Fílabeinsturninn veikir skynbragð

Stjórnmálamenn virðast tapa skynbragði og eðlilegri sýn á fólk þegar þeir hafa hreiðrað um sig í fílabeinsturninum í tugi ára.

Þetta þekkja þjóðir sem eru með þróað stjórnarfar og skipta út reglulega. Menn þurfa nefnilega að viðra sig eftir skítinn sem sest bæði í eyru og augu eftir langvarandi setu á þingi. 

Geðlæknirinn í Silfri Egils fjallaði ágætlega um ýmsar hliðar á gæðum samfélags. Ég varð fyrir svipaðri reynslu og hann þegar ég flutti til landsins fyrir 20 árum síðan. Umræðan er áróðurskennd, villandi og menn draga sífellt fram öfgar og rökstyðja ekki mál sitt. 

Steingrímur virðist hafa yfirgefið allt sem hann sagði sig standa fyrir þegar hann var í stjórnarandstöðu. Þegar ferill hans er skoðaður síðan hann settist í ríkisstjórn má sjá eftirfarandi:

• Steingrímur vinnur að því hörðum höndum að gera skuldir Björgólfs Thors að skuldum barna okkar.
• Steingrímur átti aðild að því að þröngva þjóðinni án hennar samþykkis í aðildarumsókn að ESB.
• Steingrímur hefur alið á foringjahyggju sem er í algjörri andstæðu við lýðræðishugsjónir og einangrað sig með já-fólki sínu og virðist nú telja þjóðina of heimska til þess að setja sig inn í Icesave málið.
• Steingrímur hefur alið á leyndarhyggju og margsinnis verið staðinn að því að fara ekki rétt með og að villa um fyrir þjóðinni. 
• Steingrímur leyfði því að gerast að auðlindum á Suðurnesjum var komið í hendur kanadískra fjárglæframanna vegna þess að 3 milljarða vantaði inn í dæmið en þá hafði hann nýlega hent 16 milljörðum inn í Sjóvá en fjárglæframenn stálu bótasjóðnum félagsins sem var stjórnað af Þór Sigfússyni sem er bróðir Árna Sigfússonar sem hefur verið að setja orkufyrirtækin á Suðurnesjum ásamt bæjarfélaginu á hausinn.
  
• Steingrímur J Sigfússon hefu eftirlátið tvo af þremur bönkum til erlendra eða innlendra leyni-áhættufjárfesta.
• Steingrímur er alls ekki að taka á spillingarmálum í stjórnsýslu og bönkum og réði kúlulánadrottninguna Elínu sem forstjóra bankasýslunnar.
• Steingrímur J Sigfússon skrifaði undir viljayfirlýsingu við Alþjóðagjaldeyrissjóðinn og óskaði eftir áframhaldandi veru þessara erki-kapitalista her á landi. Alþjóðagjaldeyrissjóðurinn hefur skilið hefur eftir sig slóð eymdar um heim allan. 
• Steingrímur hefur valið að skattpína fremur litla atvinnurekendur með tryggingargjaldi fremur en að ná inn skatttekjum af stóriðjunni sem eru að arðræna landið.
• Steingrímur sækist eftir áframhaldandi virkjunum og uppbyggingu stóriðju.

Þegar þessi atburðarrás er skoðuð ber hún merki um hina raunverulega stefnu sem Steingrímur starfar eftir en stefna Steingríms á engan samhljóm með stefnu VG. 

Stefna Steingríms er því 

• Leyndarhyggja
• Foringjaræði (einræði)
• Aðild að ESB
• Einkavæðing
• Sala auðlinda úr landi
• Nýta náttúruperlur til orkufreks iðnaðar
• Arðrán alþjóðafyrirtækja á auðlindarentu þjóðarinnar
• Niðurrif velferðarkerfis með tilstuðlan AGS
• Forheimskum almúgans

Ekki of flókið árið 2003

VG verður að virða félagshyggju, jöfnuð og umhverfi

Annars hefur flokkurinn ekkert fram að færa.

Ef VG markar ekki stöðu sína með launþegum, öryrkjum og almennri velferð þá gerir enginn flokkur það.

Samfylkingin hefur tekið sjálfstæðisflokk og framsókn til fyrirmyndar en forysta samfylkingarinnar hugsar fyrst um eigin hag og starfsframa.

