Hvað þá með eftirlaunalögin?

Eru þau ekki ógild ef:

Einu hæfiskröfurnar sem gerðar eru til þingmanna við afgreiðslu mála sé að þingmenn greiði ekki atkvæði með fjárveitingu til sjálfs síns. Það eigi ekki við í þessu máli. Því sé henni skylt að taka þátt í atkvæðagreiðslunni.

Telur sér skylt að greiða atkvæði

Verða þá afleiðingarnar ekki fræðilegar?

Eða hver verður tilfinning skattborgara þegar þeir þurfa að borga 100 milljarða vegn "fræðlegra mistaka"?

Skipun í samninganefndina vegna Icesave er ein mesta hneisa í embættisfærslum sem sést hefur í seinni tíð. Eins og venja er meðal stjórnmálamanna voru gamlir vinir og kerfiskarlar og ein kerfiskerling valin í nefndina.

Niðurstaðan lætur ekki að sér hæða

Er gert ráð fyrir afleiddum áhrifum vegna þessara MISTAKA

t.d. auknum vaxtakostnaði.

Áhrif á gengi krónunnar

Svarar ekki fræðilegum spurningum

Já leyfum Bill Gates að græða á íslenskri orku

Hvers vegna ættu Íslendingar að þurfa að græða sjálfir á sínum eigin auðlindum? Við verðmætasköpun úr auðlindum verður til hagfræðileg renta. Ein af meginástæðunum fyrir því að Ísland stendur á barmi gjaldþrots er að hagfræðileg renta af auðlindunum hefur verið flutt úr landi, t.d. með kvótaframsali-> fullvinsla fiskaafurða flutt úr landi, með stóriðju->ódýr orka til stóriðjunnar færir hagnaðinn af fjárfestingum í orkumannvirkjum til stóriðjunnar o.s.frv.

Óljósar og ruglingslegar fregnir berast af því að verið sé að selja auðlindaréttinn á Suðurnesjum. Að Kanadískir gullgrafarar og Bill Gates kaupi réttinn til þess að hagnast á auðlindum og uppbyggingu á suðurnesjunum. Sjá t.d. hér

Fréttir berast af því að fyrirhugað álver í Helguvík komi til með að ganga á orkuforðann á suðurnesjum eða jafnvel suðvesturhorni landsins. Hvers vegna ætti einhverjum útlendingum ekki að vera sama hvað gert er við náttúru Íslands? En, hvers vegna ætti vinstri grænum að vera sama um það?

Lána á 6 milljarða til viðskiptanna án haldbærra veða.

Geysir Green er gjaldþrota og þátttakandi í þessum viðskiptum.

Ég spyr hvað er í gangi?

Heimska, spilling eða bara venjulegar mútur?

Kanadamenn virðast hafa mikinn áhuga á að komast yfir íslenskar auðlindir og nýta sér ástandið á Íslandi, þ.e. glundroðann og hræðslu yfirvalda sem eru illilega búin að klúðra efnahag landsins.

Ross Beaty hefur verið harðlega gagnrýndur fyrir óeðlilega viðskiptahætti en hann er stjórnarformaður Magma Energy.

Ásbjörn Óttarson bæjarfulltrúi og nú þingmaður sjálfstæðisflokks á Snæfellsnesi gerði leynilegan samning við Kanadamann sem er til rannsóknar hjá kanadískum yfirvöldum vegna svikamála sem ná til aflandseyja. Samningurinn felur í sér sölu á vatnsréttindum til 95 ára á Snæfellsnesi.

Ofangreind viðskipti um sölu auðlinda eru í boði sjálfstæðimanna en samfylkingin hefur líka séð um að selja slíkar auðlindir t.d. í Hafnarfirði.

Það virðist ekki skipta nokkru máli í hversu miklum hremmingum þjóðarbúið lendir vegna klúðurslegar athafna stjórnmála og embættismanna, þeir virðast ekkert ætla að læra.

