Örvinglað landráðafólk

Nokkuð hefur borið á örvinglan meðal þeirra sem keyrðu þjóðarbúið í þrot með athöfnum og athafnaleysi.

Reiði hefur hreiðrað um sig meðal Sjálfstæðismanna sem hyggjast einelta tiltekna þingmenn með fýlusvip. 

Það hlýtur að vera sérlega sársaukafullt að vera sniðgengin af fúlum Sjálfstæðismanni í vinnunni. 

Ekkert er hræðilegra en sjálfstæðismaður sem þarf að standa skil á gjörðum sínum eða axla ábyrgð.  

Össur Skarphéðinsson og Jóhanna Sigurðardóttir sáu aumur á Geir Haarde og vildu ekki senda hann fyrir landsdóm.

Sjálfstæðismenn munu því áfram brosa til Jóhönnu og Össurar.  

 

Ískalt viðmót á þinginu

Nauðungasölur og atvinnuleysi í boði Jóhönnu Sigurðardóttur

Árangur í samstarfi við Alþjóðagjaldeyrissjóðinn þýðir að íslensk stjórnvöld hafi sýnt eindæma þjónustulund við Alþjóðagjaldeyrissjóðinn. Markmið Alþjóðagjaldeyrissjóðsins er að lágmarka tap þeirra sem stóðu í því að græða á bankabólunni og færa tapið eftir því sem unnt er yfir á íslenska alþýðu og íslenskt atvinnulíf. 

Steingrímur J Sigfússon hefur reynst Alþjóðagjaldeyrissjóðnum einstaklega vel innanhandar. Hann færði tvo af þremur stóru bankanna í hendur lánadrottna og færði þar með örlög íslenskra fyrirtækja og heimila í hendur Alþjóðafjármálakerfisins.

Jóhanna Sigurðardóttir afsalaði fullveldi Íslands í hendur Alþjóðagjaldeyrissjóðsins að því marki er lítur að efnahagsstjórnun landsins.

Forsætisráðherrann og fjármálaráðherran tala á tyllidögum um hið norræna velferðarríki en eru svo á mála hjá Alþjóðagjaldeyrissjóðnum við að rífa niður innviði velferðarkerfisins.

 

„Mikill árangur hefur náðst“

Gerræði stjónmálamanna keyrt bæjarfélagið í þrot

Undanfarna áratugi hafa stjórnmálamenn makkað í bakherbergjum með auðlindir þjóðarinnar og með eignir ríkis og bæjarfélaga.

Stjórnmálamenn hafa gert stjórnsýsluna óhæfa til þess að sinna sínu réttmæta hlutverki með ófaglegum vinnubrögðum við mannaráðningar.

Klikkaðir karlar hafa gengið fram með offorsi eins og Andri Snær kallar það.

Landslög hafa verið sniðin til þess að vernda fjárglæframenn og stórglæpamenn.

Þjóðin hefur verið gerð að fórnarlambi en samfélagið á að krefjast þess að endurheimta reisn sína.

Stjórnarskráin þarf að mynda ramma um íslenskt lagaumhverfi sem tryggir að ekki sé hægt að ræna þjóðina í skjóli nætur og að þeir sem eru umboðsmenn almennings á Alþingi Íslendinga vinni að heilindum að velferð almennings. Móta þarf stjórnarskrá sem styður jákvæða og mannsæmandi þróun samfélagsins. 

Tryggjum rétt barna okkar til mannsæmandi lífs í nýrri stjórnarskrá 

Ég er að velta því fram að bjóða mig fram til stjórnlagaþing og vill kanna hvort stuðningur sé við þetta framtak mitt.

Þeir sem eru hlynnir því að ég bjóði mig fram geta sýnt stuðning sinn á þessari síðu

http://www.facebook.com/profile.php?id=713706771#!/pages/Jakobina-Ingunn-Olafsdottir-a-stjornlagabing/161385473872928?ref=mf

Skera niður um 450 milljónir

Dularfyllsta mál aldarinnar

Það er mér sífelld ráðgáta hversu Steingrímur virðist áfjáður í að gera Íslendinga að skattgreiðendum í Hollandi.

