Kristján Kristjánsson kynningarfulltrúi forsætisráðuneytinsins...

SEGIR: við getum ekki haldið uppi kynningarstefnu vegna þess að allir Íslendingar eru ekki sammála um Icesave.

Segir ráðuneytin tala við hundruðir fjölmiðla í hverri viku.

Mér hefur fundist ráðuneytin takast ágætlega til þegar þau móta stefnu um að standa gegn þjóðinni, ljúga að henni og halda uppi hræðsluáróðri.

Ég er í raun gáttuð á siðleysi ráðuneytanna.

Þegar kemur hins vegar að því að standa með þjóðinni erlendis fallast ríkisstjórninni hendur.

Skrípaleikurinn í stjórnarráðinu

Nýjustu fréttir á eyjunni:

Bretar og Hollendingar munu ekki ganga að auðlindum Íslands ef ekki tekst að greiða Icesave.

Hversu barnalegur getur formaður fjárlaganefndar verið?

Ef samningur gefur Bretum og Hollendingum tækifæri til að hirða auðlindir þá gera þeir það.

Það er ekkert að marka það sem Bretar og Hollendingar segja núna. Núna segja þeir hvað sem er til þess að fá Íslendinga til þess að undirrita samning sem þeir ætla sér eitthvað með.

Ef samningurinn opnar fyrir það að þeir geti hirt auðlindir á munu þeir gera það. Mannasiðir skipta þá engu máli þegar þeir vilja komast yfir eitthvað. Eða hefur framkoma Breta í Írak farið fram hjá einhverjum. Framkoma þessara landa á nýlendum.

Þetta eru þjóðir sem eru fátækar af auðlindum og nærast því eins og sníkjudýr á öðrum þjóðum. Það er eðli þeirra og menning.

Það er eitt að eiga viðskipti og annað að herja á önnur lönd til þess að komast yfir það sem sóst er eftir.

Ákkúrat núna er Ísland þolandi hryðjuverka árásar af hálfu AGS, Hollendinga, Breta og ESB.

Formaður fjárlaganefndar er ótrúlega barnalegur og hefur ekket í þessa erlendu valdhafa að gera.

 

Krónan HRINUR ef lánin verða tekin frá AGS og Norðurlöndum

Vinkona mín sagði, þetta er ekki samfélag, þetta er fyrirtæki og var hún að vísa til spillingar í æðstu embættum þjóðarinnar, tengsl á milli ótrúlegustu aðila sem almenningur hefur ekki hugmynd um og ótrúlegar yfirhylmingar.

Við höfum því miður enn spillinguna á æðstu stöðum. Ég met það þannig að Jóhanna sé bara skjól þeirra sem vilja hylma yfir spillinguna sem er miklu grófari en almenningur gerir sér grein fyrir.

Það er sérstaklega athyglisvert hvernig stjórnmálamenn og taglhnýtingar þeirra reyna að telja þjóðinni trú um að lánin frá AGS og Norðurlöndunum muni styrkja krónuna. Þetta er algjör rökleysa.

Ef íslenska ríkisstjórnin tekur lán fyrir 600 milljarða og leggur inn í banka í bandaríkjunum þar sem peningarnir eiga að liggja til þess að styrkja krónuna mun það veikja krónuna.

Þessi lán munu fleyta tugum milljóna (sennilega um 30-40 milljónum) í gjaldeyri út úr efnahagskerfinu á hverjum degi (vaxtakostnaður).

Hvernig styrkir það krónuna?

Þetta er í hrópandi ósamræmi við grundvallarhagfræðikenningar um framboð og eftirspurn.

 Lánið mun auka framboð krónunnar á gjaldeyrismarkaði og því rýra gildi hennar.

Þessi niðurstaða byggist á einni grundvallarkenningu hagfræðinnar.

Kenning AGS byggir hinsvegar á því að allir haldi að við eigum svo mikinn gjaldeyri ef gjaldeyrir sem við eigum ekki liggur í banka í Bandaríkjunum.

Kenning AGS byggir á því að fjármálakerfið láti blekkjast af þessum leik.

Rétt eins bjartsýnn trésmiður sem hefur lítið að gera en laun hans duga rétt fyrir afborgunum og vöxtum af húsinu hans, föstum útgjöldum og mat fram eftir mánuðinum.

