Jöklabréfin: Illugi sendir Jóhönnu og Steingrími bréf með fyrirspurn

 Illugi Jökulsson hefur sent frá sér þetta bréf:

Ágætu Jóhanna Sigurðardóttir og Steingrímur J Sigfússon.

Ég skrifa ykkur sem forystufólki nýrrar ríkisstjórnar.

Sjálfur er ég áhugamaður um samfélagsmál á Íslandi og langar að biðja ykkur að svara einni fyrirspurn frá mér.

Hverjir eru eigendur þeirra “jöklabréfa” sem skipta nú svo miklu máli fyrir framtíðina í íslensku efnahagslífi og hversu háar upphæðir á hver þeirra um sig?

Ég kem ekki auga á neina ástæðu fyrir því af hverju ætti að halda því leyndu hverjir eiga þessi bréf. Hef ég þá sérstaklega í huga heitstrengingar ykkar og annarra um að nú séu runnir upp tímar aukins gegnsæis á Íslandi.

Mér finnst raunar – og veit að það finnst fleirum – að við höfum skilyrðislausan rétt til að fá að vita þetta. Ekki sé ég að í því sambandi skipti neinu máli, þó ekki sé búið að útkljá hvað um þessi bréf verður.

Þetta bréf mun ég birta á bloggsíðu sem ég held úti. Ég mun líka birta þar svör ykkar strax og þau berast.

Með vinsemd og virðingu

Man ekki hvað sætuefnið heitir

en það er ekki óhollt en var bannað í Bandaríkjunum að tilstuðlan þeirra sem framleiða aspartame sem er óheilnæmt og hefur verið tengt við truflanir í taugakerfi.

Matvæla/lyfjaeftirlitið á Íslandi tók upp sömu stefnu og Bandaríkjamenn og leyfa hér eingöngu óheilnæm  sætuefni.

Þetta er eitt af fjölmörgum dæmum um áhrif auðvaldsins sem lætur sig heilsu almennings litlu varða.

Ætlar Ögmundur að laga þetta?

Sumar skuldir eru jafnari en aðrar

Jóhannes Björn um græðgisöflinn sem enn lifa góðu lífi eftir kosningar:

Það sem núna blasir við er landflótti unga fólksins og hrikalega misskipt samfélag þar sem valdaklíkan afhendir sjálfri sér allt bitastætt á silfurfati. Svo setningin fræga í Animal Farm sé endursögð og heimfærð upp á nýju ríkisbankana, þá eru allar skuldir jafnar … en sumar skuldir eru jafnari en aðrar.

Fáir virðast hirða um myllusteininn sem hangir um háls heimilanna, heldur eru þau eru keyrð betur í kaf á degi hverjum. En þeir sem geta togað í rétta spotta og látið afskrifa hjá sjálfum sér verða kóngar morgundagsins.

Þetta er ekki grunnur sem heiðarlegt og réttsýnt fólk vill byggja á nýtt þjóðfélag.

Lántakar með frystingu inn í sumarið

Martröð í boði valdhafanna

Verður martröðin að veruleika? Þannig spyr “Vinni” á spjallsíðunni www.malefnin.com og hann heldur áfram:

Það er komið sumar og kreppan bítur fast, vonleysi og drungi færist yfir samfélagið og fjölmiðlar eru uppfullir af fréttum af uppsögnum, gjaldþrotum og öðrum hörmungum. Alþingi er í sumarfríi og ný ríkisstjórn er að setjast við kjötkatlana eftir kosningarnar. Þar mun hún sitja næstu 4 árin í ró og næði. Fjórflokkurinn kom nefnilega alveg óskaddaður út úr kosningunum. Sumarið og haustið fer í að raða flokksgæðingum á garðann. Óopinber stjórnarsáttmáli innifelur að ekki megi rugga bátnum um of með því að fara rækilega í saumana á því sem gerðist hér í aðdraganda kreppunnar. Annar stjórnarflokkurinn, eða jafnvel báðir eiga nefnilega nægilegt magn af óhreinum þvotti úr fortíðinni sem ekki má viðra.

Það er mikið líf í kringum stjórnmálaflokkanna sem fengu andlitslyftingu í kosningunum með því að skipta út fáeinum þreyttum andlitum. Þetta mikla líf helgast af því að fyrir liggur sjaldgæft tækifæri fyrir stjórnmálastéttina, áhangendur hennar og velgjörðamenn. Tækifærið felst í því verkefni að endurskipuleggja eignarhaldið á íslandi, bönkum, flestum fyrirtækjum landsins, að ógleymdum náttúruauðlindunum - virkjunum, fiskimiðunum o.s. frv. Oft hefur verið handagangur í öskjunni á Íslandi að komast í gott talsamband við stjórnmálamenn eða til áhrifa innan flokkanna en aldrei sem nú. Enda ekki á hverjum degi sem eignarhald á heilli þjóð er endurskipulagt. Hagsmunaklíkurnar að tjaldabaki eru því allar á hjólum og varla unnt að finna óbrenglaðar fréttir um nokkurn skapaðan hlut í áróðursflóðinu þar sem reynt verður að stýra hugmyndum í réttar áttir; þ.e.a.s þannig að auðurinn renni enn og einu sinni í rétta vasa.

