Íslenska smákóngaveldið

Erfiðlega gengur að koma lögum sem miða að því að bæta samfélagið í gegn um þingið eða jafnvel að vekja athygli á þeim. Hreyfingin hefur lagt fram merkilegt frumvarp sem hefur fengið litla umfjöllun:

Í janúar 1908 var bæjarfulltrúum í Reykjavík fjölgað í 15.  Hundrað og einu ári síðar eru kjörnir fulltrúar í borgarstjórn Reykjavíkur enn 15 að tölu þótt fjöldi íbúa hafi fimmtánfaldast á heilli öld.  Frá 1908 hefur landsframleiðsla á hvern íbúa einnig fimmtánfaldast og því má fullyrða að efnahagsleg umsvif í Reykjavík hafi a.m.k. 225-faldast á einni öld.  Frambjóðandi til borgarstjórnar í Reykjavík nú til dags þarf að fá um 7% atkvæða til að ná kjöri og eru engin fordæmi um jafnfáa kjörna fulltrúa og jafnháan lýðræðisþröskuld í ámóta fjölmennu sveitarfélagi í nágrannalöndum okkar.  Samkvæmt lögum annars staðar á Norðurlöndum, í Evrópu og víðar ættu borgarfulltrúar í Reykjavík því að vera 43–61 hið minnsta.

Hér er um að ræða lýðræðisskerðingu sem stríðir gegn anda Evrópusáttmálans, mannréttindasáttmála Sameinuðu þjóðanna sem og Ríó-sáttmálans um Staðardagskrá 21 sem er heildaráætlun ríkja Sameinuðu þjóðanna um sjálfbæra þróun samfélaga fram á 21. öldina í samráði við íbúana á hverjum stað og með þátttöku atvinnulífs og félagasamtaka.  Þessi skerðing er alvarlegt mannréttindabrot.  Hún er andstæð viðhorfum og venjum annars staðar á Norðurlöndum, í Evrópu og víðar þar sem lýðræði er í hávegum haft, þar sem meginmarkmiðið er ekki að torvelda heldur auðvelda þátttöku borgaranna í ákvarðanatöku um eigin mál og mótun samfélagsins til framtíðar.

Nærri útilokað er fyrir einstaklinga og samtök utan hefðbundinna stjórnmálasamtaka að komast til áhrifa í sveitarstjórnum og ríkir því fákeppni í sveitarstjórnarmálum og fáveldi í stjórnunarháttum sveitarstjórna (oligarkí, einhvers staðar á milli einræðis og lýðræðis).  Greinilegt er að miðað við nágrannalöndin er mikill lýðræðishalli hér á landi hvað varðar þátttöku og möguleika almennings til áhrifa í sveitarstjórnum og slíkar fámennisstjórnir sem hér hafa tíðkast eru einsdæmi. Vissulega má gefa sér að þetta fyrirkomulag sé einfaldlega barn síns tíma en með gjörbreyttu og stórlega auknu hlutverki sveitarstjórna sem stjórnsýslustigs verður að gera þá kröfu að almenningur og smærri samtök fái að hafa meiri áhrif á framgang mála.

Flokkarnir hætti að rífast um Icesave

Höfnum skuldaánauð

ESB þingmaðurinn sem kom fram með Evu Joly í Silfrinu kallaði Icesave SKULDAÁNAUÐ.

Grein í MBL í gær:

Í frumskóginum verja dýrin afkvæmi sín og tryggja þeim lífsviðurværi. Það er í eðli þeirra. Mannskepnan hefur líka tilhneigingu til þess að verja afkvæmi sín en þegar siðmenntun hnignar og fátækt sverfur að verða afkvæmin oft illa úti.

Ég er ekki sérfræðingur í siðmennt en velti því fyrir mér hvað hugtakið feli í sér. Er það ekki fyrsta skylda hvers manns sem vill teljast siðaður að verja afkvæmi sín, verja velferð komandi kynslóðar og ganga ekki á rétt hennar?

Um þetta snýst kjarni Icesave. Icesave samningurinn felur í sér í raun að firra núverandi kynslóð vandræðum með því að koma þeim yfir á komandi kynslóðir. Þess vegna er frumvarpið um ríkisábyrgð á Icesave siðlaust. Ríkisvaldið hefur tekið þá stefnu að hræða almenning til þess að taka stöðu með þessu siðleysi. Ríkisvaldið vísar gjarnan til dulúðugrar dómsdagsspár ef skuldir bankamanna verða ekki gerðar að skuldum barna okkar. Með þessu er ríkisvaldið að reyna að höfða til óæðri hneigða mannsins sem spretta af hræðslu við hið óþekkta.