Til þess að bæta stöðu sína tekur hann yfirdrátt í bankanum sem hann þarf að greiða af vexti í hverjum mánuði. Í hvert skipti sem hann á ekki fyrir vöxtunum leggjast þeir við höfuðstólinn. Hann hefur þó allan tímann getað sagt við vini sína ég á nú milljón í bankanum. Og þegar vextirnir leggjast við höfuðstólinn hækkar auðvitað lánið og að lokum getur trésmiðurinn sagt við vini sína nú á ég tvær milljónir. En á endanum gjaldfellir bankinn lánið og hirðir hús trésmiðsins.

Og þá á trésmiðurinn sannanlega ekki neitt.

Telur ríkari hagsmuni víkja

Fatta hagfræðingarnir ekki hagfræði?

Ég var einu sinni sparisjóðsstjóri. Einföld bankastarfsemi er ekki flókinn. Innlán, útlán og greiðsluþjónusta. Málin fara fyrst að flækjast þegar farið er að blanda fjármála/áhættufjárfestastarfsemi almennri bankastarfsemi.

Nýju bankarnir eru einfaldir bankar. Þeir yfirtóku innlánsstarfsemi og útlánastarfsemi ásamt greiðslu og gjaldeyrisviðskiptum.

Maður skildi ætla að við yfirfærslu milli gömlu og nýju bankanna skildi hafa verði reynt að stemma af innlán og útlán. (innlán eru þá skuldir bankanna og útlán eignir bankanna) en eitthvað virðist það hafa farið úr skorðum því 270 milljörðum á að bæta inn í bankanna úr ríkissjóði okkar íslendinga.

Ég hef leitast við að átta mig á hvers vegna bankarnir þurfi þessa innspýtingu og kemst helst að þeirri niðurstöðu að bankarnir hafi tekið yfir meiri skuldir (innlán almennings í bönkunum) en eignir (útlán til fyrirtækja og almennings).

Hverju er þá verið að bjarga með innspýtingu í bankanna? Jú innlánseigendum sem áttu innistæður umfram tryggingu, þ.e. 3,5 milljónir. Og hvað á síðan að gera við bankanna? Jú það á að færa þá í hendur erlendra áhættufjárfesta.

Með því að láta skattgreiðendur bæta tap þeirra sem áttu innistæður umfram tryggingu er verið að gera ríkissjóð að tryggingafyrirtæki fyrir ríka Íslendinga. Í kjölfarið hafa Bretar og Hollendingar heimtað að ríkissjóður okkar Íslendinga verði einnig gerður að tryggingafyrirtæki fyrir ríka Breta og Hollendinga.

Það stendur reyndar í stjórnarskránni að ríkisstjórninni sé ekki heimilt að fara með tekjur ríkisins af skattheimtu á þennan hátt (að liggja þurfi fyrir lagaheimild til útgjaldanna þegar atvik eigi sér stað). Það er ekkert undarlegt að þetta sé varið í stjórnarskrá þótt stjórnvöld virðist ætla að hunsa það. Það er ekki hlutverk ríkissjóð að verja eignir einstaklinga í bönkum. Ekkert ríki í Evrópu myndi veita ríkisábyrgð af þessu tagi. Það er í andstöðu við hlutverk ríkis og það er í andstöðu við tilskipanir ESB.

Ekki veit ég hvernig Jóhanna fær það út að hún geti slegið skjaldborg um heimili sem skulda bönkum sem eru í eigu erlendra áhættufjárfesta.

Nú síðan á að styrkja krónuna með því að taka erlend lán. Þessi lán munu fleyta tugum milljóna í gjaldeyri út úr efnahagskerfinu á hverjum degi (vaxtakostnaður). Hvernig styrkir það krónuna? Þetta er í hrópandi ósamræmi við grundvallarhagfræðikenningar um framboð og eftirspurn. Lánið mun auka framboð krónunnar á gjaldeyrismarkaði og því rýra gildi hennar. En það er eins og hagfræðingarnir fatti ekki hagfræði.

En meira skal til. Ríkisstjórnin vill að íslenskir skattgreiðendur gangist í ábyrgð fyrir einkabanka sem Björgólfur Thor fékk nánast gefins. Ábyrgðin er upp að 1.000 milljörðum.

Ríkishalli er 150 milljarðar og skuldir ríkissjóðs eftir nýjustu fréttum að dæma 207 milljarðar (sennilega vegna innspýtingar á peningamarkaðsreikninga).

