Óviðeigandi Borgarstjóri

Smá karlremba og smá grín en Femínistar fagna því að Jón Gnarr skuli vera á móti klámi.

 Bara smá skrípaleikur í boði stjórnmálamanna svona rétt eina ferðina enn.  

„Ég er og verð óviðeigandi“

Afleiðingarnar af óstjórn Sjálfstæðisflokks gera sífellt vart við sig

Sjálfstæðisflokkurinn er eins og kerling sem slátrar öllum hænumum en skammast eftir það við bústjórann sem tekur búinu yfir því að hún fái enginn egg.

Á sama tíma og eindæma stjórnviska Davíðs Oddsonar setti seðlabankann á hausinn, gerði þúsundir íslendinga að öreigum og beiningamönnum rakaði hann að sér fé í formi ofureftirlauna sem hann lögfesti í andstöðu við ákvæði stjórnarskrárinnar og annarra sjálftekinna bitlinga. 

Vissulega ráða núverandi stjórnvöld illa við stöðuna en það var Davíð Oddsson sem skapaði ástandið.

Meginástæða fyrir hörmulegu ástandi nú er að einstaklingar úr hrunstjórninni sitja enn við völd. Verst er að sjá glottið á Össuri á meðan hann makkar óáreittur með auðlindirnar.

Steingrímur hefur sýnt eindæma glópsku í tengslum við Icesave.

En niðurstaðan er samt að glæpsamleg framganga Davíð Oddsonar og skortur hans á iðfrun skítur öðrum ref fyrir rass.  

Dregur úr samkeppnishæfni Íslands

Það er Sjálfstæðisflokkurinn sem skapaði þetta ófremdarástand

Það er vert að minna á það. Menn skammast út í VG sem tók lítinn þátt í því spillingarferli sem leiddi til hrunsins.

Ég verð þó að játa að það er slappt hjá ríkisstjórninni að reyna ekki að ná meira út úr atvinnugreinum eins og sjávarútvegi. Breyta ákvæðum í lögum sem hefta að fiskur sé fullunninn hér á landi. Leyfa meiri sókn smábáta og s.frv.

Ég þori þó að fullyrða að ástandið væri enn skelfilegra ef sjálfstæðisflokkur væri við völd. 

Ögmundur sveik loforðið

Þorgerður Katrín púðrar hvítan rassinn

Þorgerður Katrín lét hafa eftir sér eftir bankahrun eitthvað í þá veru að stjórnarandstaðan kæmi fram með hvítan barnsrassinn. Eftir langt sumarfrí virðist rassinn á Þorgerði Katrínu hafa mýkst og fölnað. 

Sjálfstæðisflokkurinn undir handleiðslu Þorgerðar Katrínar og félaga hennar í hrunstjórninni kallaði

 eitthvað versta hallæri yfir þjóðina sem þekkst hefur á seinni tímum. Í miðju öngþveiti hrunmánaðarins boðaði Þorgerður Katrín skemmtilega tíma fyrir sjálfstæðismenn.

Það ætti ekki að koma á óvart að Þorgerður Katrín sá fram á áhyggjulausa tíma. Eftir að Davíð Oddsson gekk á fund ríkisstjórnarinnar og upplýsti hana um að bankarnir væru á leið í gjaldþrot tryggðu þau hjónin Þorgerður Katrín og Kristján Ari að almennir skattborgarar og þar með taldir kjósendur sjálfstæðisflokksin tækju á sig milljarða skuld þeirra hjóna.

Með því að færa skuldir sínar í einkahlutafélag hreinsuðu þau af sér alla ábyrgð af viðskiptum sínum en skattgreiðendur hafa séð um að dæla hundruðum milljarða inn í bankanna.

Bankanna sem fóru á hausinn m.a. vegna hegðun eigenda og helstu stjórnenda bankanna sem margir hverjir tengdust forystu sjálfstæðisflokksins sterkum böndum.  

 

Sáttir við Steinunni Valdísi en ósáttir með Þorgerði Katrínu

Draumur um aukið lífsrými?

Árni Sigfússon er kænn draumóramaður. Ég hlustaði á viðtalið við þennan sólbrúna, ljóshærða og bláeygða stjórnmálamann Sjálfstæðisflokks og boðbera nýfrjálshyggjunnar í Kastljósi gærdagsins.

Stjórnkænska Árna felst í því að framkvæma fyrst en spyrja svo. Atferli sem hefur leitt margan manninn í ógöngur. Árni hefur hent 1.3 milljarði í framkvæmdir í Helguvíkurhöfn án þess að fyrir liggji hvort álver verði reyst við höfnina. Jú einhver sagði honum að þetta væri besta hafnaraðstaða á Íslandi.

