Bannað að kalla mútur, mútur

Já ilhýra málið getur reynst mönnum dýrkeypt. Mútur til stjórnmálamanna og stjórnmálaflokka er uppspretta þeirrar hnignunar sem er við lýði og mun áfram verða við lýði vegna þess að núverandi valdhafar Steingrímur Joð og Jóhanna Sigurðar hafa löggilt múturnar. Með því er verið að tryggja áframhaldandi sóðaskap í stjórnmálum.

Fyrirtæki hafa ekki kosningarétt. Auðmagnið hefur ekki kosningarétt.

En íslenski stjórnmálamenn sem ekki geta byggt á eigin mannkostum og flokkar sem vinna gegn alþýðu landsins hafa tryggt sér lagaumhverfi sem færir valdið til fyrirtækja og auðmagns. 

Stjórnmálamenn eru til sölu. Flokkar eru til sölu.

Eigur almennings eru gerðar upptækar og færðar í hendur forréttindastéttarinnar sem kaupir sér þingmenn. 

Er ekkert við þetta að athuga?

Krefst afsökunarbeiðni frá þingmanni

Framsókn í skítnum...

Fyrrverandi þingmaður framsóknar, Kristinn Gunnarsson, hefur ekki mikla trú á flokknum en hann skrifar:

Því miður er flokkurinn fjær því en fyrir hrun að hafa almannahagsmuni í fyrirrúmi. Hin nýja forysta hefur gengið lengra í því en þeir sem ýtt var til hliðar gerðu að gera flokkinn að verkfæri fyrir fáeina eignamenn og sérhagsmunaaðila.

Flokkurinn er enn notaður sem verkfæri til þess að gefa stórfelld verðmæti. Enn eru í forystu flokksins menn sem eru fyrst og fremst að vinna fyrir fáa á kosnað margra. Nýja forystan hefur ekkert lært af mistökum þeirrar gömlu. Það er greinilegt að eitt hrun er ekki nóg.

Þessu svarar Framsóknarflokkurinn með því að segjast þá einu breytingu vilja gera að útvegsmennirnir fái samning um að hafa kvótann um aldur og ævi. Það á að gera samning við þá sem eru með kvóta í dag til 20 ára og framlengja hann vafningalaust á 5 ára fresti. Handhafar kvótans eiga áfram ekkert að greiða fyrir afnotin annað en málamyndagjald. Þeir eiga áfram að geta leigt öðrum kvótann á markaðsverði og innheimt hagnaðinn. Þeir eiga áfram að geta selt kvótann án nokkurrar greiðslu í ríkissjóð. Þeir eiga áfram að geta ráðið því hverjir eru þeim þóknanlegir og fái að veiða eða starfa í útgerð. Til þess að friða almenning er boðið upp á friðþægingu í formi potta. Það er eins og að henda nöguðum beinum fyrir hungraða úlfa. Þetta leggur flokkurinn til án þess að skammast sín.

Framsóknarflokkurinn vill gera illt verra. Hann vill koma í veg fyrir almannahag með því að ekki verði hægt að breyta löggjöfinni án þess að borga kvótagreifunum út arðinn næstu 20 ár hið minnsta. Flokkurinn gerir ýtrustu kröfur LÍÚ að opinberri stefnu sinni. Hann er sama sem genginn í LÍÚ.(áherslur eru mínar)

Kristinn H Gunnarsson tekur þarna á nokkrum meginmeinsemdum kvótakerfisins:

• Arðurinn af auðlindinni skilar sér ekki til þjóðarinnar
• Kerfið er skerðing á atvinnufrelsi
• Kerfið færir óeðlileg völd og forréttindi til fámennrar stéttar manna

Við þetta má bæta að kvótakerfið í þeirri mynd sem það er í dag dregur máttinn úr atvinnulífi á landsbyggðinni og leiðir til aukins atvinnuleysis.

Þessi færsla tengist fréttinni vegna þess að LÍÚ er leynt og ljóst að nota kjarasamninga sem vopn til þess að viðhalda spilltu kerfi og að ráðast að ríkisstjórninni. 

 

RSÍ vill vísa til sáttasemjara

Þeir sem ræna tungumálinu

Gagnrýnin skrif um samfélagsmál kalla á viðbrögð þeirra sem vilja óbreytt ástand. Þeirra sem vilja verja ríkjandi viðmið og trú á óskeikult yfirvald. Sendiboðinn fær óvægnar móttökur. Flatneskjan er dásömuð og menn taka sér valdið yfir skilningi á félagsfyrirbærum, hvaða samfélagsímynd er viðeigandi og hverja má gagnrýna. Vilja fá að ráða hvað er viðeigandi og hvað er óviðeigandi. Hversu mikils virði er það að hafa valdið yfir lögmæti hins talaða máls?

