Steingrímur vill arabíska módelið

Steingrímur boðar miklar samfélagsbreytingar

Hann segir að nú eigi kynslóðir að hjálpast að.

Það er einmitt arabíska módelið þar sem börn sjá um foreldra sína, fatlaða ættingja, börn sín og konurnar eru heima að þjóna þessari stórfjölskyldu.

Atvinnustefna ríkisstjórnarinnar styður þessa samfélagsbreytingu en áhersla hennar á að færa velferðarþjónustu heim í hús með því að fækka þar störfum auk áherslunnar á að auka karlastörf þjóna þessari framtíðarsýn ríkisstjórnarinnar.

Konur sem eru lokaðar inni á heimilum verða hið nýja velferðakerfi á Íslandi. Þær hverfa úr hagkerfinu en þjóna áfram samfélaginu. Konur taka áfram að sér að halda uppi velferðinni en missa fjárráðin. Hin nýja ríkisstjórn sem hefur lofað femíniskri hagstjórn stýrir nú þessari tilfærslu.

Jóhanna Sigurðardóttir á auðvitað að fá sérstaka athygli fyrir ábyrgð sína á þessari atlögu að konum og femínisma. Nú er jafnréttisþing í nánd en á þinginu á síðasta ári var rækilega þaggað niðri í konum og passað upp á að eingöngu þægar konur fengju að komast þar að og femínistar voru rækilega útskúfaðir úr umræðunni. Ég hvet alvöru feminista að mæta og brjóta hefðina með því að láta í sér heyra. Minnir að þessi þing séu í október nema þá að þetta verði eitt af því sem verður skorið niður.

Kannski hefur Ólafur Ragnar Grímsson komið með hugmyndina, að arabíska módelinu, heim eftir að hann dvaldi undir góðu yfirlæti ásamt 25 karlmönnum úr viðskiptalífinu og Össuri Skarphéðinssyni hjá emírnum í Katarr.

Það voru jú gerðir samningar um að skiptast á þekkingu.

Ólafur Ragnar hefur ávallt verið mikill lærdómsmaður og tilbúinn til þess að læra af öðrum menningarsamfélögum.

Kvartaði ekki Dorrit einmitt yfir sýn Ólafs á konur í viðtali við erlenda fjölmiðla. Rámar í það. Jú hérna er það. En það er að búið er að fjarlægja greinina af síðum Condé Nast Portfolio. Ætli greinin hafi verið fjarlægð þegar að Íslendingar sluppu úr gíslingu Gordons Brown

Nafni Eimskips verði breytt í A1988

Ný tegund víkinga á Íslandi...

.....

 Uppgjafarvíkingar

þekktir fyrir að lúffa fyrir

 erlendum kröfuhöfum

lánadrottnum

áhættufjárfestum

og alþjóðafyrirtækjum

Vaxtamunurinn eðlilegur

Andskotans dusilmenni

Ég nenni varla að blogga lengur. Fáránleikinn er einfaldlega orðinn of absúrd.

Hefur enginn neitt við það að athuga að ríkisstjórnin er að láta ófædd börn borga reikninginn fyrir glæpafaraldurinn sem gengið hefur yfir Ísland?

Einhverjir vitleysingar (fagfjárfestar) lögðu peninga á reikning í Hollandi án þess að kynna sér áhættuna (eða ákváðu að taka hana og færa hana síðan yfir á okkur) og við eigum að borga brúsann.

Hefur enginn neitt við það að athuga að skuldarar séu látnir fjármagna bankanna sem síðan verða gefnir erlendum áhættufjárfestum?

Hefur enginn neitt við það að athuga að ríkisstjórnin ætlar að hjálpa fáeinum útvöldum í stað þess að leiðrétta óásættanlegar eignatilfærslur?

Hefur enginn neitt við það að athuga að fjármálaráðherrann lýgur sífellt að fólki og er að eyðileggja tungumálið okkar með því að rangtúlka sífellt merkingu orða?