Að sjálfsögðu hefur ekki náðst nein niðurstaða í eflingu lýðræðisins og endurskoðun stjórnarskrár er í nefnd. Nýja Ísland er líka komið í nefnd.

Þetta er martröð – martröð sem getur hæglega ræst.

Valdhafar eru að eyðileggja framtíð Íslands

Egill Helgason heldur okkur við efnið og skal hann eiga þakkir fyrir.

Viðtal Egils við Jóhannes Björn var mjög athyglisvert.

Íslenskir valdhafar eru gamlir kerfiskarlar/kerlingar sem ekki sjá lausnir sem þjónað geta framtíð Íslands. Lausnir valdhafanna fela í sér að rústa velferð fólksins í landinu og afhenda alþjóðafyrirtækjum auðlindir landsins á silfurfati.

Umráð yfir orkuauðlindum munu ráða hverjir njóti velmegunar í framtíðinni. Þessar orkuauðlindir eru valdhafarnir, með leynisamningum, að selja erlendum fyrirtækjum á smánarverði en eru að rústa tækifærum innlends matvælaiðnaðar með okurverði á orku. Tækifæri sem felast í því að gera Ísland sjálfbært um orku eru hunsuð.

80% orkunnar er seld alþjóðafyrirtækjum og Landsvirkjun er á hausnum. Hvað gera valdhafarnir? Jú þeir vilja að jöklabréfaeigendur sjái tækifæri í eymdinni sem þeir hafa skapað. Nú er verið að bjóða jöklabréfaeigendum fjárfesta í stóriðju og Landsvirkjun. Hverjir eru jöklabréfaeigendur?

Leynimakk valdhafanna lætur ekki að sér hæða.

Ég fékk þessa mynd af "valdhöfum" að láni hjá Agli

Það er merkilegt að á myndinni eru margir þeir sem vinna nú hörðum höndum að því að koma landinu í hendurnar á alþjóðafyrirtækjum.

Athyglisvert hvernig þetta fólk hefur lagt undir sig ALLAR valdastofnanir landsins og kappkostar núna afhenda þær valdhöfum í BRUSSEL í trássi við vilja þjóðarinnar.

 

Útrásarvíkingar ráða sínum ráðum

Flækjustig viðskiptaheimsins heldur áfram að koma á óvart. Baugsveldið átti verslanir Karen Millen sem nú hefur gefið yfirlýsingu um að hún hafi gefið Ágústi Ármanni umboð til þess að kjósa fyrir sig á aðalfundi Byrs í vikunni en menn kannast ekki við að hún eigi stofnfjárhlut í Byr.

Það er augljóst að valdhöfum er ekki að takast að móta lagaumhverfi sem eykur gagnsæi í viðskiptum eða skýrir eignatengsl.

Hversvegna allar þessar flækjur til þess að leyna eignarhaldi?

Getur verið að einhverjir hagsmunir séu til staðar sem ekki þola dagsbirtuna?

Sjá einnig hér

Kunnu stjórnendur Kaupþings ekkert fyrir sér í áhættustýringu

Á Eyjunni segir:

Observer segir, að þessi málaferli sýni hvernig komið er í samskiptum Kaupþings og Tchenguiz. Á síðasta ári var Tchenguiz stærsti viðskiptavinur bankans og samsvöruðu lán til hans 46% innlána bankans. 

Það er ótrúlegt að að bankinn skuli hafa lagt 46% innlána til eins aðila. Eins og menn muna þá tók Davíð Oddson sig til og lagði 520 milljarða af fjármunum skattgreiðenda inn í þetta spilavíti.

Blaðið segir, að í kröfu Kaupþings, sem lögð var fyrir dómstól í Lundúnum, sé lýst flóknum vef lána, hlutabréfa, samninga um skiptingu hagnaðar og veða milli fyrirtækja skráðra á Bresku Jómfrúreyjum, Mön og Guernsey. Alls veitti Kaupþing lán, til fyrirtækja sem talin voru undir stjórn TDT, að upphæð 900 milljóna punda, jafnvirði 174 milljarða króna. 

Kaupþing höfðaði í febrúar mál fyrir Héraðsdómi Reykjavíkur á hendur  Oscatello Investments, félags sem er skrá á Bresku Jómfrúreyjum en er í eigu TDT. Málið var innheimtumál vegna 645 milljóna punda skuldar. Hluturinn í Somerfield var fluttur úr Oscatello áður en það félag var sett í greiðslustöðvun á Bresku Jómfrúreyjum að kröfu Kaupþings.

Hvers vegna er ekki höfðað mál að sama skapi gegn íslenskum skuldurum bankanna?

Liðkað fyrir greiðslum af Edge