Leggja niður utanríkisráðuneytið

Samskipti Íslands við önnur lönd benda til þess að utanríkisráðherrar og sendiherrar séu frekar vanburða til þess að þjóna sínu hlutverki. Spurning hvort ekki sé nægilegt að hafa utanríkismál í skrifstofu í forsætisráðuneytinu.

Össur Skarphéðinsson sýnir sína eindæma málsnilld.

Í fjárlögum er gert ráð fyrir að utanríkisráðuneytið eyði 12.256.900.000 árið 2009.

Uppstokkun í utanríkisþjónustunni

Gott væri ef sá sem er með honum á myndinni stæði líka með Íslendingum

Stjórnmál á Íslandi er furðuveröld. Það virðist vera nánast bannað að draga fram félagsleg gildi og rétt almennings til eigna sinna og frelsis.

Þægð við erlenda kröfuhafa er af máli stjórnmálamanna höfuðmarkið þeirra. Mannréttindum, réttlæti og velferð er fórnað snarlega við fætur mammons.

Høgni Hoydal gagnrýnir Norðurlöndin

Hallæri í fjármálaráðuneytinu....

Gleymdu erindi upp á hundrað og eitthvað milljarða.....Hvað segir Steingrímur....jú þetta var hinum að kenna.....ég vinn bara hérna....

Ráðuneytisstjórninn Baldur Guðlaugsson .....hlýtur að njóta sérstaks heiður af þessum vinnuferli.....Gott að hann hefur nú vinnu í menntamálaráðuneytinu við að hanna vinnuferla fyrir Katrínu Jakobs....

Ráðuneytisstjórninn Baldur Guðlaugsson sem seldi hlutabréf sín í Landsbankanum rétt fyrir hrun enda með góðan aðgang að upplýsingum um stöðu Landsbankann....en situr enn við kjötkatlanna....

Ég sendi Baldri eftirfarandi bréf í júní en hann hefur ekki svarað því:

Sæll Baldur

Ég varð fyrir því óláni í haust að bankarnir í heimalandi mínu hrundu svo mikill skaði varð af fyrir allan almenning. Ég hafði ekki hugmynd um að bankarnir væru að hrynja og lét undir höfuð leggjast að selja hlutabréfin mín í bönkunum. Ýmsir erfiðleikar hafa fylgt í kjölfarið en þeir tengjast fyrst og fremst áhyggjum af framtíð barnanna minna og öldruðu fólki vegna niðurskurðar hjá hinu opinbera.

Mér skilst að þú sért nýráðinn ráðuneytisstjóri menntamála. Ég geri ráð fyrir að þú sért öðrum mönnum fremri um siðmennt og þau fræði sem lúta sem lúta að hæfni manna til þess að leysa af hendi störf sem krefjast sérþekkingar og sérstakrar hæfni hvað varðar mannkosti og heiðarleika.

Mér datt því þú í hug fyrstan manna til þess að aðstoða mig við að leysa tiltekið vandamál sem varðar þau atriði sem ég nefni hér að ofan. Það hefur verið mikið fjallað um í fjölmiðlum undanfarið að menn sem eru vanhæfir, óhæfir eða beinlínis óheiðarlegir séu æviráðnir og neiti að yfirgefa störf sín þrátt fyrir háværar kröfur þar um. Menn sem hafa gerst brotlegir á ýmsan hátt bæði fyrir og eftir hrun neita hreinlega að horfast í augu við vangetu sína og hunsa vilja almennings um að finna sér störf sem þeir ráða við.

Það veldur mér áhyggjum að ríkisstjórnin virðist standa ráðþrota frammi fyrir þessu vandamáli. Í ljósi sérstakrar þekkingar þinnar á kröfum sem uppfylla þarf til þess að geta gengt embættisstörfum af heilindum sem ég gef mér að þú hafir sem handhafi æðsta embættis á sviði menntamála vil ég biðja þig um að vera Ríkisstjórninni innan handar sem í ráðaleysi sínu virðist ekki geta leyst þetta vandamál. Mér dettur í hug að þú getir aðstoðað Ríkisstjórnina við að semja lög sem fela í sér að í ljósi þeirra hörmunga sem gengið hafa á í íslensku þjóðarbúi fari fram endurmat á hæfni einstaklinga í öllum embættis ríkisins.