Forysta samfylkingarinnar tók sjálfstæðisflokk og framsókn sér til fyrirmyndar og efldi tengsl sín við auðmenn og sótti þangað fjármagn til þess að efla völd Flokksins. Steingrímur virðist nokkurn veginn fylgja samfylkingunni nú í þessari áráttu og stefnir þjóðinni inn í ESB af þjónkun við Blairista samfylkingarinnar.

Íslendingar hafa ekki séð félagshyggju um langa hríð og innviðir samfélagsins eru að grotna niður vegna þess hvernig fjármunum hefur verið sóað af stjórnvöldum fyrst og fremst til þess að styrkja stoðir eigin flokka. 

Það er mál að linni.

Það verður að fara að tryggja framþróun og lýðræðislega stjórnarhætti. 

Fast skotið á báða bóga hjá VG

Velur leið heigulsins

Nú er mikilvægt fyrir íslensku þjóðina að standa í lappirnar og láta ekki ginnast af hræðsluáróðri Steingríms.

Það er heigulsháttur að færa vandamál dagsins í dag yfir á komandi kynslóðir en Steingrímur vill tryggja sér þægindi næstu árin með því að gera börnin okkar að skuldaþrælum en það samþykkjum við ekki.

Hvers vegna er þjóðin full vantrausts á stjórnmálamönnum?

Jú vegna þess að það er ekki hægt að treysta hræddum stjórnmálamönnum.

Þeir stjórnast ekki af skynsemi heldur hræðslu.

 

Ps. ég vona að ég sé að sýna fulla kurteisi.

Betra en að deyja úr þorsta

Þurfum ekki lán frá AGS

AGS er að valda Íslendingum tómu tjóni.

Ég hef sterkan grun um að AGS hafi lagt ríkisstjórninni línurnar með strategíska áætlun um að koma þjóðinni í svaðið. 

Ásýnd Íslands í dag er gerviásýnd. Þegar gengið er um götur má sjá rólega og prúðbúna Íslendinga en að baki þessari ásýnd liggur mikill vandi sem ríkisstjórnin að ráði AGS felur með aðgerðarplani.

Hugmyndin í aðgerðarplaninu er að þvinga fyrst Icesave í gegn en síðan láta rannsókanarskýrsluna hrinja yfir þjóðina og aflétta frystingu lána og hefja innrás á heimili fólks. 

Undanfarið ár hefur verið ár friðþægingar en friðþægingin þjónar fyrirætlunum AGS um að láta íslenskan almenning borga fyrir mistök valdhafa í Brussel og óráðsíu alþjóðafjármálakerfisins.

 AGS vill ekki að órói verði meðal almennings fyrr en búið er að berja Icesavesamninginn í gegn.

Í hvert sinn sem Icesave frestast, frestast einnig aflétting frystingar á lánum og birting rannsóknarskýrslunnar.

Ákvörðun forseta Íslands hefur því komið AGS og nýlenduveldunum í vanda.

Íslendingar fá gusu frá AGS

Steingrímur svíkur stefnu flokksins

Steingrímur ætlar ekki að láta segjast og berst áfram fyrir því að gera Ísland að skuldanýlendu Breta og Hollendinga.

Það kemur margt í ljós þegar slóð Steingríms er skoðuð. Hann fleygði 16 milljörðum í Sjóvá þegar bótasjóði félagsins var stolið en sá sér ekki fært að bjarga auðlindum á Suðurnesjum úr klóm erlendra fjárfesta en það hefði kostað mun lægri fjárhæð eða um 3 milljarða. Hjarta Steingríms slær með fjármálakerfi og alþjóðafyrirtækjum en ekki með þjóðinni.

Steingrímur lítur eins og hin eldri stjórnmálastétt á Ísland sem góðan fjárfestingakost fyrir erlend alþjóðafyrirtæki. 

Verði þessi leiðangur ekki stoppaður af mun verða massívur fólksflótti frá Íslandi á komandi árum. Það er sérstaklega fagfólk og menntafólk sem flýja mun landið.

Alþjóðafyrirtækin munu hirða arðsemina af auðlindunum og ekki bera nokkra viriðingu fyrir náttúruperlum landsins en þau eru lík leg til þess að virkja hverja sprænu sem þau komast yfir. 

Það er verið að selja Ísland og Steingrímur styður það.