Ótaldar eru skuldir Landsvirkjunar og annarra orkufyrirtækja sem selja orkuna (80% hennar) með tapi til erlendrar stóriðju

Erlend stóriðja skuldar sjálf milli 200 og 300 milljarða sem móðurfyrirtæki erlendis hafa fært yfir á hana og teljast þessar skuldir til skulda þjóðarbúsins.

Og ekki er allt upp talið því mörg sveitafélög eru nú stórskuldug og eru að reyna að redda sér fyrir horn með því að selja auðlindir eða leigja þær allt til hundrað ára.

Er þetta þjóðarbúið sem við viljum skila til afkomenda okkar?

Er sýslumaðurinn spilltur?

Er sýslumaðurinn handrukkari fjármálakerfis sem hann síðan ver? Hér áður var það þannig að sýslumaðurinn fékk 1% af eignum sem fóru á uppboð, vanskilum, vöxtum, verðbótum, innheimtukostnaði og lögfræðikostnaði beint í eigin vasa. Það má því segja að sýslumaður hafi verið afæta á þeim sem komust í þrot. Veit ekki hvort þessi lög eru í gildi núna.

Þessi virðist hafa komið afleggjurum sínum að í fjármálakerfinu. Ekki amaleg að sitja hringinn í kring um borðið.

Getuleysi ríkisstjórnarinnar við að takast á við það ófremdarástand sem sjálfstæðisflokkur og samfylking ásamt framsókn hafa skapað hér er grátbroslegt.

Glæpamenn og sjálftökufólk í bönkunum valsar um og ver ósómann. Skilanefndir sem skipaðar voru af sjálfstæðisflokki eru enn að störfum. Friðrik Sophusson er enn að störfum (á meðan Össur bíður eftir Ingibjörgu Sólrúnu) þótt Friðrik sé búinn að setja Landsvirkjun á hausinn.

Stjórnarfar á Íslandi markast enn af fasisma. Byggðar hafa verið varnir um glæpamenn í stjórnsýslunni. Klíkuskapur ræður vali í embætti og fjöldi þeirra sem innlimaðir eru inn í vé hins fasistíka stjórnarfars sitja heima en skattgreiðendur halda þeim þar uppi á ofurlaunum (dæmi: Davíð og Jónas)

Meðan meðlimir fjórflokksins lifa af góðum launum og lítið virðist hrjá þá annað en einstaka heilabilum er almenningur og fyrirtæki mergsoginn með verðtryggingu og okurvöxtum. Verðtryggingin og okurvextirnir ásamt hinni frægu innspýtingu ríkisins (fjármögnuð af skattpíndum) fer í að byggja upp innistæður þeirra sem áttu meira en 3.5 milljónir á innlánsreikningum. Síðan á að afhenda bankanna erlendum áhættufjárfestum.

Til þess að kóróna andskotann ætlar ríkisstjórnin að taka hundruð ef ekki þúsundir milljarða að láni í loftbólugjaldeyri sem á að liggja á banka í Bandaríkjunum en skattpíndir Íslendingar þurfa að greiða tugi milljóna í gjaldeyri á hverjum degi til þess að kosta þessa heimsku.

Svo ég snúi mér nú aftur af efninu. Sýslumaðurinn virðist ekki vilja að fjölmiðlar veki athygli á ríkjandi fasisma á Íslandi. En það sem einkennir fasismann eru skyldleikatengsl í viðskiptalífi og stjórnmála og embættismannakerfi sem síðan eiga fjölmiðlanna sem mega eingöngu flytja áróður þeim þóknanlegan.

Bendi á ágætan pistil hér um heimskuáróður samfylkingarinnar

Þetta komment kom á bloggið:

Sýslumaðurinn í Reykjavík var skipaður af Birni Bjarnasyni sem ríkislögreglustjóri í Baugsmálinu vegna meints vanhæfis Haraldar Joh. Sjá hér.

Virðist vera einn af þeim innmúruðu? Allavega hleypur hann eftir tilskipunum spillingarklíkunnar og það utan skrifstofutíma.