Ég hef aldrei dregið dul á þetta vandamál mitt jafnvel ekki eftir að Steingrímur lét henda mér út af framboðslista VG fyrir síðustu borgarstjórnarkosningar að því er sögur herma vegna þess að ég fór í taugarnar á honum. 

Steingrímur fer ekkert í taugarnar á mér. Vandinn er fremur að málflutningur hans kemur mér sífellt á óvart og ég á erfitt með að stilla mig um að hafa skoðun á honum.

Ofuráhersla Steingríms á það að tala við Hollendinga eins og hann bíði þess eins að geta hrakið sjúka og fátæka út úr velferðakerfinu rek ég helst til þess að Steingrímur sé að uppfylla leynisamning við Samfylkingun.

Samning sem felur í sér að Steingrímur fái að vera fjármálaráðherra meðan hann er málpípa Samfylkingarinnar í þessu vandræðamáli sem ógnar ESB draumsýninni.  

Það er svo margt í sambandi við Icesave sem má alls ekki segja.

 

Óvarlegt að tala svona

Skrípaleikurinn hjá Samfylkingunni í hámarki

Hún er skrítin sú samkunda sem kallar sig Samfylkingu. Árni Páll Árnason nýlega búin að ráða vin sinn í embætti en gugnaði síðan á framtakinu þegar fjármál embættismannsins og vinskapur við Árna Pál komst í hámæli

Kristín Heimisdóttir fyrrum aðstoðarkona Ingibjargar Sólrúnar og núverandi aðstoðarmaður Árna Páls gefur út yfirlýsingu um að hún styðji kvennaframboð og Árni Páll fylgir í kjölfarið.

Hvaða sjónarspil eru Ingibjörg Sólrún og Árni Páll að bjóða landsmönnum upp á. Er ekki komið nóg að þessum fíflagangi og ætti þetta fólk ekki bara að reyna að sjá sóma sinn í að skammast sín.  

Aðeins helmingur mætti til fundarins

Nýtt landráðaframboð á döfinni

Kristrún Heimisdóttir fyrrum aðstoðarmaður Ingibjargar Sólrúnar og núverandi aðstoðarmaður

 sætabrauðsdrengsins Árna Páls hefur tilkynnt að hún styðji kvennaframboð.

Nú eru uppi vangaveltur um það hvort að Ingibjörg Sólrún sé að hóta Samfylkingunni að stofna nýtt kvennaframboð þurfi hún að fara fyrir landsdóm.

Mynd fengin að láni hjá Ævari Rafn Kjartanssyni

Þungbær skylda

Komið að skuldadögum

Ég verð að játa það að það voru mér sár vonbrigði þegar femínistinn Ingibjörg Sólrún stakk sér beint ofan í vasa Geirs Haarde með þátttöku í ríkisstjórn hans. Ég hef lengst af haft mætur á Ingibjörgu Sólrúnu sem stjórnmálamanni og kvenréttindakonu. En vinskapur við sjálfstæðisflokkinn er hættulegur.

Þeir sem súpa af þeim gullbikari sem sjálfstæðisflokkurinn réttir þeim verða líka að vera tilbúinir til þess að þola niðurganginn sem fylgir í kjölfarið.  

Ingibjörg Sólrún ræðir stöðu sína

Fyrirgefið: mafíósa vinnubrögð við einkavæðinguna

Fyrisögn Moggans er misvísandi 

Athafnir manna við einkavæðingu bankanna á lítið skylt við mistök heldur er um vísvitandi svik við ríki og kjósendur að ræða.

Atriði í söluferlinu brjóta í bága við ákvæði ríkisstjórnarinnar um meðferð ríkiseigna auk þess sem það stefndi heill ríkisins í hættu. 