Gagnrýni á forystu VG

Enn berst Eva Joly fyrir velferð Íslendinga

Eva Joly skrifar grein í norska Morgenbladet um málefni Íslendinga.

Hún segir að ákvörðun Ólafs Ragnars um að vísa Icesave lögunum í þjóðaratkvæðagreiðslu knýi sig til þess að skrifa um Ísland. Hún bendir á að lítill skilningur ríki enn um þetta mál í norskum fjölmiðlum.

Hún segir það grundvallaratriði að Icesave sem evrópskt vandamál en ekki deila á milli Íslendinga og Hollendinga og Breta eins og margir vilji túlka það. 

Samningnum er þröngvað upp á Íslendinga en það felur í sér að Íslendingar eigi að greiða 3,8 milljarða Evra með 5,5% prósent vöxtum fram til 2024 segir Eva Joly.

Eva Joly bendir á að mörg rök megi færa fyrir því að kröfur Breta og Hollendinga séu bæði yfirdrifnar og ólögmætar.  Eva Joly bendir á hrikalegar afleiðingar þessa samnings fyrir íslenskt samfélag og bendir á að það ætti að vera óhugsandi að ná fram slíkum samningum með þrýstingi frá Alþjóðagjaldeyrissjóðnum eða með því að beita hryðjuverkalöggjöf. 

Leyniskjal ríkisstjórnarinnar

Nýlega birtist á WikiLeaks leyniskjal sem lekið hefur verið í þá félaga sem standa að síðunni.

Leyniskjalið sýnir hvernig ESB stóð að því að berja íslensku ríkisstjórnina til hlýðni og tók skýra afstöðu með þvingunaraðgerðum Breta og Hollendinga. Ég hef af góðmennsku minni tekið að mér að þýða úrdrátt úr leyniskjalinu.

Atriði a undir yfirskriftinni neikvæð atriði vekur athygli mína en þar segir:

a)    Ísland samþykkir lagaskuldbindingar í tilskipuninni steyptar í lögfræðiáliti og það er ekki umsemjanlegt

Notað er orðalagið "enshrined in the legal opinion" sem ég þýði sem steypt í lögfræðiálit en enshrined þýðir að "geyma sem helgan dóm" hvorki meira né minna. Það verður ekki annað séð en menn í Brussel taki stórt upp í sig þegar lögfræðiálit þeirra eru orðin helgur dómur kannski komin beint frá guði. Ég verð að játa að mér finnst ég vera horfin aftur í gráa forneskju þegar ég horfi á þetta Icesave mál. 

Enginn rökstuðningur hefur verið færður fyrir því að Íslendingum beri nokkra ábyrgð á Icesave en sífellt vitnað í einhverja dularfulla leyndardóma málinu til stuðnings. 

Eftirfarandi er enski textinn og þýðingar á honum:

"EU Commission and the member states concerned accept to discuss the modalities of the financial scheme to assist Iceland through the EU, the IMF and bilaterally."

ESB nefndin og aðildarríki samþykkja að ræða fyrirkomulag fjárhagsaðstoðar við Ísland í gegnum ESB, AGS og tvíhliða.

This will open up a political approach to the issue by the EU side. That entails i.a. the length of an Icesave loan and interest rates. Amounts will difficult to negotiate but not entirely excluded. This seems to indicate that the negotiations will be on a multilateral track as the EU Commission and the Council Services will be involved.

Þetta verður hafið með pólitískri nálgun viðfangsefnisins af hálfu ESB. Það felur í sér tímalengd Icesave láns og vaxtaprósentu. Fjárhæðir verður erfitt að semja um en ekki algerlega undanskilið. Þetta virðist vísa til þess að samningar verði í marghliða farvegi (ekki tvíhliða) þar sem þjónusta ESB nefndar og ráðsins kemur að málinu.

If the EFTA Court will come to a different conclusion on the legal obligation then that will be binding according to the EEA Agreement.

Ef EFTA dómstóllinn kemur með aðra niðurstöðu varðandi lagalegar skyldur þá mun það verða bindandi samkvæmt samþykktum EEA.