Þessa athugasemd er að finna á blogginu hjá Agli:

Rúnar Guðjónsson er sýslumaður Reykjavíkur og tók fram hlaupaskóna til að stoppa frétt RÚV.
Sonur sýslumannsins Rúnar Guðjónssonar
er framkvæmdastjóri fjármálafyrirtækja SSF
http://www.sff.is/sff/starfsfolk/og yfirmaður hans í stjórn SFF er sjálfur Finnur Sveinbjörnsson bankastjóri Nýja Kaupþings.
Hinn sonurinn Sonur Rúnars er Frosti Reyr Rúnarsson, fyrrverandi forstöðumaður verðbréfamiðlunar Kaupþings og einn af kúlulánþegum Kaupþings
Rúnar Guðjónsson var sýslumaður í Borgarnesi og rótarýfélagi Ólafs, föður Ólafs Ólafssonar.
Þetta er Ísland í dag......

Bloggfærslan er hér.

Netverjar æfir yfir lögbanni

Hrannar Björn Arnars talar niður til Evu Joly

Áður en ég fer að sofa ætla ég að deila með ykkur hugrenningum mínum um vitfirringuna í stjórnarráðinu.

Efnislega eru skilaboðin frá Hrannari Birni Arnarsyni aðstoðarmanns Jóhönnu Sigurðar Forsætisráðherra til Evu Joly: ‘Haltu þig við það, sem þú hefur vit á’, segir á Vísi.is

Það væri nú gott að vita hversu oft Hrannar B Arnarson tjáir sig um málefni sem hann hefur ekki haft hundsvit á.

Vissulega hefur Eva Joly komið róti á í herbúðum þeirra sem vilja gera íslensku þjóðina að fátækustu þjóð í heimi.

Herbúðum þeirra sem ekki lagt saman, ekki 2 og 2 í þessu tilfelli heldur:

Gríðarlega rýrnun skatttekna + Gríðarleg útgjöld vegna bankahruns (útgjöld sem ríkisstjórnin ætlar að fjármagna með erlendum skuldum til þess að geta sleppt innistæðueigendum sem voru búin að selja (innherjasölu) bréf í bönkunum) + Icesave + lán frá AGS + lán frá norðurlöndunum + lán frá Rússum (skilyrt) + lán frá Póllandi = afsal fullveldis, afsal auðlinda og réttinda.

Ég hef reyndar ekki heyrt fara margar sögur af menntun Hrannars, heyrt að hann sé með einhver pungapróf héðan og þaðan sem inngönguskilyrði hafa ekki verið ekki mikilvæg. Heyrt meira um fyrirtækjarekstur hans sem var ekki til fyrirmyndar

Það er ekki að furða að samfylkingin hagi sér undarlega þegar ráðgjafarnir eru slíkir. Sér Hrannar Björn ekkert athugavert að ráðast á virtan einstakling sem hefur sjálfsagt 5 sinnum þá menntun sem hann hefur sjálfur auk þess mannkosti sem hann gæti aldrei látið sér dreyma um.

Nei þeir sem ekki hafa verið blessaðir með hæfileikum, heiðarleika og mannlegri reisn á borð við Evu Joly ættu að hafa vit á því að þegja um hennar velgjörðir við þjóðina.

Eva Joly er nefnilega heiðarleg og stendur með þjóðinni. Hrannar Björn vinnur að sérhagsmunum sem muna á endanum leiða yfir þjóðina meiri hörmungar en við getum séð fyrir, jafnvel þau okkar framsýnustu.

Hér er mynd af útskrifarnemendum 2007 til 2009. Vantar Hrannar á myndina? Kem ekki auga á hann.

Orðrétt segir aðstoðarmaður forsætisráðherra í færslu sinni á Facebook: ‘Dettur Evu í hug að þessi grein auki traust á Íslandi erlendis ? Veit hún ekki að megnið af erlendu lánunum (eiginlega allt nema Icesave) er til að styrkja gjaldeyrisforðann og þar myndast eign á móti ? Held hún ætti að halda sig við ráðgjöf við sérstaka saksóknarann og láta aðra um efnahagsmálin.’

Enn bera færslur aðstoðarmanns forsætisráðherra þess merki að hann kann ekki að reikna.

Ofurlánin frá Norðurlöndunum og AGS eiga jú víst að styrkja gjaldeyrisvaraforðann en hann verður geymdur á lágum vöxtum í Bandaríkjunum. Kosta íslenska skattgreiðendur tugi milljóna á dag, já á hvern dag og það í erlendum gjaldeyri.

Síðan kemur að því að Íslendingar neyðast til þess að ganga á þennan gjaldeyrisvaraforða þegar viðskiptajöfnuður dugir ekki fyrir Icesave.