Mín hugmynd er að samkvæmt þessum lögum verði öllum embættismönnum sagt upp störfum frá og með 8. október næstkomandi, stöðurnar auglýstar og embættismenn ráðnir til starfa á grundvelli mats sem óháð hæfnisnefnd gerir. Menn yrðu endurráðnir eða ekki óháð pólitískum tengslum, ættartengslum o.s.frv.

Núna þegar niðurskurður upp á hundruð milljarða blasir við gef ég mér að þú sért sammála mér að mikilvægt sér að hvert embætti sé skipað hinum hæfustu og traustustu einstaklinum þannig að hámarksskilvirkni megi nást fram í störfum hins opinbera.

Með fyrirfram þökk fyrir aðstoðina

Jakobína Ingunn Ólafsdóttir

Afrit verður sent ráðamönnum og birt almenningi.

Tölvupóstur Baldurs er [e-mail] 

Tveir þingmenn hafa svarað þessu bréfi:

Þingmaður 1:

snilld:)

með björtum kveðjum

Þingmaður 2:

Heil og sæl, Jakobína.
Hafðu þökk fyrir að deila þessu bréfi með mér. Ég er þeirrar skoðunar að ein helsta meinsemd opinberrar stjórnsýslu á Íslandi sé æviráðning embættismanna.
Með góðri kveðju,

Það er nokkuð ljóst af svörum þessara þingmanna að ýmsir þeirra deila með mér áhyggjum mínum. Það er hins vegar undir þeim Jóhönnu og Steingrími komið hvort tekið verði á þessu með lagabreytingum sem fela ekki í sér pólitíska mismunun og fella úr gildi samninga sem lykta af pólitískri spillingu og eru andstæðir velferð þjóðarinnar og tilgangi hins opinbera að vera þjónn almennings.

Seldi hann ekki Hitaveitu Suðurnesja til útlendinga...???

Frekar ömurlegt að horfa upp sjálfstæðismenn og framsóknarmenn sem hafa mjög léttvægan skilning á samfélagsmálum rústa framtíð komandi kynslóða....

Gísli Marteinn formaður umhverfis- og samgönguráðs

Barnaofbeldi, Icesave, sjálfstæðisflokkur....

Forysta sjálfstæðisflokksins var í þjónustu stjórnenda Landbankans....Þetta er laglegur hópur manna sem stofnaði til skulda sem unnið er grimmt að að láta þjóðina borga...1.000.000.000.000 gæti ævintýramennska þessara manna kostað þjóðina.

Félagarnir hafa haldið hópinn í kjölfar bankahrunsins....Björgólf Guðmundsson, Sigurjón Árnason og Halldór J. Kristjánsson reka nú saman skrifstofu.

Hvað eru þeir að gera núna? Hafa þeir enn ítök?

Halldóri virðist ver fátt heilagt og svindlar sér meira að segja í sund.....

Saga Önnu Kristine er saga ofbeldis og tjáningarkúgunar sem þessir menn hafa beitt.

Guð blessi Ísland ef sjálfstæðisflokkurinn kemst aftur til valda og leppar glæpamenn sem svífast einskis við að verja sitt.

Anna Kristine var þjófkennd

Brennandi spurningar!

Rakel Sigurgeirsdóttir spyr á Egginni

...og hvetur aðra til þess að spyrja sig hins sama:

• Hvers vegna viðvörunum um væntanlegt hrun var stungið undir stól?
• Hvers vegna mátti ekki benda á sökudólga hrunsins?
• Hvers vegna hugvitið var sett í það að þétta felutjöldin og fara með ósannindi um það sem raunverulega gerðist?
• Hvers vegna lyginni hefur verið viðhaldið og haldið áfram síðan?
• Hvers vegna var ekki strax lagst í alvarlega og sannfærandi rannsókn á því hvað hafði farið fram innan bankanna?
• Hvers vegna sagði enginn af sér?
• Hvers vegna sætti enginn ábyrgð?
• Hvers vegna var enginn ákærður?
• Yfirheyrður?
• Handtekinn?
• Hvers vegna komu sökudólgarnir fram í drottningarviðtölum?
• Hvers vegna er öll áherslan lögð á að bjarga fjármála-, embættismanna- og sjtórnmálaelítunni?
• Hvers vegna er vilji þekktra kúgunarþjóða og -stofnana settur ofar vilja íslenskra kjósenda?