Ákafi sumra einstaklinga að leggja óviðráðlegan skuldaklafa á komandi kynslóðir er í ætt við hjátrú. Ef gengið er á þessa einstaklinga um ástæður þess að leggja skuli þessar byrðar á komandi kynslóðir er fátt um skynsamleg svör. Illa ígrunduð hræðsla og þjónkun við foringja brýst upp á yfirborðið. Sektarkennd yfir að hafa ekki lapið dauðann úr skel á góðæristímabilinu gerir einnig vart við sig. En ekkert af þessu réttlætir að gera komandi kynslóðir að skuldaþrælum Breta og Hollendinga.

Það er ofar eðlilegum skilningi hvers vegna ríkisstjórninni er svo mikilvægt að fallast á túlkun Breta og Hollendinga á Icesave vandanum. Hverjum þeim sem kynnt hefur sér atburðarrásina og staðreyndir málsins er ljóst að Bretar og Hollendingar hafa rangtúlkað málið til þess að tryggja eigin hagsmuni. Við slíkar aðstæður ætti það að vera hlutverk íslenskra valdamanna að verja þjóðin en þeir hafa brugðist hlutverki sínu og stillt sér í lið með Bretum og Hollendingum gegn íslensku þjóðinni.

Gríðarleg áróðursherferð hófst eftir hrun íslenska efnahagskerfisins sem miðaði að því að gera þjóðina auðmjúka og efla sektarkennd hennar. Sektarkenndin átti að tryggja að þjóðin beygði sig undir að selja framtíð afkomendanna fyrir velferð Gordons Brown.

Í áróðrinum var höfðað til stolts Íslendinga og að þeir þyrftu að afla sér trausts í alþjóðasamfélaginu. Staðreynd málsins er hins vegar sú að sá sem selur börnin sín aflar sér ekki trausts með þeim gjörningi nema þá traust þeirra sem aðhyllast slíka gjörninga og hafa hag af slíku. Hinir siðmenntuðu sem hafa aðra sýn á tilveruna. Þeir eru ekki tilbúnir til þess að gera hina saklausu að fórnarlömbum græðginnar og munu ekki sjá upphefð í því að Íslendingar beygi sig undir þennan ósóma.  

Stolt Íslendinga og stolt komandi kyslóða verður eingöngu tryggt með því að íslenska þjóðin hafni Icesave II í þjóðaratkvæðagreiðslu

 

 

Kosið 6. mars

Er þetta ráðið við Icesave?

Það er nokkuð ljóst að hver viti borinn Íslendingur sem vettlingi getur valdið mun flýja land fremur að gerast skuldaþræll Breta og Hollendinga.

Auðvitað er Icesave í sjálfu sér þversögn því að þegar Íslendingar fara að fækka tölunni mun byrðin leggjast æ þyngra á þá sem eftir sitja.

Kannski munu Icesave-sinnar leita á náðir hins hugmyndaríka Vladimir Zhirinovsky eftir ráðum til þess að leysa þessa þversögn.

	Telur fjölkvæni geta stuðlað að fjölgun barna í Rússlandi
Ábyrgðarmaður færslu Tenging við þessa frétt hefur verið rofin vegna kvartana.

Mylja undir sjálfa sig hjá borginni

Borgarfulltrúar sjálfstæðisflokksins eru ekki aldeilis tilbúnir þess að taka þátt í hallærinu sem þeir kölluðu yfir þjóðina, almenna kjósendur, skattgreiðendur og skuldara.

Nei fyrir þá gildir að njóta lífsins. Hanna Birna þyggur á aðra milljón í laun og bitlinga á mánuði. Sennilega nær tveimur ef allt er týnt til. Kjartan Magnússon þyggur vel á aðra milljón og viðheldur útrásinni að bestu getu.

Sjálfstæðismenn sem reka ræstingarkonur ef þær nota síma hins opinbera eru ekkert að hika við að fara í utanlandsferðir á kostnað borgarbúa án þess að til þess liggi eðlilegar forsendur og virðast lítið hika við að gefa upp rangar upplýsingar til þess að leyna því hvernig þeir sólunda útsvarsgreiðslum almennings. 