Ég setti færslu inn á Feisbókina þar sem ég sagði frá gleðilegum tíðindum í lífi fjölskyldu minnar. Fjöldi fólks sem eru feisbókarvinir kíktu við með hamingjuóskir. 

Starfsmaður í velferðarráðuneytinu (samkvæmt fésbókinni) gerði eftirfarandi athugasemd við færsluna:

 "Ég óska þér innilega til hamingju með soninn og sömuleiðis til hamingju með að þetta er fyrsta jákvæða innleggið þitt til langs tíma á facebook - og ég vona að Guð láti gott á vita, kæri fb vinur, og að þetta verði upphafið að jákvæðari skrifum en hingað til hafa verið skrifuð o:)"

Þetta er í raun merkileg færsla. Merkingin í því sem hún segir er bein árás á mig sem hún vefur inn í fagurgala og hnýtir við broskall. Í raun hennar túlkun á mínum skrifum sem varla getur talist jákvæð en hún virðist gefa sér að það hafi tilgang að merkja mig með þessum hætti. Virðist telja það viðeigandi og réttmætt. Og kannski ekki síst virðist telja það sitt hlutverk.

Ég kíkti á færslur mínar þennan dag og sá að ég hafði linkað á fréttir um að Bretar vilji ekki dómsmál um Icesave, að samningsaðilar vilja ekki LÍÚ við samningsborðið og ræðu biskusins sem var mér lítt að skapi.

Allt eru þetta hitamál í þjóðmálaumræðunni.

Hugsanlegt dómsmál fyrir EFTA dómstólnum sem fáir virðast skilja og er í raun miklu stærra en bara áhættan sem fylgir því. Grundvallaratriðið er að ef Icesave fer fyrir dóm þá setur niðurstaða dómsins samræmdar reglur sem öll aðildarríki þurfa að hlýta. Icesave samningurinn setti hinsvegar sérreglur fyrir Ísland án ábyrgðar fyrir önnur ríki. 

Framganga LÍÚ er táknræn fyrir það mein sem hreiðrað hefur um sig í stofnanagerð samfélagsins. Smám saman hefur fámennur hópur komið sér upp forréttindum í samfélaginu og yfirtekið stofnanir sem ættu að þjóna almenningi en gera það ekki lengur. 

Biskupinn er tákn tvískinnungs þess sem samsamar sig með valdinu. Lítilmaginn á sér ekki talsmann í biskupi sem gengur erinda valdsins og kallar á auðsveipni almennings. Kallar á blinda tryggð og vill að dómgreindin sé svæfð. 

Skrif um samfélagsmál sem eru í ólestri fá gjarnan á sig neikvæðan blæ. Gagnrýnin umfjöllun kemur við kaunin á þeim sem sitja við kjötkatlanna og láta einstaka brauðmola falla við hné hins forréttindalausa. 

 

Neyðarlögin staðfest

Nei það er dálítið öðruvísi núna.

Því að af hverri krónu sem við greiðum í ríkissjóð vegna skatta á matvælum fer hluti í að greiða vexti af erlendum lánum og ausa fjármunum í bankakerfið.

Þetta leiðir til þess að velferðarkefrið er í hnignun. Tær snilld Hannesar Hólmsteins og Sigurjóns Árnasonar var ekki svo tær og ekki svo snjöll þegar á reyndi. 

Átrúnaðargoðið Davíð Oddson lofaði innantómri bólu og norræna velferðarstjórnnin lofar nú meiri hnignun.  

Ísland eins og það var 1995

Hvar eru samtök barnafjölskyldna?

Vissulega eru öryrkjar líka í barnafjölskyldum en hvað með annað fólk.

Athyglinni er gjarnan beint að öryrkjum og öldruðum þegar talið berst að fátækt.

Ég hef þó mestar áhyggjur af venjulegum fjölskyldum hvort sem um er að ræða öryrkja eða ekki. 

Finnst eiginlega að fólk eigi ekki að þurfa að vera öryrkjar til þess að njóta mannréttinda. 

Hvað þýðir bensínkostnaðurinn og matvælaverð fyrir fjölskyldur með nokkur börn? Sem þurfa að keyra börn í leikskóla? Sem þurfa að fæða marga munna? Sem þurfa að borga leikskólagjöld?

Hvorki efni á mat né bensíni

Ofurvald viðskiptamafíunnar

Það hefur verið ævintýri líkast að horfa á slagsmálin um auðlindirnar.

Kvótakerfið er afsprengi stjórnmálaspillingar sem á sér varla sinn líka nema í löndum sem við viljum ekki bera okkur saman við. Undarfarna áratugi hafa LÍÚ ekki eingöngu átt stjórnmálin. Þeir hafa einnig verið stjórnmálin.

Styrkur launþega er lítill. Vinnuveitendur hafa smeygt sér inn í stofnanir launþega þar sem þeir ráðskast með velferð þeirra og fjármuni.