Stjórnmálamenn hafa hagað sér vægast sagt undarlega og spurningar Rakelar eru fullkomlega réttmætar.

Treystum ekki stjórnmálamönnum til aðkomu að nýrri stjórnarskrá.

Markmið stjórnmálamanna eru ekki markmið þjóðarinnar.

Reynslan kennir okkur það

Skráning á Nýtt Lýðveldi

Þjóðin semji sína stjórnaskrá

 hér

Heldur 5% hlut í Íslandsbanka

Glæpastarfsemi stjórnmálamanna

Það þarf ekki að gera mikinn greinamun á fjórflokknum. Forysta sjálfstæðisflokksins trónir þó svo sannarlega á toppnum sem óvinur þjóðarinnar. Engin raunveruleg hreinsun hefur átt sér stað þar og þyrfti flokkurinn svo sannarlega á aflúsun að halda.

Ástand þjóðarbúsins má tvímælalaust rekja til gjörða forystu sjálfstæðisflokks ekki bara á undanförnum árum heldur áratugum. Síðustu átján ár hans við völd voru afdrifarík og stafar það af hluta á því hvernig stjórnmálum var almennt fyrir komið en þó fyrst og fremst af glæpsamlegum hugsunarhætti sem réttlætti það að hafa verðmæti af þjóðinni í skjóli leynimakks óg blekkinga.

Þjóðin hefur einfaldlega verið rænd með tilstuðlan stjórnmálamanna. Fremstir í flokki þar eru sjálfstæðis- og framsóknarmenn en samfylkingin hellti sér í spillinguna við fyrsta tækifæri. Nú hafa forystumenn samfylkingar augastað á jarðvarmaauðlindum.

Það er búið að hirða sjávarmiðin af þjóðinni, sjálfstæðismenn og framsókn voru að gefa útlendingum jarðvarmaauðlindirnar á Suðurnesjum og miklar eignartilfærslur eiga sér stað vegna þess að ríkisstjórnin ætlar að láta almenning borga skuldir glæpamanna.

Það skiptir litlu máli til hvað flokks er litið. Aðstoðarmaður Össurar Skarphéðinssonar er eigandi fyrirtækisins Glacier Partners sem sérhæfir sig í ráðgjöf um jarðvarmaauðlindir....og hefur þegið milljónir frá ráðuneytum undanfarin ár.

Sukkið með kvótann heldur áfram sem fyrr þrátt fyrir kosningaloforð en Grétar Mar segir frá því hér.

Ekki eru fréttir af almenningi góðar og sögurnar af bágum aðstæðum barnafólks skera í hjartað. Fólk í atvinnuleit hefur litlar vonir um vinnu og margir hafa áhyggjur af því sem framundan er í vetur í kjölfar skattahækkana og niðurskurðar.

Þessi hrikalega staða sem komin er upp í samfélaginu stafar af engu öðru en glæpastarfsemi stjórnmálamanna.

Landið er auðugt af auðlindum, þekkingu og tækifærum.

Ríkt af auðlindum, þekkingu og tækifærum sem stjórnmálamenn hafa rænt af þjóðinni og fært útvöldum og erlendum aðilum.

Stjórnarfar á Íslandi er gegnumrotið og þrífst í skjóli valdamúra, siðblindu í menningarkima stjórnmálanna og stjórnkerfis sem varið er af þeim sem misnota það.

Þjóðin verður að taka málin í sínar hendur.

Það hefur verið stofnaður hópur á Facebook hér.

Hópurinn er stofnaður um Nýtt Lýðveldi.