 Borgarfulltrúar sem hafa velferð borgarbúa að leiðarljósi stuðla að því að finna hæfa einstaklinga til þess að sitja í nefndum og ráðum og dreifa störfum í erfiðu árferði. Aðrir hugsa um það eitt að maka eigin krók. 

Ólafur víttur á borgarstjórnarfundi

Sóknarhernaður sjálfstæðismanna setti þjóðarbúið á hausinn

Sjálfstæðisflokkurinn hefur tilhneigingu til þess að grípa til orðatiltækja úr hernaði í umfjöllun sinni um málefni. Með þessu er hann að gefna máli sínu blæ. Sóknaráætlanir sjálfstæðisflokksins síðastliðin 20 ár hafa haft í för með sér mikla mismunun og sett samfélagið á hausinn.

Nú er spurning hvort að sjálfstæðisflokkurinn geti kjaftað sig frá fortíðinni. Hin raunverulega stefna sjálfstæðisflokksins er að stuðla að því að koma eignum borgarinnar í hendur fjárglæframönnum sem nota þær síðan til þess að græða á borgarbúum.

Ef atburðarrásin er skoðuð í bæjarfélögum þar sem sjálfstæðisflokkurinn hefur verið við völd þá kemur þetta berlega í ljós.

Reykjanesbær er talandi dæmi um þetta enda hefur bæjarfélagið verið strípað inn af beini og útsvargreiðslur bæjarbúa fara nú í að greiða skuldir sem hafa myndast þrátt fyrir sölu eigna auk þess sem þær fara í að greiða okurleigu til góðvina bæjarfélagsins. Þetta mun þýða fyrir bæjarbúa að í framtíðinni munu þjónustugjöld hækka á sama tíma og þjónusta skerðist. 

Ekki hefur sjálfstæðisflokkurinn í Reykjavík staðið sig betur. Í sumar seldi Hanna Birna Kanadískum fjárglæframanni hlut Orkuveitunnar í HS- orku og markaði þar með stefnu sjálfstæðisflokksins.

Það er mikilvægt fyrir kjósendur að horfa á það hvað stjórnmálamenn gera því það er ekkert að marka kjaftavaðalinn sem þeir kalla stefnu. 

Rætt um sóknaráætlun

Ekki spurning um tækifæri heldur hvort menn kunni að nota þau

Forsetinn vísaði lögunum um Icesave II til þjóðaratkvæðagreiðslu.

Í því felst tækifæri.

Gott væri ef þeir aðilar sem stýra gömlu flokkunum færu að skilja hvílíkar hörmungar einræði flokkanna hefur leitt yfir þjóðina.

 

Langur en rýr fundur

VG í Reykjavík

Nítján manns eru í framboði í forvali Vinstrihreyfingarinnar - græns framboðs í Reykjavík, fyrir sveitarstjórnarkosningarnar sem haldnar verða í vor. Sjá listann hér.

Það er mikilvægt að koma fólki að hjá borginni sem er tilbúið að fylgja stefnu Vinstrihreyfingarinnar sem er umhverfisvæn, boðar jöfnuð og styrka stoð samfélagsins við borgarbúa.

Bent hefur verið á að þar sem AGS hefur farið um hafa lífsnauðsynjar s.s. vatn, orka og velferðarþjónusta orðið að dýrum verslunarvarningi sem aftur hefur leitt til hnignunar lífsgæða. Við því þarf að sporna og það verður gert helst gert með því að styðja einstaklinga sem eru til búnir að standa vörð um eignir almennings og láta sig velferðarmál varða.

Þeir sem vilja stuðla að auknum styrk VG með því að taka þátt í forvali framboðsins þurfa að skrá sig hér fyrir 26. janúar 2010.  Forvalið verður haldið 6. febrúar 2010.

 

19 manns í forvali VG í Reykjavík

Fyrir þig Árni Reykur

Gömul færsla:

Sjálfstæðisflokkurinn hefur skilið eftir sig sviðna jörð í efnahagslífi, menningu og sálarlífi þjóðarinnar.

Forysta stjálfstæðisflokksins vanhelgaði Alþingi Íslendinga og gerði það stimpilsjoppu Viðskiptaráðs Íslands, hún svívirti dómsvaldið með klíkuráðningum og hún stefndi fullveldi og sjálfstæði landsins í voða með því að færa fjármálastofnanir, ríkisfyrirtæki og auðlindir í hendur glæpamanna og krosstengslamafíu.