 

Útrásarhyskið verst af grimmd

Finnur Sveinbjörnsson sem situr í boði "vinstri" Ríkisstjórnar í stól bankastjóra Kaupþings á sér skrautlega fortíð í fjármálaviðskiptum. Þegar hann var sparisjóðsstjóri Sparisjóðs Mýrarsýslu lánaði hann litla 8.6 milljarða til amerískara fjárglæfarmanna. Finnur braskaði einnig með eignarhaldsfélag þegar hann var bankastjóri Icebank og lét sparisjóðina lána félaginu 850 milljónir króna.

Ég bloggaði ofursakleysislega um hótanir í garð Finns  og ekki stóð á trakteringum frá vinum útrásarhyskisins.

Ég hef oft orðið fyrir andófi af hálfu þeirra sem styðja hin ýmsu öfl sem eru að rífa samfélagið í sig en ég held að komment við bloggi mínu um Finn sé óvenju rætið. Þetta skýrist kannski af því að um alvöru fjárglæframenn er að ræða og alvöru peninga að verja. Hverjum langar jú ekki að fá afskrifaða 3 milljarða.

Þegar Finnur var spurður um brask sitt með fjármuni sparisjóðanna svaraði hann:

 “Við getum alveg verið hreinskilnir við hvor annan. Auðvitað hefur margt breyst í þjóðfélaginu; stemnningin, viðhorf og gildismat í samfélaginu er öðruvísi en áður. Ég held að við getum bara horft í eigin barm og viðurkennt hreinskilningslega að við hugsum öðruvísi og metum hlutina öðruvísi heldur en var.”

En í dag kemur fram að "Samkvæmt heimildum Fréttablaðsins er tilboð þeirra feðga talið raunhæft innan Kaupþings, og reiknað með að það verði lagt fyrir stjórn bankans."

Það er einfaldlega þannig að þeir sem hafa tamið sér það hugarfar að þeir geti leyft sér að leika með fjármuni almennings breytast ekki.

Hér á eftir að þróast vargöld ef það líðst að menn á borð við Finn Sveinbjörnsson stjórni bönkunum og ef það líðst að menn á borð við Björgólfsfeðga borgi ekki skuldir sínar.

Þessir menn keyptu banka fyrir lánsfé frá öðrum banka sem verið var að einkavæða. Þeir notuðu bankann til þess að mergsjúga samfélagið og skiluðu bankanum með þúsunda milljarða kröfum í þrotabúið.

Hugmyndin ein um að afskrifa skuldir við Björgólfsfeðga er sjúkleg og ber vott um sjúkan hug þeirra sem fara með völd nú í bankakerfinu.

Öryggi starfsmanna ógnað

Er Finnur Sveinbjörnsson hræddur við bréfasnifsi?

Hann ætti þá að reyna hvernig það er að fá bréfasnifsi frá bönkunum og sýslumanni með raunverulegum hótunum um að vera borin út af heimili sínu. Með öllu tilheyrandi, maka, börnum, hundi og ketti.

Hann ætti að velta því fyrri sér hvernig er að fá bréfasnifsi sem tilkynna að hann sé ekki lengur velkomin í vinnuna og fái ekki launatékkan lengur eftir þrjá mánuði.

Nei Finnur þekkir lítið til raunverulegra hótanna sem saklaust fólk verður fyrir af hálfu banka, fyrirtækja og ríkisvaldsins.

Finnur "grow up"

Sjá fréttir um Finn Sveinbjörnson, þessa frétt og þessa frétt hér og hér

Bankastjóra Kaupþings hótað

Geta stjórnmálamenn ekki lært

Umhverfissóðaskapur, græðgi og mútuþægni hefur haft grafalvarlegar afleiðingar fyrir íslensku þjóðina. Þeir sem líða fyrst og fremst vegna þess að óæðri hvatir hafa náð yfirtökum hjá tiltölulega fámennum hóp einstaklinga í stjórnmálum, embættismannakerfi og viðskiptum eru ekki þeir hinir sömu og báru ábyrgð á hruninu.

Þegar allt hrundi í haust hugsaði ég með mér, já nú verða breytinar, menn hljóta að læra af þessu. Jú að hluta til hafði ég rétt fyrir mér. Almenningur hefur lært eða að minnsta kosti stór hluti hans að treysta ekki yfirvöldum, að treysta ekki embættismönnum og að fyrirlíta hina svokölluðu útrásarvíkinga.

