Stendur sig eins og hetja

Það er gott að þjóðin er búin að fá íslenskan málsvara en hana hefur hana skort tilfinnanlega undanfarið ár.

Ólafur hefur svo sannarlega sýnt að hann styður þjóðina í baráttunni við nýlenduveldin.

Menn og konur sem eru tilbúin til þess að selja þjóðina í skuldaránauð í einhverjum pólitískum hildarleik eiga að finna sér önnur verkefni en stjórnmál.

Icesave er í grundvallaratriðum rangt og birtingarmynd ofbeldis og kúgunar.

Íslendingar gera heiminum gott með því að rísa upp og hafna yfirgangi nýlenduveldanna.

„Það er verið að kúga okkur"

Launfundur með Wouter Bos

Velti því fyrir mér hvort Steingrímur hafi ekki þorað að taka Birgittu með á fund með Wouter Bos.

Hefur kannski nóg með Sigmund Davíð?

Ég hvet Sigmund Davíð til þess að nota mælskulist sína á Wouter Bos.Treysti honum satt að segja til þess.

Skyldi Jóhanna ekki sakna gömlu góðu daganna þegar minna var um óróaseggi á þingi?

Utan til funda vegna Icesave

Hvorki fugl né fiskur?

Þær sögur fara af rannsóknarskýrslunni að ummæli um krassandi innihald séu stórlega ýktar. En það kemur í ljós við birtingu skýrslunnar hvort tár Tryggva hafi verið ekta eða hvort Tryggvi sér sérlega viðkvæmur.

Ýmsir fjölmiðla-, stjórnmála- og bankamenn eru sagðir áhyggjufullir vegna þess að þeir óttast að upp komist um fjármálatengsl þeirra við fjármálamafíuna.

Merkilegt því nú þegar liggur fyrir að hálf stjórnmálastéttin og góður hluti fjölmiðlastéttarinnar eru flæktur upp fyrir haus.

Það er athyglisvert að það er ekki hægt að ráða í forstjóra- eða bankastjórastöður hjá ríkinu nema kúlulánaþega og braskara. Er tryggara að hafa sökudólga við stjórnvölinn vegna þess að þeir hafa hag af því að þegja um það sem þeir verða áskynja?

Þorgerður Katrín hefur kostað ríkissjóð 850 milljónir fyrir utan 50 milljónir sem manneskjan hafði geð í sér til þess að gefa handboltaliðinu þótt hún vissi að efnahagskerfið væri að hrynja árið 2008.

Nú er spurningin hvernig bregðast menn við þegar syndir þeirra verða afhjúpaðar í skýrslunni. Mín spá er, þeir munu sitja sem límdir á sínum stólum og fara með rulluna "við eru öll sek". 

Mogginn fylgist vel með ísbjarnarmálum!

...

	Fólk hafi varann á sér
Ábyrgðarmaður færslu Tenging við þessa frétt hefur verið rofin vegna kvartana.

Moggin fylgis illa með

Ég setti þessa frétt inn á bloggið í gær eða fyrradag. Ætli Davíð sé búin að reka ræstingakonuna og fréttir farnar að týnast á bak við skápa og kommóður þarna uppi í Hádegismóum.

Annars minni ég á það að það er síðasti dagurinn í dag fyrir þá sem vilja taka þátt í forvali VG að skrá sig.

 HÉR

Miklu skiptir að verja Orkuveituna og auðlindirnar sem Orkuveitan fer með fyrir borgarbúa.

Mikilvægt er að standa vörð um velferðarkerfið í borginni

og efla íbúalýðræði og áhrif á mál sem varða borgarhverfi.

Norðmenn láni Íslandi óháð Icesave

Furðuleg frétt á Eyjunni

Þar segir að Björk Vilhelmsdóttir segji embættismenn hafa tekið fram fyrir hendur kjörinna fulltrúa.

Svokallaður Hálendishópur hefur verið lagður niður en það er sérsakt úrræði fyrir unglinga í verulegum vanda.

Því er haldið fram að ónafngreindir embættismenn hafa tekið fram fyrir hendur kjörinna fulltrúa. Er það ekki svo að einhver þurfi að standa undir nafni fyrir þessari ákvörðun.

Það er fremur lélegt að kjörnir fulltrúar virðast ekki hafa vitað undir hvaða ráð þetta verkefni heyri og bera síðan af sér alla ábyrgð.

