100 milljarðar í vexti af erlendum lánum

Ein af ástæðunum fyrir hrottalegum niðurskurði í heilbrigðiskerfinu er að fjórðungur tekna ríkissjóðs fer til þess að greiða vexti af erlendum lánum.

Lánum sem hefur þurft að taka meðal annars vegna þess að Davíð oddson henti hundruð milljarða í bankanna skömmu fyrir hrun. Milljarðar sem gufuðu upp ef marka má fréttir af afdrifum þessara fjármuna. Kannski lentu þeir í Money heaven Björgólfs Thors.

Það er makalaust hvernig Sjálfstæðismenn ganga nú fram með hvítþeginn og púðraðann bossann og kannast ekki við að hafa sett þjóðarbúið á hausinn.

Draga þarf úr útgjöldum eða auka tekjur

Hagvöxtur ekki mælikvarði á velsæld almennings

Samtök atvinnulífsins kvarta undan því að ekki sé farið í meiri opinberar framkvæmdir.

Slíkar framkvæmdir skila oft litlum ávinnigi fyrir þjóðina. 

Áróður fyrir slíkum framkvæmdum er runnin undan rifjum stórverktaka sem vilja skara eld að köku sinni.

Það sem þjóðarbúið þarf hins vegar nú er aðstoð til að koma upp lífvænlegum og sjálfbærum atvinnuvegum.  

Veikleikar sem kosta tugi milljarða

Hvar vill Sigmundur Ernir að skorið sé niður?

Vill hann að skorið sé meira niður á Suðurnesjunum?

Vill hann kannski að grunnskólum sé lokað?

Eða vill hann kannski að vinnumálastofnun verði lokað?

Sigmundur Ernir greiddi atkvæði með Icesave. Björn Valur kvæsti á mig þegar ég bendi honum á að skuldbindingar ríkissjóðs vegna Icesaveskuldar einkabanka Björgólfs Thors sem Davíð Oddson gaf honum myndu leiða til hrakandi heilsu og styttri lífsævi. 

Stjórnvöld á Íslandi ákváðu að fórna heilsu og lífárum landsmanna þegar þau settu fjármálakerfið í forgang. 

Fjármunir sem settir eru í að greiða vexti af erlendum skuldum eru teknir frá velferðakerfinu. Þetta er dagsljóst og tvískinningur af stjórnmálamönnum sem hafa verið meðreiðarsveinar þessarar lausnar að gefa í skyn að þeir séu ekki fylgjandi þessari leið.  

Styður ekki niðurskurðinn

Ganga erinda Alþjóðagjaldeyrissjóðsins

Ég tók viðtal í fyrra við landshöfðingjann á Íslandi sem staddur er hér í boði velferðarstjórnarinnar svokölluðu. Þessi fulltrúi Alþjóðagjaldeyrissjóðsins kom nokkuð hreint til dyranna og viðurkenndi völd sjóðsins hér á landi sem forsætis- og fjármálaráðherran svo eindregið afneita. Í stefnuræðu sinni notaði Jóhanna Sigurðardóttir orðatiltækið þrjár stoðir samfélagsins og taldi þær upp sem velferð, þekking og sjálfbærni.Landstjórninn talaði hins vegar um þjár stoðir endurreisnar og tjáði mér að yfir þeim málasviðum hefði ríkisstjórnin afsalað valdi til Alþjóðagjaldeyrissjóðsins. Þessar stoðir eru endurreisn bankanna, jafnvægi gjaldmiðilsins og jafnvægi í ríkisfjármálum. Á mannamáli þá þýðir þetta aðendurreysa eigi fjármálakerfið með því að skera niður velferð í landinu. 

Nú vill Jóhanna gjarna kenna samfélagið á Íslandi við norrænt velferðarsamfélag. En eftir því sem stendur í fræðigreinum og lærðum ritum er norrænt velferðarsamfélag, samfélag jöfnuðar. Samfélag sem gætir að velferð fjölskyldna, atvinnulausra og aldraðra. Ölmusuhyggja á ekki við í slíku samfélagi. Ölmusuhyggja er úrræði nýfrjálshyggjunnar sem boðar sértækar aðgerðir til þess að hreinsa mesta sorann sem hún skilur eftir sig á strætum borga.

 

Eftirfarandi klausa er úr pistli eftir Ævar Rafn Kjartansson á Svipunni: 

http://www.svipan.is/?p=13082

Tveir æðstu stjórnendur ríkisstjórnar eiga samanlagt að baki um 60 ára þingsetu. Nánar tiltekið 59 ár. Engu að síður eru þau núna í valdamestu embættum sem þau hafa gengt. Og valdalaus í þeim ef marka má Lilju Mósesdóttir. Strengjabrúður Alþjóðagjaldeyrissjóðsins sem hafnar lyklafrumvarpi hennar. Kallar aðstoðarmann dómsmálaráðherra á teppið fyrir að reyna úrbætur fyrir skuldara. Það hlýtur að vera aumt fyrir þessa ráðherra að enda pólitíska ævi sína þannig að verða minnst í sögunni sem fótgönguliða björgunarsveitar alþjóðagræðgisvæðingarinnar.

 

Verða 73 þúsund heimili eignalaus?