Lífeyrissjóðirnir eru gott dæmi um þetta. Oft veit ég ekki hvort Gylfi Arnbjörnsson er að koma eða fara. 

Hótanir og ofríki SA hefur ekki farið framhjá mörgum undanfarnar vikur.

Auðvitað hefur maður spurt sig hvar er ríkissáttasemjari? Hvar er verkfallsrétturinn? 

Er enginn að berjast fyrir réttindum launþega? Hví er vinnuveitendum ekki hent út úr lífeyrissjóðunum?

Hví er spilltum stjórnendum ekki vísað þar á dyr?

Vísi deilu til sáttasemjara

Í skjóli trausts alþýðunnar var landið sett á hausinn

Jú það er þægilegt fyrir valdhafann að búa við blint traust alþýðunnar. Karl Sigurbjörnson er hluti af valdinu. Valdið þráir auðsveipni, tryggð og blindan almenning.

Tortryggni og vantraust hefðu getað komið í veg fyrir hrunið. 

Neikvæðar tilfinningar eru viðspyrna við skrumi og blekkingum.

Allar tilfinningar eiga rétt á sér þótt æskilegt sé að þær komi fram í viðeigandi samhengi. 

Vissulega hefur biskupin verið fylgjandi þöggun og undirokun. 

 Kannski þráir hann meira af slíku og kannski er hann ekki ánægður yfir því að sauðsvartur almúginn skuli rísa upp og tjá sig um vanþóknun sína á spillingu og græðgi.

Almenningi á Íslandi hefur verið misboðið og það er eðlilegt að fólk tjái sig um það. 

Verðum að læra að treysta

Varúð, lélegt blogg!

Ekki eru allir hrifnir af þessu bloggi.

Gunnlaugur Sigmundsson fyrrverandi þingmaður fordæmir það en hann segir:

Sæl Jakobína það er alveg makalaust að lesa bullið í þér. Þú segist vera að vinna doktorsritgerð við Háskóla Íslands en skrifar ítrekað bull og hreinar lygar á opinberum vettvangi, skrif sem oftar en ekki eru klár meiðyrði.

Nú svo er Einar Ólafsson ósáttur við heimildanotkun:

Jakbobína ætti að vita það eftir að hafa stundað háskólanám, en allir virtir háskólar, sem og kennarar, banna að nota wikipediu sem heimild.

Og ekki er Grétar sáttur við þekkingu mína og afstöðu til sjálfstæðisflokksins:

Hefur þú eitthvað fylgst með skólastarfi á Íslandi síðustu áratugi? Þessi lýsing þín á skólastarfi er eins fjarri sannleikanum og hugsast getur. Og frasinn með að sjálfstæðisflokkurinn hafi komið okkur í skítinn er orðinn þreyttur.

Já það er ömurlegt að vera lélegur bloggari.

	Á lúxusjeppa með stolin blóm
Ábyrgðarmaður færslu Tenging við þessa frétt hefur verið rofin vegna kvartana.

Hverjir eru hetjurnar?

Stjórnmálamenn vaða gjarnan fram á völlin og lýsa eigin ágæti og hetjudáðum sínum við "endurreisnina". þeir tala um batnandi efnahagshorfur á meðan í raun allt er í kalda koli.

Ég held að stjórnmálamönnum í forystu flokkanna sé alveg sama hvernig mannlífið er á Íslandi svo fremi sem þeir geti Þóknast alþjóðasamfélaginu og fjármagnseigendum. Að niðurstöðurnar í seðlabankanum skili réttum kennitölum.

Það er ömurlegt að sjá eftir fjölskyldumeðlimum úr landi. Að þurfa að skilja eftir hér á landi það sem fólk hefur byggt upp í lífshlaupinu. Fjölskylduna, vini, aðstöðu og menninguna sem það þekkir. 

Yfirvöld og alþjóðagjaldeyrissjóðurinn hafa ekki tekið þennan þátt með í sínum útreikningum. 

Skattgreiðendur halda stjórnmálamönnum og embættismönnum uppi á feitum launum og síðan eftirlaunum (sjálfteknum ofureftirlaunum). 

Velferð skattgreiðenda virðist þó ávallt vera aukaatriði hjá stjórnmálastéttinni.

Hætt við að færri komi aftur

Samfylkingin hefur kynt undir þann misskilning

Það vakti athygli mína í fyrra þegar þórólfur Matthíasson var spurður í norskum fjölmiðli hvort bankarnir hefðu verið með tryggingakerfi og hann svaraði því til að Icesave samningurinn gengi út á að Íslendingar ætluðu að standa við skuldbindingar sínar. Með svörum af þessu tagi hafa íslenskir fræðimenn og stjórnmálamenn styrkt þann misskilning að Bretar og Hollendingar ættu lögvarða kröfu á hendur íslenska ríkinu.

Hafa aldrei vanefnt skyldur