The positive points:
a)Dispute brought onto a multilateral track under the guidance of EU.
b)Unblocks the IMF funding.
c)Nordics will support.
d)Opening up of financial scheme to help Iceland through the EU, the IFM and bilaterally.
e)Opening for settlement with the UK and Netherlands in a wider context.
f)Helps to restore confidence in Iceland as a reliable partner.
g)EEA procedures mentioned

Jákvæð atriði:

a)    Ágreiningur færður í marghliða farveg undir handleiðslu ESB

b)    Hömlum verði létt af AGS fjármögnun

c)     Norðurlöndin munu aðstoða

d)    Opnað verður fyrir fjárhagspakka til þess að aðstoða Ísland með aðild ESB, AGS og tvíhliða

e)    Opnað verði fyrir samkomulag (bætur) með Bretlandi og Hollandi í víðara samhengi

f)      Hjálpar við að endurheimta traust á Íslandi sem traustum aðila

g)    EEA ferli eru nefnd

Neikvæð atriði:

a)    Ísland samþykkir lagaskuldbindingar í tilskipuninni steyptar í lögfræðiáliti og það er ekki umsemjanlegt

b)    Tilvísun í EEA ferli óskýr

c)     Erfitt að sjá hverning EFTA dómstóllinn gæti verið kallaður til til þess að dæma í málinu. En það væri erfitt að sjá hvernig íslenska ríkistjórnin gæti annarsvegar samþykkt lögfræðiálit og á hinn bóginn dregið það í efa

d)     Umfang samninga í Icesave samhengi (Bretland og Holland) óskýr

Negative points:
a)Iceland accepts the legal obligation in the Directive enshrined in the legal opinion and that is not negotiable.

b)Reference to EEA procedures vague.

c) Hard to see how the EFTA Court should be called to rule on the matter. If it would hard to see how the Icelandic Government can on the one hand accept the legal obligation and on the other challenge it.

d)Scope for negotiations in Icesave context (UK, NL) unclear.  

 

Bretar og Hollendingar hætti einelti

Verður eitthvað að marka rannsóknarskýrslu Alþingis

Grein sem skrifuð var í desember 2008 og birtist í MBL

Fyrir skömmu voru sett lög á Alþingi „um rannsókn á aðdraganda og orsökum falls íslensku bankanna 2008 og tengdra atburða."

Lögin hafa það markmið að byggja upp traust en greinagerð með lögunum segir "Samfélagslegur ávinningur rannsóknarinnar felst í því að byggja upp traust og benda á hvernig koma megi í veg fyrir að hliðstæð áföll hendi aftur. Þessi ávinningur vegur mun þyngra en sá kostnaður sem gera má ráð fyrir að hljótist af starfi nefndarinnar." Almenningi er kunnugt að forsætisráðherra réði til starfa sérlegan ráðgjafa Bjarna Ármannssonar sem hafði það hlutverk að skipuleggja strategíur sem miðuðu að því að endurvekja traust þjóðarinnar og erlendra aðila á ríkisstjórn sem hefur stýrt þjóðarbúinu í þrot.

Ætla má að kostnaður af þessum aðgerðum hlaupi á hundruðum milljóna en tölur um það hafa ekki verið birtar. Gjarnan hefur verið talað um að tilgangurinn með því að setja á fót þessa rannsóknanefnd sé að fá sannleikann upp á borðið. Það hefur aldrei verið hlutverk dómskerfisins að leita sannleikans heldur að draga fram atriði sem falla innan ramma langanna. Því felst sérfræðiþekking lögfræðinga og dómara í því að máta atriði, atburði og athafnir inn í lagaramman en leitin að „sannleik" eða samhengi hlutanna hefur öðru fremur verið viðfangsefni fræðasamfélags á sviði félags- og hugvísinda. Rannsóknin þarf standast skoðun vísindanna á því hvað telst til vísindalegra vinnubragða og að raunverulegur vilji sé til þess að leita hans ellegar mun hún verða skoðuð sem enn eitt áróðursbragð ríkisstjórnarinnar.

Rannsóknarefndin á samkvæmt lögunum að skipast þannig:

1. Einn dómara Hæstaréttar Íslands samkvæmt ákvörðun dómara réttarins og skal hann vera formaður nefndarinnar.
2. Umboðsmaður Alþingis.
3. Hagfræðingur, löggiltur endurskoðandi eða háskólamenntaður sérfræðingur, sem hefur víðtæka þekkingu á efnahagsmálum og/eða starfsemi fjármálamarkaða, skipaður af forsætisnefnd Alþingis (sem Sturla Böðvarsson leiðir).