Þeir sem vilja taka á sig þessar skuldbindingar eru einstaklingar sem skortir framtíðarsýn. Geta ekki séð fyrir sér hörmungarnar sem þeir eru að panta. Það er sorglegt að fá svo skitinn áróður og árásir á Evu Joly úr stjórnarráðinu sem algjörlega hefur brugðist þjóðinni í PR málum. Enda eru PR menn þeirra klíkuvinir sem kunna lítið fyrir sér og eru ekki starfi sínu vaxnir.

Grímulaus spilling

Nú er þess krafist grímulaust að fjölmiðlar verndi útrásarvíkinga.

Ef lánabækur allra bankanna líta út með svipuðu móti og hjá Kaupþingi hafa lán til eignarhaldsfélaga verið yfir 4.000 milljarða. Stærsta bomban er líklegast í Landsbankanum og myndi afhjúpa útrásarvíkinga sem hafa ekki verið mikið í umræðunni.

Merkilegt að Björn Bjarnason skuli tjá að bankaleynd sé óviðeigandi. Enginn hefur lagt sig eins mikið fram um að sópa skítnum undir teppið að mínu mati og Björn. Hann réði feður bankaræningjanna til þess að rannsaka hvort grunur lægi fyrir um brot. Menn á hans vegum töfðu rannsóknir.

Dóms og lögregluvald á Íslandi er í raun bara skrípaleikur eftir setu sjálfstæðismanna í tuttugu ár. Valdastofnanir sem verja útrásarvíkinganna eru sköpunarverk sjálfstæðisflokksins.

Hendur fjölmiðla bundnar

Innistæðulausir frasar

Bankaleynd

Trúnaðarmál

Traust (en meina vel heppnuð blekking)

Einangrast frá alþjóðasamfélaginu

Kúba norðursins (en almenningur á Kúbu stendur sennilega mun betur að vígi en almenningur á Íslandi)

Vinaþjóðir (notað um kúgara)

Að VIÐ stöndum við skuldbindingar okkar

Björgunaraðgerðir (látið hljóma eins og greiði við almenning en er í raun banka "bail out")

Axla okkar siðferðislegu ábyrgð

Hlaupast ekki undan merkjum

Við tókum við vondu búi

Í tíð fyrir ríkisstjórnar

Verður lagt í dóm kjósenda

Of flókið til að skýra frá því

Skjaldborg heimilanna

Öflugt velferðakerfi

Vernda þá sem minnst mega sín

Styrkir krónuna (en það gerist aldrei, hún bara veikist)

Verndum þá tekjulægri

Gæta að hagsmunum

Neikvæð eiginfjárstaða (=skuldir)

Lönd sem við viljum bera okkur saman við (ekki nefnt hvaða og hvers vegna)

Rétta af þjóðarskútunna

Taka þátt í alþjóðasamfélaginu

Velferðarstjórn (um stjórn sem hefur tekið að sér að rústa sjálfviljug velferðakerfinu)

Þessi kemur frá Þórði: göngum óbundnir til kosninga

Verðum dæmd af verkum okkar....

Þessi kemur frá Magnúsi:Verðum að ganga í ESB (endurtekið í síbylju)

Þessi kemur frá Tryggva: Förum alla leið ( til helvítis)

Hilmar á þessa tvo: Allt uppi á borðum og

ÞETTA ER EKKI TÆKT Í ÞJÓÐARAATKVÆÐAGREIÐSLU

En SR segir: gríman fallin og skilaboðin standa eftir í tærri-snilld: Haltu-kjafti-borgaðu.

Lögbanni mögulega hnekkt

Hvað á erindi til almennings?

Það er algjör hneisa að reyna af öllu afli að troða Icesave samningnum, sem fjöldi virtra og sérfróðra einstaklinga hafa bent á að MJÖG vondir samningar, en gera síðan

EKKERT til þess að hreinsa til í spilltri stjórnsýslu, skilanefndum, bönkum og stjórnmálum.

Hvað segir það um vilja ríkisstjórnarinnar til þess að afla trausts?

Eða hvað segir Finnur Sveinbjörnsson sem situr í boði núveraðndi ríkissjórnar: “að upplýsingar um viðskiptavini Kaupþings eigi ekki erindi til almennings.”

Hvað á erindi til almennings? Greiðsluseðlarnir?

Er það þess vegna sem við kjósum stjórnvöld?