En hverjir hafa þá ekki lært. Jú stjórnmálamenn, a.m.k. margir þeirra virðast hafa lítið lært. Þeir virðast enn hafa trú á því að forsendur fjármálakerfisins, forsendur alþjóðafyrirtækja og forsendur stóriðjunnar eigi rétt á sér.

Það virðist fara fram hjá stjórnmálamönnum að sú stefna sem unnið hefur verið eftir síðustu 20 árin er gjaldþrota stefna sem leiðir til mismununar og ójöfnuðar en jafnframt fátæktar stórs hluta almennings.

Stjórnmálamenn virðast vera haldnir þeirri algjöru ranghugmynd að útrásarhyskið hafi verið viðskiptasnillingar og því séu þeir ómissandi í viðskiptalífinu. Viðskipti útrásarhyskisins byggði alls ekki á snilld heldur misnotkun þeirra á fjármunum almennings, á einokunaraðstæðum á íslandi og aðgengi að spilltum stjórnmála- og embættismönnum.

Sé duglegu, venjulegu fólki gefin kostur á því er það fullburðugt til þess að byggja upp atvinnulíf á Íslandi en stjórnmálamenn virðast vera algjörlega lamaðir þegar það kemur að þeim bráðnauðsynlega hluta endurreisnarinnar sem felst í því að byggja upp atvinnulíf í byggðarlögum landsins.

Ég rakst á skemmtilegt blogg á New York Times þar sem fjallað er um umhverfismál og stóryðju á Íslandi.

þessi ameríski bloggari segir m.a. að Ísland hafi einstakt tækifæri í ljósi nýlegra efnahagslegra atburða. Það er að hafna skyndihagsmunum af umhverfis og auðlinda óvinveittri stóriðju og nota auðlindir landsins til þess að gera landið betra fyrir komandi kynslóðir.

Núverandi stjórnvöld hafa því miður valið að taka upp stefnu sem er óvinveitt komandi kynslóðum á Íslandi. Hrikaleg skuldasöfnun, sala auðlinda og uppbygging stóriðju auk þess arðráns sem fram fer í boði hennar lýsir miklu ábyrgðarleysi gagnvart komandi kynslóðum.

Iceland has an unprecedented opportunity, one that recent economic events in that country makes even more attractive: reject the immediate economic benefit of an environmentally and resource unfriendly industry and use those resources to make the country a better place for subsequent generations.
As someone who has visited Iceland twice, and has visited geysers, waterfalls and thermally heated pools and has experienced the warmth and friendliness of the Icelandic people, I hope they choose the latter.

16 milljarðar inn í Sjóvá

Skortir kjark og framtíðarsýn

Eva Joly varð við beiðni þjóðarinnar um að takast á við spillinguna sem er af stærðargráðum sem varpar Enron hneykslinu í skuggann. Hana skortir ekki kjark. Í nýlegu viðtali við erlendan fjölmiðil hvetur hún Íslendinga til þess að berjast, viðhalda menningu sinni og þrauka á Íslandi.

Ríkisstjórn Jóhönnu Sigurðardóttur hefur gefist upp. Innan ríkisstjórnarinnar ríkir ekki skilningur á gildi íslenskrar menningar og gildi okkar stórbrotna lands í alheimssamfélaginu. Ráðþrota leitar ríkistjórnin að skammtímalausnum sem mun fleyta henni í gegn um eitt kjörtímabil og selja valkosti þjóðarinnar í hendur ESB.

Fréttirnar sem berast eru fréttir af skuldasöfnun, afarskilyrðum og sölu auðlindanna til erlendra aðila. Fréttir af erlendum aðilum sem reisa hér verksmiðjur og eru undanþegnir kvöðum sem gilda um íslensk fyrirtæki. Þetta kalla yfirvöld ívilnanir og undanþágu frá gjaldeyrishöftum.

Erlend fyrirtæki vilja samninga sem hlífa þeim við að skila fjármagni í þjóðarbúið. Þau vilja taka arðinn úr landi og Ríkisstjórnin telur að einhver hagur sé að því að hér rísi alþjóðafyrirtæki sem valda mikilli sjónmengun, skila fáum störfum og starfa við skilyrði sem boðið er upp á í þriðja heims ríkjum.