Nefndin skal skipuð tveimur lögfræðingum og endurskoðanda eða hagfræðingi. Sagan segir að Páll Hreinsson hæstaréttardómari verði valinn til forystu í nefndinni. Hann er fyrrverandi aðstoðarmaður umboðsmanns Alþingis og í starfsferilsskrá  má sjá að hann hefur starfað ómælt fyrir fyrrum menntamálaráðherra og núverandi dómsmálaráðherra.

Lögin mæla þó fyrir „um skipun sérstakrar rannsóknarnefndar óháðra og sérfróðra einstaklinga sem er ætlað að vinna að rannsókn á ástæðum hruns bankanna og efnahagsáfallanna og leggja mat á hvort mistök hafi verið gerð við stjórn efnahagsmála og eftirlit með bönkunum". Einnig segir í greinagerð með lögunum að „þeir sem eru fengnir til að stjórna rannsókninni eigi að vera sjálfstæðir og óháðir og búa yfir reynslu og þekkingu til að stýra þessari viðamiklu rannsókn". Þetta vekur spurningar um það hvort að þingmenn þeir sem semja lögin með Sturlu Böðvarsson í fararbroddi trúi því að svona texti sé lesinn gagnrýnislaust. Hví eru ekki fengnir óháðir aðilar úr fræðasamfélaginu til þess að stýra rannsókninni ef tilgangur hennar er að vekja traust?

Í greinargerð með lögunum segir:

Eins og aðrar mannlegar athafnir var starfsemi bankanna [ekki minnst á ríkisstjórn og embættismenn hér] reist á ákveðnum gildum eða siðferði sem hægt er að greina með kenningum og aðferðum hug- og mannvísinda. Nauðsynlegt er að kortleggja þetta í tengslum við rannsókn á falli þeirra, m.a. með því að greina með hvaða hætti leiðandi aðilar í fjármálastarfsemi [enn ekki minnst á ríkisstjórn og embættismenn!] hafa tjáð sig um siðferðileg álitamál tengd viðskiptum. Þetta tengist einnig ríkjandi áherslum í menntun stjórnenda og annarra sem starfa á þessu sviði með tilliti til siðferðislegrar hugsunar og ábyrgðar. Veikleikar á þessum sviðum kunna að eiga þátt í því að þeir riðuðu til falls og þess vegna er ráðgert að rannsaka þessa þætti sérstaklega, sbr. 3. mgr.

Síðan segir:

Miðað er við að framkvæmd þessarar rannsóknar verði í höndum sérstaks vinnuhóps hugvísindamanna, sbr. 3. mgr. 2. gr. Hópurinn gæti þá m.a. skoðað hvort íslenskt fjármálalíf hafi einhverja sérstöðu í þessu tilliti í samanburði við nágrannalöndin, svo sem varðandi hugmyndir um siðareglur og önnur siðferðileg viðmið í viðskiptum og samfélagslega ábyrgð.

Þrátt fyrir að ofangreindur texti taki fyrir grundvallaratriði rannsóknarinnar hugnast Alþingi ekki að setja sérfræðinga á þessu sviði yfir rannsóknina heldur velur til þess aðila sem hafa litla innsýn í hugtök eins og siðferði og ríkjandi gildi. Um þennan þátt rannsóknarinnar er heldur ekki kveðið skýrt á um í lögunum.

Settur verður á laggirnar vinnuhópur sagnfræðinga, félagsfræðinga, heimspeki- og stjórnmálafræðinga en um störf þeirra segir: „Ráðgert er að þessi hópur hafi aðgang að þeim upplýsingum sem nefndin aflar og þýðingu hafa fyrir þennan þátt rannsóknarinnar, sbr. 3. mgr. 4. gr., og fulltrúi hans geti í samráði við formann nefndarinnar tekið þátt í skýrslutökum, sbr. 2. mgr. 8. gr. frumvarpsins." Samkvæmt þessu á nefndin (skósveinar ríkisvaldsins) að hafa alvald í rannsókninni en ofangreindir sérfræðingar að skoða það sem þeim er skammtað af nefndinni. 