Sjálfstæðisflokkurinn er martröð þeirra sem láta sér annt um sjálfstæði og fullveldi þjóðarinnar.

Hvert sem litið er blasir sorinn við sem sjálfstæðisflokkurinn skildi eftir sig. Stoðir samfélagsins eru eins og morkið fúatimbur eftir langa valdatíð flokksins.

Enn halda þeir uppteknum hætti og eru í fararbroddi, með dyggri aðstoð samfylkingar, við að selja auðlindirnar úr landi.

Heimska þeirra og sóðalegt framferði hefur kallað einhverja verstu pest sem hugsast getur yfir þjóðina, en það er hinn alræmdi Alþjóðagjaldeyrissjóður. Þessi ádrepa leysir samfylkinguna og Steingrím J Sigfússon engan veginn undan þeirra ábyrgð en þau halda nú áfram á sömu braut og fyrirrennarar þeirra. Forysta fjórflokksins og forseti Íslands eru hluti af rotnu kerfi sem umlykur sig valdamúrum með skipulagi og stjórnarskrá sem er löngu úr sér gengið og þjónar varla öðru en að viðhalda rányrkju og kúgun.

Innskot --> Ég vil sýna forseta Íslands þá viðingu að aðskilja hann frá valdamafíu íslands. 

Dominique Strauss-Kahn skýrir vel tilgang Alþjóðagjaldeyrissjóðsins þegar hann segir í nýlegri ræðu:

Ein stærsta ögrun (AGS) er að takast á við málefni sem varða landamæri. Við verðum að halda áfram að þrýsta á (þjösnast áfram) -vegna þess að í fjarveru samþykkta um hvernig eigi að tækla vandamál sem ná yfir landamæri er hætta á að hagsmunir þjóða verði teknar fram yfir hagsmuni alþjóðasamfélagsins.

Skýrara getur það varla verið.

Markmið Alþjóðagjaldeyrissjóðsins er að laga mannkynið að þörfum hinna ríku.

Alþjóðagjaldeyrissjóðurinn er á Íslandi til þess að verja alþjóðasamfélagið (sem er í raun um 5% íbúa jarðar sem á helming alls auðmagns) og sjá til þess að það verði íslenska þjóðin sem verður undir í baráttunni. Íslenska þjóðin sem þarf að taka á sig byrðarnar af glannaskap erlendra áhættufjárfesta til þess að þeir haldi sínu. Alþjóðagjaldeyrissjóðurinn mun engu eira í viðleitni sinni. Samfylkingin og Steingrímur J Sigfússon hafa beygt sig undir þetta vald og það skýrir hvernig allar ákvarðanir ríkisstjórnarinnar miða að því rústa því litla sem sjálfstæðisflokkurinn skildi eftir sig.

Ríkisstjórn Íslands heldur uppteknum hætti og svívirðir Alþingi Íslands með ofbeldi gegn réttkjörnum fulltrúum fólksins

 

 

Norðmönnum ber að aðstoða

Iceland under attack

This is on youtube:

Erum við of vitgrönn til þess að taka afstöðu?

Ég hef nú oft túlkað það þannig að Steingrímur telji þjóðina frekar heimska og undrast því ekki að blaðamaðurinn hafi lesið það úr tali hans. Sem dæmi má nefna þegar hann kynnti Svavars-samninginn til leiks sem glæsilegan og taldi að þjóðin myndi gleypa það.

Við getum þó alltjent huggað okkur við það að ekkert segir í stjórnarskrá um undanþágur vegna heimsku þjóðarinnar en ákvæðið hljómar svona:

Nú synjar forseti lagafrumvarpi staðfestingar, og fær það þó engu að síður lagagildi, en leggja skal það þá svo fljótt sem kostur er undir atkvæði allra kosningabærra manna í landinu til samþykktar eða synjunar með leynilegri atkvæðagreiðslu. Lögin falla úr gildi, ef samþykkis er synjað, en ella halda þau gildi sínu (áherslur eru mínar).

Það er nú bráðum liðið ár frá því að samstaða þjóðarinnar leiddi til falls hrunstjórnarinnar:

Um túlkun blaðamanns að ræða