinnar og græða nú á bágindum samfélagsins

Sjá hér.

Siðrof

Það sem gleymist gjarnan í umræðunni um Icesave

Innlánin á Icesave urðu til vegna viðskipta á milli aðila. Í viðskiptum hafa aðilar valkosti. Þeir geta kynnt sér traust fyrirtækja og tekið upplýsta afstöðu um það hvern þeir vilja skipta við á grundvelli upplýsinga sem þeir hafa aðgang að.

Eigendur og stjórnendur Landsbankans voru aðilar að viðskiptum.

þeir sem lögðu fé inn á Icesave reikninga voru aðilar að viðskiptum.

Þetta eru þeir aðilar sem stýrðu atburðarrásinni síðustu mánuði fyrir bankahrun ásamt stjórnvöldum á Íslandi (samfylkingunni og sjálfstæðisflokki) og breskum og hollenskum yfirvöldum sem höfðu eftirlitsskyldu auk regluverkakerfis ESB sem er áhrifavaldur í málinu.

Til þess að bjarga fjármálakerfinu í Evrópu er nú íslenskum skattgreiðendum og skuldurum gert að taka að sér tapið af viðskiptum sem þeir höfðu ekki og gátu ekki haft nokkur áhrif á. Í þessari staðreynd felst grundvallar rökvilla þegar því er haldið fram að ábyrgðin sé íslensku þjóðarinnar.

Öll áhersla er nú lögð á að þeir sem voru aðilar að þessum viðskiptum beri engan skaða en að einstaklingar sem komu hvergi nálægt þessum viðskiptum beri allan skaðann.

Vörðu ekki hagsmuni skattgreiðenda

Engin frétt um Icesave í mogganum í dag

Svo virðist vera sem forsætisráðherrann sé búin að bulla sig út í horn í Icesave-málinu. Jafnvel þótt mogginn sýni málinu ekki mikinn áhuga í dag brennur það á þjóðinni.

Sífellt eru að koma fram meiri rangfærslur í málinu sem er orðið eitt allsherjar rugl. Sjá hér og hér og hér.

Það vekur athygli að forsætisráðherrann vísar gjarnan í lögfræði álit, sérfræðinga eða virtar stofnanir. Þegar nánar er að gáð eru þetta gjarnan aðilar í nánum tengslum við útrásarhyskið.

Þetta vekur þá spurningu hvort útrásarhyskið stjórni í raun landinu í dag.

Fram að þessu hefur nánast ekkert staðist af því sem forsætisráðherrann hefur sagt um Icesave.

Það er því spurning hvort forsætisráðherrann er lyginn eða hvort að ráðgjafar hennar séu lygnir.

Það er alla vega skelfilegt að hugsa til áhrifa misyndismanna á stjórnmál í landinu. Þeim sem myndu selja ömmu sína munar ekkert um að selja landið í leiðinni.

Spá 9,9% atvinnuleysi næsta ár

Spillingin heldur áfram ef dólgarnir sleppa

Svo einfalt er það

Hugmynd Þorgerðar Katrínar að hvítþvottabók er gagngerð hindrun gegn samfélagslegum umbótum.

Rannsóknarnefnd Alþingis er peningaeyðsla og í raun hlægileg.

Ég treysti aðeins einni manneskju í þeirri nefnd og það er Sigríður Benediktsdóttir.

Það er aðallega vegna þess að Jónas Fr Jónson reyndi að sjá til þess að henni yrði bolað úr nefndinni. Virðist líta svo á að hún geti orðið til óþæginda fyrir þá sem vilja viðhalda spillingunni.

Eva Joly með fyrirlestur í Tromsö

Eva Joly: Botninum ekki náð