Nefndinni er í lögunum veitt undanþága frá lögum sem kveða á um að störf skulu auglýst opinberlega. Nefndin getur því handpikkað einstaklinga henni þóknanlega til starfanna.

Lögunum er ætlað að rannsaka aðdraganda og orsök falls bankanna og er sérlaga talað um að rannsókninni ljúki við setningu neyðarlaganna. Hvað með neyðarlögin? Hví er ekki kveðið á um að rannsaka skuli þátt þeirra í þeirri hyldýpislægð sem þjóðin er lent í? Hvað með umdeildar ákvarðanir ráðamanna eftir setningu neyðarlaganna og tengda atburði? Á að skauta fram hjá meintum afglöpum valdhafanna? Hvað með meint innherjaviðskipti og önnur misferli ráðherra og ráðuneytisstjóra? Verða þau sett undir smásjánna? Nær rannsóknin yfir brask valdhafa með hlutabréf og annað og háar skuldsetningar í tengslum við þess háttar viðskipti?

Tengsl valdhafanna við fjármálaöflin hafa verið brennidepli umræðunnar og gert þessa aðila tortryggilega. Lögin beina ekki athygli rannsakenda sérstaklega að þessari samfléttun hagsmuna sem leitt hefur til ótrúlegrar spillingar. Talað er um í lögunum að valdhafar hafi sofið á verðinum. Með þessu er verið að gera þátt þeirra óvirkan en það má spyrja hvort hann hafi ekki heldur verið framsækinn. Það er erfitt að gera sér í hugarlund að valdhafar hafi ekki tekið eftir því að vextir og afborgarnir af erlendum lánum voru orðnir 213% af útflutningstekjum árið 2007 en þá hlaupa þeir til og gerast kynningarfulltrúar fjármálaaflanna á erlendri grundu. Alþingi hefur forræði yfir rannsókninni en það er alkunn staðreynd að meirihluti þeirra þingmanna sem sitja á Alþingi eru strengjabrúður valdhafanna vegna flokkshagsmuna.

Ríkisvaldið og fjármálaöflin liggja nú undir ámæli þjóðarinnar um spillingu. Viðbrögð ríkisvaldsins er að setja af stað rannsókn sem er byggð upp með þeim hætti að draga má í efa að það sé gert af heilindum. Niðurstöðurnar verða ótrúverðugar og grunsamlegar en munu kosta almenna skattborgara drjúgan skilding.

Hvers vegna þorir ríkisstjórnin ekki að kveða til óháða og samfélagsgagnrýna aðila innan þekkingarsamfélagsins til þess að stýra þessari rannsókn? Þessi rannsókn mun ekki endurreisa traust þjóðarinnar. Ríkisstjórnin vanmetur þjóðina. Þjóðin er ekki tilbúin að kyngja meiri áróðri og vafasömum málatilbúnaði.

Jakobína Ingunn Ólafsdóttir

Rannsóknarskýrslan yfirklór

Páll Hreinsson sem skipaður var formaður rannsóknarnefndar af góðvini sínum Birni Bjarnasyni hefur þegið margan greiðann (bitlinginn) af Birni í gegn um tíðina og skrifað lögfræðiálit sem hafa verið spilltum valdhöfum þóknanleg.

Fátt verður í skýrslu rannsóknarnefndar sem ekki er þegar vitað.

Alþjóðagjaldeyrissjóðurinn fer með völd á Íslandi eins og ég hef bent á áður. Ég tók viðtal við Franek Razwadowski ásamt vinum mínum Héðni Björns og Helgu Þórðar en þau ættu að vera bloggurum kunn af ágætum skrifum. 

Það kom skýrt fram að Alþjóðagjaldeyrissjóðurinn fer með völdin á Íslandi. Með þeim samningi (viljayfirlýsingu) sem sjálfstæðisflokkur og samfylking og síðan samfylking og vinstri græn gerðu við AGS var völdum afsalað til AGS en ríkisstjórnin fer nú að fyrirmælum sjóðsins.

Ég spái því að útburði fólks vegna vanskila verði nú frestað. Það er nefnilega strategískt plan AGS að ná fyrst Icesave í höfn en að síðan verði byrjað að ráðast inn á heimili fólks. Það logn sem ríkir núna er gerviástand sem haldið er uppi á meðan verið er að sópa skítnum undir teppið og koma fram vilja nýlendu veldanna.