Hefur enginn neitt við það að athuga að til stendur að selja auðlindirnar og eyðileggja framtíð afkomenda okkar?

Hefur enginn neitt við það að athuga að ráðherrar fá:

Laun ráðherra

biðlaun ráðherra

  ráðherrabíla

ráðherrabílstjóra

Skúffupeninga

búsetustyrk (í sumum tilvikum)

símastyrki ráðherra

ótilgreindan kostnað Alþingis

ferðakostnað

dagpeningar þingmanna

nefndabitlingar þingmanna

framlag til s...tjórnmálaflokka

= kostnaður skattgreiðenda.

Finnst ykkur í lagi að einstaklingur sem þiggur þetta af skattgreiðendum tali með umþóttunartón um það hvað fólk sem þarf að lifa af 150 þús á mánuði eigi að gera?

Finnst ykkur í lagi að hann geri það að ábyrgð skuldara að bjarga bönkunum sem stjórnmálamenn og vinir þeirra settu á hausinn?

Finnst þér í lagi að þú sért látinn bæta auðmönnum tapið á innlánsreikningum þeirra með því að þú getir ekki menntað börnin þín eða notið sjálfsagðrar þjónustu í nútímasamfélagi?

Finnst ykkur í lagi að við höfum ekki efni á að mennta börnin okkar?

Hvernig væri nú að þið kæru Íslendingar risuð nú upp af doðanum og í stað þess að leifa uppgjafarvíkingnum að kalla ykkur aumingja þrammið niður á Austuvöll á laugardaginn og öskrið ykkur hása?

Látið hana Helgu Björk ekki vera eina um það að mótmæla

Það er líka verið að eyðileggja framtíð ykkar afkomenda

Hóflega bjartsýnn

Er þetta ekki yndislegt?

 

Steingrímur notar orðið uppgjöf í þessu viðtali.

Skilaboð Steingríms:

Borgið, borgið og borgið svo við í ríkisstjórninni getum fjármagnað bankanna áður en við gefum þá erlendum áhættufjárfestum.

Skilaboð Steingríms:

Þið eruð skuldaþrælar sættið ykkur bara við það.

Hlusti vandlega á frasanna.

Hræðsluáróður andskotans myndi ég kalla þetta.

Skilaboð Árna Páls:

Sértækar aðgerðir= við ætlum að hjálpa útvöldum.

Það er ekki hlutverk ríkisstjórnarinnar að hjálpa fólki

Hlutverk ríkisstjórnarinnar er að koma efnahagskerfinu í lag til þess að almenningur geti hjálpað sér sjálfur

Höfnum þessari ölmusuhugsun

og krefjumst faglegra vinnubragða

Háskalegt að borga ekki

STIGLITZ í spor EVU JOLY

Nóbelsverðlaunahafinn og hagfræðingurinn Joseph Stiglitz þekkir vel til innviða Alþjóðagjaldeyrissjóðsins og Alþjóðabankans. Hann hefur bent á að þessir aðilar festi þjóðir í fátækragildru.

Nóbelsverðlaunahafinn þekkir einnig vel til Íslands því hann varaði íslensk stjórnvöld við bankahruninu árið 2001.

Skýrslunni sem Stiglits ritaði fyrir seðlabankann árið 2001 var stungið var ofan í skúffu. Lesa má um þetta á Icenews og á heimasíðu seðlabankans. Aðvaranir Stiglitz hafa ekki verið mikið í umræðunni en Ingibjörg Sólrún afþakkaði aðstoð hans í kjölfar bankahrunsins. Sennilega má skýra margt í ástandi íslensks efnahagslífs með hroka misvitra stjórnmálamanna sem hunsa ráð sérfræðinga sem eru alvöru sérfræðingar.  Stiglitz ráðlagði yfirvöldum eindregið, árið 2001, að innleiða skatta og setja reglur til þess að draga úr hættunni sem fylgir smæð efnahagskerfis ef það er óvarið.