Tækifærin fyrir almenning á Íslandi eru mörg ef stjórnvöld hafa vilja og skilning á því að hér þarf að skapa skilyrði í byggðarlögum landsins á forsendum þjóðarinnar og með íslenska menningu áð leiðarljósi.

Ég bendi hér á tvær greinar sem ég mæli með hér og hér

Hvers vegna fá Hollendingar að selja vatnið okkar?

Ég rakst á þessa færslu sem ég ætla að vekja athygli á hér:

Íslenskt vatn, meir að segja jöklavatn, mun streyma til Miðausturlanda á næstunni. Þar mun það svala þorsta og þörf bandarískra hersveita fyrir drykkjarvatn næstu árin. Það verður einnig aðgengilegt almenningi í verslunum. Um er að ræða 180 milljónir flöskur af vatni næstu þrjú árin, eða fimm milljónir flöskur á mánuði.

Það er hollenskt fyrirtæki, Dalphin, með aðsetur í bænum Winterswijk í austurhluta Hollands, sem stendur fyrir vatnsflutningi frá Íslandi til Miðausturlanda. Hlaut það samning þar að lútandi frá bandarískum aðilum, ef marka má frétt hollensku fréttastofunnar Algemenn Nederlands Persbureau.

Vatnið verður einnig til sölu í búðum fyrir almenning sem veigrað hefur sér við því að kaupa drykkjarvatn frá ríkjum sem eru með hersveitir í Afganistan og Írak. Það mun því nýtast útflytjendum íslenska vatnsins að Íslendingar halda ekki úti her.

Hjá Dalphin-fyrirtækinu er 25.000 lítrum vatns tappað á flöskur á klukkustund. Íslenska vatnið verður flutt sjóleiðina til Miðausturlanda frá Rotterdam.  

Forhertari en andskotinn

Það er eins og maður búi í furðuveröld andskotans. Hvernig dettur útrásarvíkingnum Finni Sveinbjörnssyni sem lánaði amerískum misyndismönnum 8 milljarða úr Sparisjóði Mýrdælinga, litlum sparisjóði, að tala um tilboð. Hvers vegna í fjandanum er þessum manni leyft að stjórna Kaupþingi.

Er ekki búið að bjóða almenningi þessa lands upp á nóg?

Og hvers vegna ástundar Fréttablaðið áróður fjandans í boði Björgólfsfeðga og Kauðþings.

Já Vilhjálmur Bjarnason ég tek undir það með þér þessi fjandi er með öllu ólíðandi.

Er ekki komin tími til þess að Ríkisstjórnin fari að rífa sig upp úr þeim forarpitti sem hún virðist vera föst í og koma þessu glæpahyski undir lás og slá og reki algjörlega vanburða stjórnendur bankanna.

Varar við borgarastyrjöld

Skýrslur sem eru ekki til og blekkingarleikur stjórnvalda

Þessi skýrslan er týnd og þessi skýrsla er ósýnileg.

Fannst eftir nokkra leit í fjármálaráðuneytinu. Skýrslan sem gerð var fyrir Össur að því er ætla mætti af forsíðu hennar hafði bara farið framhjá honum.

Það skiptir engu máli að það kemur fram í skýrslunni að Ísland hafi ekki formlega ábyrgst skuldbindingar tryggingarsjóðs innistæðueigenda hvað varðar Icesave innistæðurnar.

Össur vill bara að við göngum í ábyrgð fyrir 1.000 milljarða af því að honum langar til þess.

Auðvitað skipta svona skýrslur engu máli sérstaklega þegar þær eru týndar í fjármálaráðuneytinu.

Og auðvitað skiptir engu máli þótt að fullveldi Íslands sé fórnað fyrir Hollendinga og Breta ef Össuri langar til þess.

Og hvaða máli skiptir þótt Íslendingar fórni lífsbjörg sinni, auðlindunum, ef Össuri langar til þess.

Nei kæru Íslendingar við eigum ekki að vera með þessa frekju. Valdhafinn hefur talað og honum langar ekki til þess að þjóðin hafi neitt um málið að segja enda er hún ekki þjóðin.