Samfylkingin leikur þennan leik af fullum krafti með AGS ásamt skósveininum.

Ég fann þetta yfirlit á Facebook en ég hitti einmitt Eddu Rós þegar ég fór í heimsókn til Razwadowski en hún er dyggur starfsmaður hans í framhaldi af því að hún stjórnaði deild Landsbankans sem sá um að koma villandi upplýsingum til almennings.

Athugið hverja ríkisstjórnin hefur valið sér til fulltingis:

Ingvi Örn Kristinsson er aðstoðarmaður Félagsmálaráðherra Árna Páls Árnasonar, en hann var framkvæmdastjóri Verðbréfasviðs Landsbankans. Einnig starfar hann sem ráðgjafi Forsætisráðherra.

Benedikt Stefánsson var í Greiningardeild Landsbankans og er núna aðstoðarmaður Gylfa Magnússonar Efnahags- og Viðskiptaráðherra.

Björn Rúnar er skrifstofustjóri í Viðskiptaráðuneytinu. Hann var forstöðumaður í Greiningardeild Landsbankans

Edda Rós er núna fulltrúi Íslands í AGS í gegnum Samfylkinguna. Hún var forstöðumaður Greiningardeildar Landsbankans

Arnar Guðmundsson var í Greiningardeild Landsbankans. Hann er núna aðstoðarmaður Katrínar Júlíusdóttur Iðnaðarráðherra.

Með svo marga bankamenn í farteskinu, og einnig hafandi í huga að fyrir kosningar kom í ljós að Samfó var sá flokkur sem hafði fengið næstmest í gjafafé frá bönkunum og eigendum þeirra; er ekki þá einfaldlega ljóst hverra hagsmuna stjórnendur Samfó, eru að leitast til með að vera?

Áhugavert einnig, að allir þessir aðstoðarmenn, eru fyrrum starfsmenn Björgólfsfeðga.

Gæti þetta hafa eitthvað með málið að gera?:

Meðfylgjandi er yfirlit styrkja til Samfylkingarinnar frá lögaðilum árið 2006 sem voru hærri en 500 þúsund

* Actavis hf. 3.000.000
* Baugur Group hf. 3.000.000
* Eignarhaldsfélag Samvinnutrygginga 1.000.000
* Eimskipafélag Íslands 1.000.000
* Exista ehf. 3.000.000
* Eykt ehf. 1.000.000
* FL-Group hf. 3.000.000
* Glitnir 3.500.000
* Kaupþing 5.000.000
* Ker hf. 3.000.000
* Landsbanki Íslands 4.000.000
* Milestone 1.500.000
* Sparisjóður Reykjavíkur og nágrennis 1.000.000
* Straumur Burðarás fjárfestingabanki 1.500.000
* Teymi ehf. 1.500.000
* Samtals yfir 500.000 36.000.000

Mikið um falið atvinnuleysi

Ég heyrði á tal ungs fólks á kaffihúsi í gær þar sem spjallað var um atvinnuleysi og hvernig það væri falið með ýmsum aðferðum. Meðal ungmennanna var talið að atvinnuleysi væri nærri því að vera 17%.

Stjórnvöld hafa staðið sig gríðarlega illa við að byggja upp inniviði samfélagsins úr þeim rústum sem sjálfstæðisflokkurinn skildi eftir sig. Menn virðast bíða eins og gapandi ungar eftir því að alþjóðafyrirtæki fóðri þá með þungaiðnaði sem skilur eftir sig litla arðsemi og fá störf þegar til lengri tíma er litið.

Fólk sem lyppast niður gagnvart "alþjóðasamfélaginu" og virðist bera lítið skynbragð á velferð og hag fólksins í landinu hefur hreiðrað um sig í forystu allra flokka.

Ég hvet fólk til þess að rísa upp gegn sífelldri undirokun og kæruleysi þeirra sem haf troðið sér í framvarðalínuna til þess að mata eigin krók.

Söfnun undirskrifta er hafin á http://framtidislands.is þar sem krafist er að stjórnarskrárbreytingar verði lagðar fyrir þjóðina.

Stjórnarskráin á að vera eign þjóðarinnar og stjórnarskráin á að vera tæki þjóðarinnar til þess að tryggja að stjórnmálamenn séu að vinna að velferð almennings.

12 þúsund án atvinnu undir lok árs