Verst að þetta leysir ekki á nokkurn hátt vanda þjóðarbúsins

Össur getur svo sem fagnað sínum diplómatískum sigrum en hann ætti að skammast sín fyrir framlag sitt sem stjórnmálamaður við lausn þeirra vandamála sem blasa við almenningi.

Bara svo ég persónugeri vandann

Sjá hér og hér og hér og hér

Össur: „Diplómatískur sigur“

Hvað þýðir frumjöfnuður

Frumjöfnuður er skilgreindur sem jöfnuður tekna og gjalda að fjármagnstekjum og -gjöldum undanskildum.

Frumjöfnuður segir því lítið um stöðu skuldsettrar þjóðarinnar.

Erlent fjármagn er HÆTTULEGT

Skuldsett þjóð með jákvæðan frumjöfnuð getur verið í miklum vanda

Ísland er í alvarlegum vanda, þrátt fyrir að jákvæðum frumjöfnuði sé náð, ef farið verður eftri ráðleggingum alþjóðagjaldeyrissjóðsins

Alþjóðagjaldeyrissjóðurinn beitir grimmt þeirri aðferðafræði að tala um þætti efnahagsins, sem hafa takmarkaða þýðingu séu þeir slitnir úr samhengi við stöðu þjóðarbúsins að öðru leyti, sem mikilvægan þátt í uppbyggingu

Blekkingarleikur

Ísland á dagskrá stjórnar AGS

Látum ekki KÚGA okkur

Það blasir við að ESB, Alþjóðagjaldeyrissjóðurinn og erlendir fjárglæframenn (fjármálafyrirtæki) hafa stillt sér saman um að berja niður Íslendinga. Samfylkingin, Steingrímur Joð og Árni Þór eru heitir stuðningsmenn þessara valdastofnanna.

Almenningur í ESB varar við inngöngu í ESB. Einn þeirra segir: það er nokkuð ljóst að þeir ráðamenn sem mest tala fyrir Evrópusambandinu hjá ykkur fá greitt fyrir það, þannig gerist þetta allstaðar í heiminum.  Mútur eru bornar á þá sem hafa völdin. 

Gunnar Skúli segir: Hagsmunir Samfylkingarinnar fara saman við hagsmuni eigenda alþjóðlegs fjármagns og ég segi: þess vegna er samfylkingin hættuleg. Aðilar innan ríkisstjórnarinnar hafa uppi efasemdir. Sjá hér, hér og hér

Samfylkingin er skíthrædd. Samfylkingin trúir ekki á þjóðina og sér þá eina útgönguleið að beygja sig undir ofríki fjármálavaldsins.

Það er alveg á hreinu að erlendar valdastofnanir hafa makkað sig saman um þvinga Íslendinga.

Hollendingar segja ef Icesave samningurinn verður ekki samþykktur muni þeir sína ESB aðild mótstöðu.

Alþjóðagjaldeyrissjóðurinn segir að ekki verði lánað nema norrænu lánin séu afgreidd.

Norrænu þjóðirnar segjast ekki afgreiða lánin nema Icesave málinu sé lokið.

Eina leiðin til þess að koma þjóðinni út úr þessu öngþveiti er að hafna aðkomu þessara valdastofnana að uppbyggingu Íslands.

Þessar valdastofnanir hafa umbætur á Íslandi ekki að leiðarljósi og öll skilyrði þeirra vega að velferð þjóðarinnar.

Og ég spyr hvaða skilning leggur samfylkingin í orðið TRAUST. Erlendir aðilar vilja geta TREYST íslenskum yfirvöldum til þess að SVÍKJA íslenskan almenning í þágu auðvaldsins.

Ég gef því lítið fyrir þetta TRAUST.

Ísland fær enga sérmeðferð

Veisluhöld seðlabankastjórans með erlendum áhættufjárfestum

Vogunarsjóðir, sem veðjuðu gegn krónunni og græddu á því gífurlegar fjárhæðir á kostnað íslenskra skattgreiðenda og skuldara, skunduðu til Íslands til þess að halda upp á sigurinn. Arnór Sighvatson aðstoðarseðlabankastjóri var heiðursgestur veislunnar.

Veisluhöld áhættufjárfesta hér á landi vöktu athygli erlendis eins og sjá má af þessum pistli sem Nóbelsverðlaunahafinn Paul Krugmann skrifaði í apríl 2008.

Vinstri ríkisstjórnin skipaði í nefnd sem átti að meta hæfni umsækjanda um seðlabankastjórastöður. Í formennsku nefndarinnar var fyrir valinu ellilífeyrisþeginn Jónas Haralz (92 ára ef ég man rétt).