Sekt glæpaklíkunnar í forystu sjálfstæðisflokksins er hafin yfir allan vafa.

Eingöngu er viðeigandi að tala um mistök þegar menn fremja klúður án þess að fyrirætlun um skaða séu meðvituð.

Uppsögn Steingríms Ara Arasonar ber þess greinileg merki að einkavæðingarnefn og ráðherrar voru með fullri meðvitund um það hvað þeir voru að gera.  

Mistök gerð við einkavæðinguna

Vanræksa, framtaksleysi, vítavert gáleysi eða ábyrgðarleysi

Það gerist of oft að þegar þingmaður sjálfstæðisflokks viðrar álit sitt og færir rök fyrir því að ég fæ suðu í eyrun, Það hríslast um mig eins konar skömmustutilfinning, svona kjánahrollur eins viðkomandi hafi dottið á hausinn í fullum veisluskrúða. 

Á tuttugu ára valdaferli báru sjálfstæðismenn í krafti valds sem þeir hafa rausnarlega skammtað flokknum ábyrgð á því að endurskoða og tryggja réttmæti og samræmi landslaga. Aldrei hefur flokkurinn gert athugasemd við landsdóm eða lög um ráðherraábyrgð. Í kjölfar bankahrunsins töldu sjálfstæðismenn eftir því sem best verður séð ekkert athugavert við lögin. Hvorki fyrir né eftir rannsóknarskýrslu.

Kannski var það hluti af vanrækslu, framtaksleysis, vítaverðs gáleysis eða margrómaðs ábyrgðarleysis sjálfstæðisflokksins.

Sjálfstæðismaðurinn (homo snappus) hefur þróað með sér sérstaka hæfileika.

 

• Hann getur bergmálað forystuna af einstakri nákvæmni.
• Hann getur höndlað veruleikann þannig að hann fær á sig margræða mynd.
• Hann getur tengt ólíklegustu atriði saman og kallað það rök. 
• Hann getur flækt mál sitt svo að fréttamaðurinn situr bara ringlaður eftir.
• Hann getur gert hluti eins og þekkingarleit tortryggilega
• Hann getur með ótrúlegum árangri fært eigin afglöp yfir á önnur stjórnmálaöfl (Icesave)
• Hann getur.....úff.... suða...svimi...ógleði...zzzzz

 

Sjaldan minnst á mannréttindi

 Sjaldan er minnst á mannréttindi nema þegar athyglinni er beint að hvítflibbaglæpamönnum og stjórnmálamönnum.

Þessi grein birtist í smugunni fyrir nokkrum dögum:

Rannsóknir hafa jafnan það hlutverk að auka skilning á ferlum og ástandi sem hafa haft tilteknar afleiðingar. Sjálfstæðisflokkurinn vill ekki rannsókn á einkavæðingu bankanna og vill ekki að ráðherrar verði kallaðir fyrir landsdóm. Afstaða Sjálfstæðisflokksins er í raun yfirlýsing um að flokkurinn sé enn fylgjandi sömu stefnu um ábyrgðarleysi í stjórnum fjármálakerfisins og stjórnun landsmála og leiddi til hrunsins. En afstaða flokksins er ennfremur yfirlýing um að flokkurinn vill ekki auka skilning sem getur kallað fram lærdóm. Framsóknarflokkurinn er einnig mótfallinn rannsókn á einkavæðingu bankanna. Úr herbúðum beggja þessara flokka hefur komið fram stuðningur við forystu kirkjunnar sem hefur hylmt yfir kynferðislegt ofbeldi framið af valdamönnum kirkjunnar gegn sóknarbörnum.