Komið hefur í ljós, samkvæmt fréttinni, að málefnið heyrir undir velferðaráð en fulltrúar þess eru eftirfarandi:

Kjörnir:	Til vara:
Jórunn Frímannsdóttir, formaður	Elínbjörg Magnúsdóttir
Sif Sigfúsdóttir	Kristján Guðmundsson
Eiríkur Sigurðsson (frá 16.6.'09)	Salvör Gissurardóttir
Jóhanna Hreiðarsdóttir	Hallur Magnússon (frá 16.6.'09)
Björk Vilhelmsdóttir	Guðlaug Magnúsdóttir
Marsibil Sæmundardóttir	Þórir Hrafn Guðmundsson
Drífa Snædal (frá 2.6.'09)	Elín Sigurðardóttir

 

Betri siði hjá borginni

Ég er hlynnt því að þeir sem bjóða sig fram til þjónustu við almenning með þátttöku á framboðslistum í borgarstjórn svari spurningum sem skipta máli fyrir næstkomandi kjörtímabil. Jóhannes Laxdal Baldvinsson setti fram nokkrar spurningar á bloggið hjá mér sem mér finnst verðar svara.

1.      Hvaða skoðun hefur þú á núverandi rekstrarformi OR?

Núverandi ástand og form orkuveitunnar er að miklu leiti afsprengi hugmynda framsóknarflokks og sjálfstæðisflokks um fyrirkomulag í stjórnsýslu. Veitustofnanir Reykjavíkur tilheyrðu stofnunum borgarinnar hér áður fyrr og voru fyrst og fremst var hugsaðar sem þjónusta við almenning og var ætlað að auka lífsgæði í borginni. XD og XB sáu í þessum stofnunum tækifæri til þess að skapa business fyrir áhangendur sína. Árið 2001 voru skuldir Orkuveitunnar um 50 milljarðar en eru í dag um 250 milljarðar. Ekki verður þetta skýrt með því að orku og vatnsreikningur borgarbúa hafi lækkað. Vissulega hljómar það fallega þegar að forkólfarnir tala um að flytja út íslenska þekkingu. En hvað er íslensk þekking? Það hefur verið stefna sjálfstæðiflokksins að gera menntun að verslunarvöru og að fólk fjármagni sjálft sína menntun. Menntað fólk ber síðan þekkingu inn í fyrirtækin og þróar lausnir. Það var því merkilegt framtak hjá sjálfstæðis- og framsóknarmönnum að ætla að fara að gera þekkingu starfsmanna Orkuveitunnar að féþúfu fyrir útrásarvíkinganna. Ég tel því að rekstrarform orkuveitunnar eigi að vera þannig að það dragi úr hættu á því að businessmenn séu að gera þetta fyrirtæki sem borgarbúar hafa byggt upp að gróðrarbralli og að það sé skuldsett upp í rjáfur í ævintýramennsku.

2.      Finnst þér það forsvaranlegt að borgarfulltrúar séu að vasast í stjórnum fyrirtækja borgarinnar?

Þessari spurningu svara ég á svipaðan hátt og þeirri fyrri. Stjórnsýslan á að vera fagleg. Mannaráðningar og fyrirkomulag hefur verið gríðarlega litað af pólitísku bitlinga og klíkustarfi. Fjöldi stjórnmálamanna borgarinnar hafa misnotað aðstöðu sína en það kemur einatt niður á gæðum og hæfni í þjónustunni. Það er augljóst að uppbygging kerfisins hefur ekki spornað við þessu sem skyldi en einhvernveginn hef ég þó grun um að hugarfar eigi þarna ríkan þátt. Kjósendur eru ekki nægilega duglegir við að íta mönnum/konum út sem hafa ekki staðið sig við að gæta hagsmuna borgarbúa sbr. prófkjör sjálfstæðisflokksins.

3.      Hvernig getur borgin komið böndum á lóðabrask  og skipulagshryðjuverk lóðaeigenda og verktaka?

Með því að afnema styrki í prófkjörum til einstaklinga og til flokka. Verktakar og braskarar hafa verið sérlega iðnir við að "styrkja" stjórnmálamenn og flokka. Viðkomandi stjórnmálamenn og flokkar hafa síðan reynst styrktaraðilum sérlega vingjarnlegir. Þetta hefur leitt til algjörrar ringulreiðar í skipulagsmálum. Í þessum málum hjá borginni þarf verulega tiltekt en til þess að það megi verða þarf að komast fólk til valda sem er óháð mútusjóðum tiltekinna fyrirtækja og er tilbúið til þess að takast á við þessi vandamál.

Undirrituð hefur ekki þegið eina krónu í styrk, ekki þegið bitling frá stjórnmálaflokki og ekki hlotið starf í gegnum klíku.

Meiri þekkingu í borgina?

Stjórnmálin eru okkar eign en ekki eign pólitíkusa.

 Borgin er okkur nálæg sem búum í Reykjavík. Við notum strætó, börning okkar og barnabörn ganga í grunnskólann eða verja deginum í leikskóla. Við notum vatn, orku og hita sem fyrirtæki borgarinnar skaffa. Göturnar, gangstéttarnar, lýsingin í skammdeginu, allt er þetta í boði borgarinnar sem við skattgreiðendur fjármögnum. 