Nefndin mat það svo að taglhnýtingar ný-frjálshyggjunnar og aðdáendur spilafíkla "góðærisins" væru hæfastir. Kannski hefur Alþjóðagjaldeyrissjóðurinn komið að ráðgjöf við skilgreiningu á mannkostum.

Ásgeir Jónsson segir frá veisluhöldum vogunarsjóða í nýútkominni bók sinni um hrunið. Í apríl 2006 var 50% af vergri þjóðarframleiðslu varið í gengisvarnir að því er segir á forsíðu Fréttablaðsins í dag.

Í stað þess að beina athyglinni að þætti erlendra aðila, t.d. Breta í að setja bankanna á hausinn og íslenskra aðila, t.d. Björgólfs Thors við að koma þjóðarbúinu á hausinn hefur samfylkingin valið þá leið að taka þátt í spillingunni sem er hönnuð í Bretlandi og Bandaríkjunum. Taka þátt í að ná fjármunum af almenningi sem ekki tók þátt í þessum leik.

Ögmundur Jónasson fjallar á heimasíðu sinni um ofríki Breta og Hollendinga sem beita fyrir sig Alþjóðagjaldeyrissjóðnum til þess að kúga Íslendinga.

Ég vil vekja sérstaka athygli á þessum orðum Ögmundar sem snertir kjarna þeirrar baráttu sem við stöndum í :

Látum ekki stjórnast af hótunum

Látum hótanir þvert á móti verða til þess að herða okkur í ásetningi um að komast út úr vandræðum okkar af eigin rammleik

Um hjálpina að utan hef ég einnig miklar og vaxandi efasemdir í efnahagslegu samhengi

Ég tek undir það sem Ögmundur kemur að hér. Valdastofnanir ESB, AGS ásamt Bretum og Hollendingum hafa bættan efnahag á Íslandi EKKI að leiðarljósi. Þvert á móti þeir ásælast grunnstoðir þessa samfélags og munu skilja þjóðina eftir slippa og snauða ef ekki verður snúið af þessari vegferð

ESB-umsókninni vísað áfram

Hvítbókin -Björgólfur er vinur Gordons Browns og Björgólfur er ALLTAF saklaus

Það eru bara börnin okkar sem eru sökudólgar og það eru bara þau sem eiga að borga skuldir Björgólfs Thors.

Björgólfur Thor lifir í góðu yfirlæti í Borg Gordons Browns. Hví ætti Gordon Brown ekki að vera vinur þessa eðaldrengs sem færði honum Icesave?

Reglurnar eigi ekki alltaf við

Þjóðin þarf að berjast fyrir sjálfstæði sínu

En hún er ekki að því

Íslensk stjórnvöld hafa farið þá óvenjulegu leið að þyggja ráðgjöf frá óvininum.

Þau þyggja ráðgjöf frá aðilum sem hafa hagsmuni sem stangast á við hagsmuni Íslensks almennings.

Alþjóðagjaldeyrisstjóðurinn bætir sífellt við kröfurnar og atferli hans er skýrt dæmi um að hann hefur engann áhuga á velferð þjóðarinnar eða hagsmunum þjóðarbúsins.

Hann hefur eingöngu áhuga á því að standa með svipuna og þvinga ríkisstjórnina til þess að hirða allt verðmætt af 60% þjóðarinnar.

ESB styður við bakið á Alþjóðagjaldeyrissjóðnum.

Íslendingar hafa tvo valkosti og þeir eru að missa sjálfstæðið og dæmast í fátækt

eða að reka Alþjóðagjaldeyrissjóðinn af landi brott og fara að berjast fyrir sjálfstæði sínu og bættum lífskjörum.

Vill að AGS leggi spilin á borðið

Lögbrot, mútur og málfrelsi

Samfylkingarkonan Sigríður Ingibjörg vill að Jón Bjarnason segi af sér ráðherramennsku vegna þess að hann beitir dómgreindinni við mat á aðstæðum.

Hvað segir Sigríður Ingibjörg um félaga sína í samfylkingunni sem hafa þegið mútur af Björgólfsfeðgum? Finnst henni að það sé í lagi að þeir séu ráðherrar?

Björgólfsfeðgar sem keyptu sér velþóknun samfylkingar og sjálfstæðismanna hafa jú kallað Icesave klúðrið yfir þjóðina.

Finnst Sigríði Ingibjörgu best að leysa Icesave klúðrið með því að banna fólki að hafa skoðanir á því?