Viðbrögð Guðbjarts Hannessonar við ráðgjöf Buchheit (hann er einn fremsti lagasérfræðingur á sviði þjóðarskulda) sem ráðlagði fjárlaganefnd að hafna Icesave er skýrt dæmi um hroka og dómgreindarleysi misvitra stjórnmálamanna en Guðbjartur taldi sig vita betur en einn færasti lagasérfræðingur heims á sviðinu.

Stiglitz hefur varað við því að  Alþjóðagjaldeyrissjóðsins steypi efnahagskerfum í glötun með aðkomu sinni og nefnir Ísland sem dæmi.

Myndbandið sýnir viðtal Greg Palast við Stiglitz. Í upphafi ræðir Palast við framkvæmdastjórna Alþjóðabankans en síðan talar hann við Stiglitz. Sýndar eru óeirðir í kjölfar innleiðingu stefnu Alþjóðagjaldeyrissjóðsins í nokkrum löndum.

Stiglitz heldur því fram að Alþjóðagjaldeyrissjóðurinn loki augunum fyrir spillingu í pólitískum tilgangi.

Palats ræðir við hann um fjögurra skrefa prógram sem farið er eftir í löndum þar sem Alþjóðagjaldeyrisstjóðurinn hefur viðkomu:

-Frelsi "hot" fjármagns (fjármagn áhættufjárfesta)

-Frelsi til þess að hækka verðlag

-Viðskiptafrelsi fyrir alla

-Frelsi til þess að einkavæða allt

Stiglitz hefur einnig gagnrýnt harðlega þá hugmyndafræði sem hefur verið ríkjandi á undanförnum árum og ótrúverðugleika Alþjóðagjaldeyrissjóðsins:

Ég hvet alla sem vettlingi geta valdið að kynna sér Stiglitz og kenningar hans.

Það verður spennandi að heyra hvað hann hefur að segja í Silfri Egils á sunnudag.

Leynd og blekkingar árás á siðferði

Frasakenndur áróður er hættulegur og eitt af aðalsmerkjum Steingríms J Sigfússonar. Hann segir t.d. við hvert tækifæri:

"Við megum ekki gefast upp"

Skoðum síðan hvað hann hefur afrekað á sínum stutta valdaferli.

-Uppgjöf gagnvart AGS

-Uppgjöf gagnvart Bretum og Hollendingum

-Uppgjöf í baráttunni fyrir auðlindunum

-Uppgjöf í baráttunni gegn fjármálavaldinu

-Uppgjöf gagnvart Magma Energy

-Uppgjöf gagnvart glæpalýðnum sem rændi Ísland

-Uppgjöf við að reisa heimilinn upp úr döpru ástandi

-Uppgjöf við að reisa fyrirtækin upp úr döpru ástandi

-Uppgjöf gagnvart aðildarviðræðum við ESB

-Uppgjöf gagnvart umhverfisvernd

-Uppgjöf við að innleiða femíniskar áherslur Vinstri Grænna

Innistæða Steingríms fyrir þessum frasa virðist vera lítil. Ég held að Steingrímur J Sigfússon sé einn mesti uppgjafarsoldáti í sögu þjóðarinnar.

...og lái mér hver sem vill.

Blekkingarleikur yfirvalda hefur tilgang. Hann er til þess ætlaður að fá almenning til þess að standa með óvininum í stað þess að standa með sjálfum sér.

Nánast öll starfsemi yfirvalda fellur undir ríkisleynd og nánast öll starfsemi bankanna undir bankaleynd.

Leynd sem fullyrt er að sé til þess að verja viðskiptahagsmuni og ríkið er í reynd notuð til þess að verja valdamenn og glæpamenn.