Sumir þurfa meiri stuðning en aðrir og gæta þarf að því að deila til þeirra sem eru í raunverulegri þörf í félagslega kerfinu. Vinna þarf að því að skapa tækifæri fyrir aðra. Það skiptir gríðalegu máli að deila á skilvirkann og sanngjarnan máta þegar kreppir að. Það er ekki hlutverk borgarbúa að kosta lúxusferðir til fjarlægra landa fyrir borgarfulltrúa. 

Það skiptir máli að þeir sem fara með völdin í borginni fari vel með þessa sameign okkar.

Ég er stjórnsýslufræðingur með mikla þekkingu á málefnum borgarinnar. Ég tel það baráttumál í niðurskurði og kreppu að við verjum grunnstoðir fyrir niðurskurði. Fjármunum verður að verja með fyrirhyggju. Ég hef opnað stuðningsmannasíðu á facebook sem finna má hér

Þeir sem vilja taka þátt í forvali VG skrái sig hér

Þetta er kosningamyndin hér að ofan.

Hvað stal Landsbankinn miklu frá þér?

Áttir þú hlutabréf í Landsbankanum?

Áttir þú inneign í peningamarkaðssjóði?

Varst þú með myntkörfulán sem bankarnir veðjuðu gegn?

Ef ríkisábyrgð verður samþykkt á Icesave mun það kosta þig á aðra milljón fyrir hvern meðlim í fjölskyldu þinni.

Björgólfur Thor gerði Landsbankann og fjárhag viðskiptavina hans að leikfangi sínu. Björgólfur fékk sér til fulltingis ýmsa einstaklinga sem hjálpuðu honum við að útfæra brellur til þess að ná fjármunum af fólks. 

Athugið hverja ríkisstjórnin hefur valið sér til fulltingis:

Ingvi Örn Kristinsson er aðstoðarmaður Félagsmálaráðherra Árna Páls Árnasonar, en hann var framkvæmdastjóri Verðbréfasviðs Landsbankans. Einnig starfar hann sem ráðgjafi Forsætisráðherra.

Benedikt Stefánsson var í Greiningardeild Landsbankans og er núna aðstoðarmaður Gylfa Magnússonar Efnahags- og Viðskiptaráðherra.

Björn Rúnar er skrifstofustjóri í Viðskiptaráðuneytinu. Hann var forstöðumaður í Greiningardeild Landsbankans

Edda Rós er núna fulltrúi Íslands í AGS. Hún var forstöðumaður Greiningardeildar Landsbankans

Arnar Guðmundsson var í Greiningardeild Landsbankans. Hann er núna aðstoðarmaður Katrínar Júlíusdóttur Iðnaðarráðherra.

Já samfylkingin hefur dálæti á Björgólfi Thor.

Þrátt fyrir að glæpir Landsbankans hafi verið yfirgengilegir hefur samfylkingin tekið gerendurnar í Landsbankamálinu undir sinn verndarvæng.

Vilhjálmur Þorsteinsson er náinn samstarfsmaður Björgólfs Thors en nýtur nú aðstoðar Katrínar Júlíusdóttir (sem hefur valið starfsmann Björgólfs Thors sem aðstoðarmann) við reisa gagnaver á Keflavíkurflugvelli en nefnt hefur verið að virkja neðri hluta Þjórsár til þess að skaffa þessu fyrirtæki orku. 

Össur Skarphéðinsson er potturinn og pannan í þessum leik en margir tengjast þessum óþverra sem felst í því að vera leppur Björgólfs Thors sem hamast við að mergsjúga þjóðarbúið.

	Húsleit á 12 stöðum
Ábyrgðarmaður færslu Tenging við þessa frétt hefur verið rofin vegna kvartana.

Já og skjaldbökuvísitalan hefur náð hundrað og þremur samkvæmt nýjustu mælingum

Það felur í sér að fólk telur að stjórnmálamenn tali voða fallega og en geri ekki neitt í meira mæli en áður (tildæmis fyrir aldamótin 1900)

Þar sem svona upplýsingar eru einstaklega markverðar fór ég og mældi líka væntingarvísitöluna hans Jóns sem á von á þriðja barninu í næsta mánuði en missti vinnuna í desember en bíllinn var tekinn af honum í november og skuldirnar á húsinu hans haf aukist um átta milljónir.

Væntingavísitala hans var mjög áhugaverð en hún mældist 5,7.

 Hann telur að umfjöllun fjármálaráðherrans um háskalegar væntingar hafni hann ekki Icesave hafi lækkað væntingavísutölu sína um 0,3.

Jón telur að hann hafi það að meðaltali fremur skítt en á þó von á að það aukist en kvartar yfir því að léleg fylgni sé með væntingarvísitölu hans auknum skuldum þjóðarbúsins.

 

Dregur úr svartsýni neytenda