Björgólfsfeðgar eiga heima í fangelsi, múturþægir samfylkingarmenn eiga að taka pokann sinn og Jón Bjarnason á að hafa skoðana- og málfresli

 

Alþjóðagjaldeyrissjóðurinn hræðist ekki vaxtaokur

Peningamálastefnan á Íslandi er í algjörri andstöðu við það sem gerist annars staðar í Evrópu. Það hvarflar ekki að Bretum að beita þeim aðgerðum sem Alþjóðagjaldeyrissjóðurinn mælir með á Íslandi. Þvert á móti.

Annars er þeir tímar sem við lifum á tími þversagna, tími blekkinga og tími arðráns.

Ég las eftirfarandi sem Breskur sérfræðingur skrifar í apríl 2008 í umfjöllun um Icesave:

In the extremely unlikely event that the Icelandic government wasn’t in a position to meet all claims, all the Nordic countries have an arrangement where they will step in and help any one of the participating countries that are in trouble so there is an additional layer of reassurance and cover.

Darling varar við vaxtaokri

"Enginn skattur verður lagður á nema heimild hafi verið fyrir honum í lögum þegar þau atvik urðu sem ráða skattskyldu."

Já þetta segir í 77 gr. stjórnarskrárinnar. Það er því óheimilt að nota skatttekjur til að greiða Icesave.

Hvernig ætlar ríkisstjórnin að afla tekna til að greiða þennan reikning fyrst ekki má nýta til þess skatttekjur eða skipta ákvæði stjórnarskrárinnar hana engu máli?

Snorra Jakobsson hjá IFS-ráðgjöf, telur að ef miðað er við að um 75% af eignum Landsbankans endurheimtist megi gróflega áætla að tekju- og eignaskattar þurfi að hækka um 15% til 20% til að mæta skuldbindingunum.

Það er þá tvennt sem þarf að skoða við þessa fullyrðingu.

Fá Bretar og Hollendingar ekki helming þessara 75% af eignum Landsbankans samkvæmt samningnum? Gerir Snorri ráð fyrir því?

Hitt er að það er ekki heimilt að greiða Icesave með skatttekjum þar sem þar sem ekki var lagaheimild fyrir útgjöldunum sem liggja til grundvallar þegar atvik áttu sér stað.

Hver verður skattprósentan eftir sjö ár? 65%. Hvar verða Íslendingar eftir sjö ár? Ekki á Íslandi ef gefið verður eftir þvingunum AGS og ESB.

það dregur mjög mikið úr lífsgæðum,” segir Daniel Gros, framkvæmdastjóri Center for European Policy Studies.

Hvað þýðir þessi setning? Hver eru lífsgæði Íslendinga sem dregur úr?

Hverjir verða þessir Íslendingar sem verða til staðar á Íslandi þegar skattprósentan er komin yfir 60%? Hverjir verða þessir Íslendingar sem sætta sig við að búa á Íslandi þegar búið er að einkavæða heilbrigðisþjónustu og aðra grunnþjónustu, nota lífeyrissjóðina til þess að greiða skuldir Björgólfs Thors?

Allar þessar þúsundir milljarða sem ríkisstjórnin er að safna í skuldum að ráði AGS mun einfaldlega breyta lífsskilyrðum Ísendinga varanlega. Hér á landi verður ekkert sem hægt er að kalla siðmenningarþjóðfélag.

Gott að vita af einum ráðherra með óskerta dómgreind

Ríkisstjórnin hagar sér eins og óvinur almennings.

Það er alveg sama hvernig ríki innan Evrópusambandsins, valdhafarnir í Brussel og Alþjóðagjaldeyrissjóðurinn moka yfir íslendinga ríkisstjórnin bara beigir sig og buktar.

Verstu spár um aðkomu Alþjóðagjaldeyrissjóðinn hafa ræst.

Það verður ekki lengur þrætt fyrir það að Bretar og Hollendingar eru að beita fyrir sig ESB til þess að þvinga Íslendinga til þess að skrifa undir Icesave samninginn sem þeir geta ekki staðið við.

Það verður ekki lengur þrætt fyrir það að Bretar og Hollendingar eru að beita Alþjóðagjaldeyrissjóðnum til þess að þvinga Íslendinga til þess að skrifa undir Icesave samningin.

Það sem er alvarlegast er að Alþjóðagjaldeyrissjóðurinn og ríkisstjórn Íslands beita hér efnahagsaðgerðum sem draga úr líkum á því að þjóðin nái sér upp úr því feni sem stjórnmálamenn, embættismenn og glæpamenn hafa komið henni í.

Vill fresta umsóknarferli ESB