Semjum okkar eigin stjórnarskrá sem ver þjóðina fyrir ráni af því tagi sem átt hefur sér stað á undanförnum áratugum.

200 milljarða í mínus

Krafa um stjórnarfar sem er viðeigndi í siðmenntuðu samfélagi

Krefjumst þess að vinna að nýrri stjónarskrá sé á forræði þjóðarinnar en ekki alþingis sem hefur ekki tekist að gera breytingar á henni í tugi ára. Það er ekki sæmandi nútíma siðmenntuðu samfélagi að vera með stjórnaskrá sem er að stofninum til frá 1874.

Takið þátt á Facebook hér

Stofnum okkar eigið stjórnlagaþing

Stjórnarskráin er eign þjóðarinnar en ekki séreign stjórnmálamanna

Atvinnuleysi 7,7% í ágúst

Fjölmiðlar sem ofbeldistæki

Viðtal í DV: Í viðtalinu lýsir Ingvar Jóel nær eingöngu samskiptum sínum við ónafngreinda gifta konu og hefur uppi alvarlegar ásakanir í hennar garð um svik, lygar, lögbrot og framhjáhald.  

Sorpblaðamennska að verstu gerð.

Sé ekki að umfjöllunin hafi annan tilgang en að meiða konuna.

Ef tilgangur Ingvars Jóels með viðtalinu hefur verið að hnekkja "meintum" orðrómi um að hann hafi hótað sonum konunnar hefur honum mistekist hrapalega.

Viðtalið sjálft er dæmi um ofbeldi gagnvart hinni ónafngreindu konu og sýnir að sá sem fjallað er um í fréttinni er fullkomlega fær um að beita ofbeldi.

Þátttaka blaðamannsins í þessari aðför gegn persónu er einnig skammarleg, óábyrg og ber vott um lítinn skilning á faglegri ábyrgð.

Ég hef ekki lesið þetta viðtal en að draga einkalíf einstaklinga á þennan hátt í fjölmiðlanna er mikið óhæfuverk

Alvarlegt brot DV gegn siðareglum

Lýðræði....eða hvað....?

Ég var að lesa góða færslu Dúu á hennar bloggi þar sem hún fjallar um lýðræði. Hún tekur fyrir hugtök sem tengjast lýðveldi og gerir það geri ég ráð fyrir út frá sjónarmiði lögfræðingsins en líka af góðri dómgreind. Þó að mín niðurstaða sé ólík hennar stafar það fremur af ólíkri nálgun en ég ætla að tala aðeins um þetta fyrirbæri útfrá félagslegu sjónarmiði.

Að mínu mati getur eitthvað verið formlega rétt þótt að sé ekki í reynd virkt á þann hátt sem hugmyndafræðin ætlar því (verið róleg ég ætla ekki að vera svona flókin í framhaldinu).

Það eru margir þættir sem ráða því hvort lýðræði virki reynd fyrir hinn almenna borgara annað en að skipulag kallað er lýðræði af þeim sem vilja ekki að almenningur skynji áhrifaleysi sitt (þ.e valdahópur í klíkusamfélaginu).

Þættir sem ráða því hvort að virkt lýðræði ráði eru m.a. eftirfarandi:

Gagnsæi (andstæða leynimakks og blekkinga)

Þátttaka (andstæða skipulags sem útilokar einstaklinga frá kjarna ákvarðanatöku)

Skilvirkni (kerfi sem er lipurt og góður farvegur fyrir vilja almennings)

Orðræða (málfar og hugtakanotkun sem skilar raunverulegum skilningi til almennings þannig að hann geti staðið með sjálfum sér þegar hann beitir atkvæðisrétti sínum)

Í raun ríkir flokksræði á Íslandi því samtrygging fjórflokksins og valdamúrar sem hann hefur reist eru slíkir að almenningur hefur í raun ekkert val. Það er alveg sama hvað almenningur kýs hann fær alltaf yfir sig svikara sem hafa það að höfuðstefnu að viðhalda mismunun og vinna að hagsmunum fámenns hóps.

Þarf að hlaupa... en prjóna þessa færslu kannski áfram seinna.