Íslenskur almenningur hefur tilhneigingu til þess að taka gagnrýnislaust við skilaboðum stjórnmála- og bankamanna. Þetta er í raun hættulegur eiginleiki hjá íslenskum almenningi og hefur kallað mikla óhæfu yfir þjóðina.

Barátta gegn leynd sem nærist á ótta

Arðránið heldur áfram: er stjórnmála- og embættismönnum enn mútað?

Spillingarklíkan í forystu fjórflokksins virðist vera einbeitt í vilja sínum að koma þjóðinni á vonarvöl.

Fingraför Alþjóðagjaldeyrissjóðsins er á öllum ákvörðunum ríkisstjórnarinnar og sjálfstæðisflokkurinn heldur uppteknum hætti við að ræna auðlindirnar.

Leynisamningar eru enn í fullu gildi og spurningar vakna um mútuþægni þegar að framferði þeirra sem koma að máli er skoðað.

Magma Energy er að fá auðlindirnar á Suðurnesjum nánast gefnar. Ferlið ber sterkan keim af þeirri spillingu sem hefur verið viðvarandi frá því að álver tóku sér bólsetu á Íslandi.

Sú kenning hefur verið sett fram að Magma Energy sé leppur Río Tinto en Magma Energy keypti hlutinn í orkuveitunni í gegn um skúffufyrirtæki í Svíþjóð.

Álverin hafa af óskammfeilni rænt arðinum af orkuauðlindum landsins. Þau hafa skuldsett dótturfyrirtækin á Íslandi gagnvart móðurfyrirtækjum erlendis til þess að losna við að greiða skatta hér. Leynisamningar og grunur um að múta íslenskum embættismönnum er staðreynd. Verðið til stóriðjunnar er mun lægra hér heldur en t.d. í Kanada og Bandaríkjunum og skýrir hvers vegna skattgreiðendur greiða með stóriðjunni.

Í skjóli nætur hafa aðilar verið að koma auðlindunum í eigu erlendra aðila undanfarin ár.

Núverandi ríkisstjórn hefur ekkert gert til þess að stemma stigu við þessum glæpum heldur hefur hún af einurð gerst málsvari spillingaraflanna.

Vilja hlut Geysis Green

Hnignandi siðmenning í stjórnmálum

Stærsta hneisan í Icesave-málinu er framferði Steingríms J Sigfússonar. Atferli hans í þessari atburðarrás einkennist af vanburðum, blekkingum og leynimakki. Hann velur gamlan vin og skoðanabróðir til þess að fara fyrir samninganefndinni í einhverju mikilvægasta samningamáli í sögu þjóðarinnar. Aðila með stúdentspróf og enga reynslu af milliríkjasamningum heldur eingöngu diplómatísku starfi. Aðila sem hefur aldrei þurft að sækja um vinnu á forsendum hæfni heldur fengið allt upp í hendurnar í gamla góða klíkusamfélaginu.

Í Aðdraganda Icesave gekk fjármálaráðherrann fram með blekkingum og leynimakki. Í kjölfar samningsins tók það sama við. Svavar Gestsson mætti á kajann með einhverja mestu hörmung sem kölluð hefur verið yfir þjóðina. Og þessari hörmung skyldi troðið upp á þjóðina með góðu eða illu. Merkingu hugtaka hefur verið snúið á haus og forheimskunaráróðurinn hefur viðvarandi verið vopn þessa málsvara ósómans sem hefur verið hellt yfir þjóðina.

Nú á Steingrímur að axla sína ábyrgð.

Framferði Breta og Hollendinga er áhyggjuefni ekki eingöngu frá sjónarhóli Íslendinga heldur heimsbyggðarinnar allrar. Framferði á borð við þeirra úr æðstu valdastöðum í samfélagi þjóða er ósigur fyrir mannkynið.

Framferði þeirra er lágkúrulegt efnahagslega, réttarfarslega og siðferðilega.

Hegðun Breta og Hollendinga ekki sæmandi