Til þess að þau geti látið senda okkur greiðsluseðla fyrir skuldum útrásarvíkinganna?

Kaupþing fékk lögbann á RÚV

Erlendir lánadrottnar græða á kreppunni

WSWS fjallar um það hvernig stærstu bankarnir raka upp gróða í kreppunni.

Nýleg grein í Der Spiegel undir titlinum "Græðgin snýr aftur -bankarnir enduropna alheimsspilavítið" veitir nokkra innsýn í orsakir uppgangs fjármálakerfisins. Virtur fjármálasérfræðingur segir, fyrir nokkrum árum urðu bankarnir ríkir á innistæðum viðskiptavina, síðan urðu þeir ríkir á peningum hluthafa en nú hafa bankarnir náð tökum á stærstu uppsprettu fjármagns, fjármagni skattgreiðenda.

Bankamenn eru glaðhlakkalegir og segja: skattgreiðendur eru að greiða fyrir spilapeninganna. Það getur ekki orðið betra.

Skattheimta sem er sett í fjármálakerfið á rætur sínar í Bandaríkjunum. Árið 2008 settu Bandaríkjamenn 23.7 trilljónir bandaríkjadala í bankakerfið. Það er 1.7 sinnum verg landframleiðsla Bandaríkjamanna.

Peningar sem eru settir í fjármálakerfi eru teknir úr velferðakerfinu. Sátt hefur ríkt um það lengi vel að skattheimta þjóni innri gerð samfélagsins, tryggi samgöngur, veitur, heilbrigðiskerfi og menntun.

Sífellt er að vera að einkavæða þessa þætti samfélagsþjónustu en á sama tíma hækka skattar. Almenningur þarf að greiða skatta auk þjónustugjalda sem áður voru innifalin í sköttum. Stjórnmálamenn sem fjármálakerfin hafa náð að spilla vinna að því að ræna velferðarkerfinu frá almenningi og færa það fjármálakerfinu.

Fjárhæð sem svarar 30% af vergri framleiðslu í heiminum hefur verið sett í fjármálakerfin. Þetta framlag ríkisstjórna gera fjármálakerfinu kleift að halda uppteknum hætti við spákaupmennsku og spilavítishegðun.

Ríkissjóðir eru hins vegar ofurskuldsettir og skilja eftir skuldir fyrir komandi kynslóðir að takast á við en fjármálakerfið græðir á viðskiptum með ríkisskuldabréf.

Bankarnir forðast hinsvegar að lána til atvinnuveganna, telja það of áhættusamt. Þessi staða neyðir fyrirtæki til þess að selja skuldabréf með mjög háum vöxtum og enn græða bankarnir.

Fyrirtækin tapa hins vegar. Þau dragast inn í spíral vegna hárra vaxta og verða ofurskuldsett. Fyrirtæki skulda á fyrstu sex mánuðum þessa árs (vegna útgáfu skuldabréfa) 50% meira en meðaltal síðustu þriggja ára.

Og einstaklingar í bankakerfinu græða. Laun bankastarfsmanna hafa rokið upp eða um 20 til 30% á þessu ári. 

Þetta vandamál sem rakið er hér að ofan bitnar á öllum almenningi í öllum löndum en hvergi eins og á Íslandi. Fjármálakerfið á stjórnmálamenn eins og athafnir þeirra bera greinilega með sér. Stjórnmálamenn kengbeygja sig undir fjármálakerfið um leið og þeir komast til valda. Afleiðingarnar eru: veikburða atvinnulíf, veikburða velferðakerfi og aukin mismunun.

Jafnvel í löndum sem hafa haft orð á sér fyrir þróað velferðakerfi eins og t.d. Svíþjóð, er fólk farið að éta úr ruslatunnum. Á Íslandi hefur hin frjálsa markaðshyggja, sem sjálfstæðisflokkurinn hefur ásamt samfylkingu og framsókn hafa inleitt, leitt til aukinnar mismununar, lakari tannvernd barna, aukna ásókn almennings í hjálparstofnanir, aukið atvinnuleysi o.s.frv.

Þetta sumar er hvíldarsumar Íslendinga því ef Icesave verður samþykkt og ráðum Alþjóðagjaldeyrissjóðsins verður framfylgt mun hryllingurinn blasa við Íslendingum þegar líða fer á veturinn.  

Ísland – það sem læra má af efnahagshruninu