Sjálfstæðisflokkurinn og Framsókn hafa byggt upp samfélagsgerð sem vinnur gegn almennri velferð og styður mannréttindabrot. Íslendingar vilja gjarnan kenna sig við norræna velferð og trúa því að þeir búi í menningarsamfélagi með háu menntunarstigi. Staðreyndin er hinsvegar sú að menntunarstig á Íslandi er mun lægra en í þeim löndum sem við viljum bera okkur saman við og brottfall úr námi mjög hátt.Það er einnig áberandi á Íslandi að fólk er almennt illa menntað en þá er ég ekki að tala um magn heldur gæði. Rökræðan er almennt afleit og fjölmiðlarnir stunda það að villa um fyrir fólki en fólk hefur sýnt sig vera mjög trúgjarnt.

Ástandið í Reykjanesbæ er birtingarmynd á skertri dómgreind kjósenda sem hafa kosið yfir sig Sjálfstæðisflokkinn þrátt fyrir það að forysta hans hafi gert bæinn nánast gjaldþrota. Ég hef velt fyrir mér hvað það er í hugarfari þessa fólks sem gerir það að það leggur traust sitt á fólk sem bersýnilega hefur brugðist því.Það má spyrja hvort að kjósendur skynji það réttilega að þeir eru í raun eigendur sveitafélagsins en líti kannski fremur á sveitarfélagið sem yfirmann sinn sem því beri að hlýða. Að það bugti sig og beygi fyrir valdinu sem hefur gert það að öreigum. Ef svarið við þessari spurningur er já þá á þetta líklega við um 35% þjóðarinnar sem fylgja Sjálfstæðiflokki að málum. Trúgirni, dómgreindarleysi og þrælslund eru sennilega áskapað þessu fólki sem ekki virðist hafa eigin velferð eða velferð barna sinna og foreldra í huga þegar það gengur til kosninga.

Tryggð þessa fólks við Sjálfstæðisflokkinn virðist vera meiri en tryggð við eigin börn og foreldra. Ástæðuna fyrir þessum þunga áfellisdómi yfir kjósendum Sjálfstæðisflokksins má í raun rekja til þess að þrátt fyrir að Sjálfstæðisflokkurinn hafi brotið niður flest þau kerfi sem eiga að tryggja almenna velferð og réttlæti hafa kjósendur flokksins ekki kosið að yfirgefa hann.Stefna sjálfstæðisflokksins í veigamestu málefnum þjóðarinnar vinnur gegn almennri velferð. Landsbyggðinni blæðir vegna kvótakerfisins sem heftir athafnafrelsi og færir réttinn til þess að afla tekna af sjósókn til 166 aðila sem hafa í raun arðrænt bæjarfélögin á landsbyggðinni.

Vinnuveitendur fara með völdin yfir lífeyrissparnaði launþega og hafa skert framfærslu lífeyrisþega verulega og halda enn áfram að spila með sparifé lauþega.Millistéttinni á Íslandi er ógnað vegna stefnu Sjálfstæðisflokksins en hún felur í sér að sífellt fleiri sogast inn í þann hóp sem lifir undir fátækarmörkum. Þetta ástand má rekja beint til einkavæðingar bankanna, erlendrar skuldsetningar sem rekja má til uppbyggingu álvera sem skila hvorki skatti né arði til þjóarinnar en einnig fyrirkomulagsins í stjórnun sjávarútvegs síðustu áratugi og færslu framleiðslugreina og arðs úr landinu.Einokun og fákeppni hefur einnig dregið verulega úr almennri velferð. Orka hverju nafni sem hún nefnist er að verða lúxusvara í landinu. T

il þess að tryggja sérhagsmuni hefur Sjálfstæðisflokkurinn mótað lagaumhverfi sem elur á misrétti hvað varðar réttarstöðu einstaklinga. Dómskerfið sem er sýkt af klíkuráðningum tekur einatt afstöðu með hinum valdameiri og bregst hlutverki sínu við að tryggja réttlæti og jafnræði í kerfinu. Fylgismönnum Sjálfstæðisflokksins virðist vera fyrirmunað að koma auga á þetta ástand.Jakobína Ingunn ÓlafsdóttirStjórnsýslufræðingur

Telur ákæru standast mannréttindareglur