Rányrkja kvótakerfisins að gera út af við almenning

Atvinnuleysi, stökkbreyttar skuldir og landsflótti er afleiðing að stjórnvisku Sjálfstæðisflokksins

Hreyfingin leggur til að öllum afla verði landað á Ísland að undanskildum afla sem frystitogarar fullvinna

Þetta mun skapa 700 ný störf 

Mikið álag hjá prestum

Þessi frétt er líklega áróður...

... að minnsta kosti getur þetta varla talist frétt.

Bankarnir voru vondir fyrst en núna eru þeir að verða góðir

Sennilega Mogginn að ganga erinda fjármálakerfisins.

 

Ætlar Mogginn næst að segja okkur að endurskoðendur séu orðnir góðir og kannski er Davíð Oddsson að verða öðlingur. 

 

„Viðhorf bankanna hafa breyst“

Samfylking stríðir við atgervisvanda

Ef ekki annað þá sýndi Björgvin G Sigurðsson afburða vanhæfni, ef hægt er að tala um afburði í því samhengi, í starfi sínu sem viðskiptaráðherra. 

Í gær horfði ég á fólk berja tunnur (barði reyndar í eina sjálf með hamri) og öskra af reiði. Fólkið er reitt vegna vanhæfni og athafnaleysis stjórnvalda. 

Björgvin G Sigurðsson hefur sennilega áunnið sér sess í sögunni sem einhver mest máttvana stjórnmálamaður samtímans.

Honum hefur verið falið að sofa bæði í fjárlaga- og utanríkisnefnd. 

Björgvin í fjárlaganefnd

Bjarni Ben á villigötum

Ræður þingmanna í kjölfar stefnuræðu forsætisráðherra voru misgóðar en ræða Bjarna Benediktssonar skar sig út fyrir frumlega hugsun.

Bjarni færir fram ýmsar kenningar um það hvers vegna fólk er að mótmæla. Að hans mati óska mótmælendur eftir meiri stóriðju, fleiri afleitum samningum og áframhaldandi gliðnun á milli fátækra og ríkra. Draumsýn Sjálfstæðiflokks er hráefnissamfélag sem tryggir velsæld fámenns hóps þeirra sem hafa aðgang að kötlunum. Bjarni telur að almenningur sé að kalla eftir skammtímafixum sem færir fjármuni í vasa auðmanna. Hann virðist halda að fyrir utan Alþingi séu áhangendur LÍÚ að hylla Sjálfstæðsflokkinn fyrir að færa framleiðslugreinarnar úr landi og skilja byggðalögin eftir blæðandi. Kannski heldur hann líka að mótmælendur séu að andmæla því að Geir Haarde fari fyrir landsdóm.

Merkilegt verður að teljast að Bjarni telur það Sjálfsstæðisflokknum tiltekna að hann er tilbúinn „til samstarfs við ábyrga aðila“ en atferli sjálfstæðismanna hafa sýnt allt frá hruni bankanna að forystan í þeirra hópi skilur ekki merkingu orðsins ábyrgð.

 

• Sjálfstæðisflokkurinn hefur svo sannarlega verið tilbúinn til samstarfs viðýmsa aðila, t.d.:
• Björgólf Thor og Björgólf Guðmundsson um einkavæðingu Landsbankans
• S-hópinn og Finn Ingólfsson um einkavæðingu Búnaðarbankans
• LÍÚ um framsal auðlinda þjóðarinnar til fámenns hóps einstaklinga og skuldsetningu og rányrkju aflaverðmæta.
• Viðskiptaráð um að rífa varnir almennings gegn bönkum og fyrirtækjum úr í löggjöf þingsins
• Magma Energy um kaup á jarðvarmaauðlindum fyrir kúlulán og hrunkrónur
• Erlenda stóriðju um gjafverð á íslenskri orku

 

Almenningur er að mótmæla spillingu innan vébanda fjórflokksins, samtryggingunni og skeytingaleysi í garð þeirra sem eru fórnarlömb ábyrgðarleysis og leynimakks stjórnvalda hruntímabilsins.

Vissulega hefur ríkisstjórnin kallað yfir sig reiði almennings vegna samtryggingar og þjónustulund við alþjóðafjármálakerfið,Alþjóðagjaldeyrissjóðinn og skeytingaleysi við almenning en Bjarni Benediktsson og Sjálfstæðisflokkurinn eru svo sannarlega ekki lausnin við því vandamáli. 

Ekkert boð komið

Já þingið er brandari...

...á meðan ráðherrar úr hrunstjórninni sitja á þingi

...á meðan mútþegar sitja á þingi

...á meðan þingmenn sem véla fyrir LÍÚ sitja á þingi

...á meðan þingið hunsar velferð almennings en gengur erinda fjármálakerfisins

...á meðan þægð við forystuna ræður meiru en hæfni og dómgreind

...á meðan Alþingi er valdalaust og embættismenn, LÍÚ og viðskiptaráð semja lögin.... 

Hætt að segja háttvirtur

Hvað þýða þessi mótmæli

Það sem fólkið á Austurvelli biður um er stjórnvöld fari að huga að hagsmunum almennings í landinu en gangi ekki erinda fjármálakerfisins í öllum atriðum. 

Réttlæti og heiðarlegt uppgjör