Árni hefur í stjórnartíð sinni selt flestar eignir bæjarfélagsins að því er sögur herma bæði leikskóla og grunnskóla en bæjarfélagið leigir síðan eignirnar til baka með samningum sem gerðir hafa verið til þrjátíu ára.  Þetta þýðir að bæjarfélagið hefur skuldbundið sig í áratugi og getur ekki brugðist við breyttum aðstæðum.

Dæmi sem nefnt hefur verið um svona leigusamning er að bæjarfélagið greiðir 700.000 þúsund á mánuði í búningsklefa fyrir íþróttakappa. Þegar Árni fær spurningar um fjármálakænsku sína þá beinir hann athyglinni að öðru.

Hann fer þá að tala um menningu, listir og íþróttir. En menning, listir og íþróttir þrífast víða á þess að menn hagi sér eins og apar í fjármálum.

 

Óvissa um eignina

Áródurssnepill andskotans

Hver veit hvers virdi eignir Landsbankans eru eda yfirleytt eignir nokkurs banka. Fréttamennska á bord vid ruglid sem borid er á bord fyrir landsmenn stendur ekki undir nafni og svona skrif eru módgun vid dómgreind thjódarinnar.

Björgólfur Thor er kominn í heiftarlegan áródursham med Ragnhildi á mála og nú ad tví virdist einnig moggan og skilanefnd Landsbankans.

Ef eignir Landsbankans staedu undir vaentingum thá vaeru Hollendingar og Bretar ekki ad gera adsúg ad íslenskum skattgreidendum.

Afsakid thetta er skrifad á saenskt lyklabord.

Gott að Gylfi var ekki að gefa fuglunum

Ef Gylfi hefði gerst svo ósvífinn að gefa fuglunum hefði hann kannski þurft að standa skil á gjörðum sínum.

Að mati Gylfa eru víst margir þræðir í þessu máli og þá ætlar hann að fara yfir alla saman. Að því loknu mun hann ef dæma má af reynslunni segja okkur frá gula þræðinum en sleppa því að tala um hnökranna á svarta, rauða og gráa þræðinum.

Á meðan Gylfi fæst við flækjunna sem skapast hefur af því að hann hefur af vanefnum tekið að sér að leika pólitíkus finnur maður hvernig deifðin hríslast um útlimina.

Saman sitja þau á fundi Jóhanna, Steingrímur og Gylfi. Ég velti því fyrir mér hvort þau hafi leitað til Elíasar  um ráðgjöf um það hvernig þau eigi að prjóna við þetta mál.

Röndótt er það svo mikið er víst.  

Gylfi áfram ráðherra

Skuldir Björgólfs færðar á Davíð!

Lymskulegt bragð satt að segja!

Sagður skulda 8.500 milljarða

Skuldasöfnun viðheldur lélegu gengi krónunnar

Hvaða áhrif hefur það á raungengi krónunnar þegar eftirspurn ríkissjóðs eftir erlendum gjaldeyri til greiðslu vaxta eru tæpir hundrað milljarðar á ári?

Rökin fyrir því að taka risalán frá AGS voru að auka þyrfti traust útlendinga á krónunni  með því að búa til platgjaldeyrisvaraforða.  

Gjaldeyrisvaraforðinn er núna tæpir 600 milljarðar og erlendar skuldir ríkissjóðs eru um 550 milljarðar.  

En árið 2005 var gjaldeyrisvaraforðinn innan við 60 milljarðar.

Alþjóðagjaldeyrissjóðurinn og misvitrir íslenskir stjórnmálamenn telja að ríkissjóður þurfi að taka erlend lán til viðbótar upp á hundruð milljarða.

Eins og kemur fram í fréttinni er greiðslubyrði ríkissjóðs vegna erlendra lána 14.5% af útgjöldum ríkissjóðs. Til samanburðar eru útgjöld ríkissjóðs Svía vegna vaxta um 2,5% af heildarútgjöldum. 

Stóra spurningin er hvernig hafa stjórnvöld hugsað sér að greiða niður þessar skuldir sem nema fjárlögum heils árs. Hvernig ætlar ríkissjóður að afla gjaldeyris til þess að greiða niður erlendar skuldir? ....Og hvernig fer þá með gengi krónunnar þegar að farið verður að spýta fjármunum úr landi....og hvernig á að fjámagna afborganir?...á að leggja niður velferðarkerfið?

Það er eitthvað arfavitlaust við þetta

 

Halli á ríkissjóði 9,3% af landsframleiðslu

Vangeta afhjúpast í kreppu

Ég ber mikla virðingu fyrir menntun, þekkingu og hæfni. Ég treysti til dæmis fáum betur til þess að leiðbeina mér og þjóna í flugvél en Jóhönnu Sigurðardóttur. Steingrímur J. Sigfússon gæti trúlega undir góðri handleiðslu reyndra manna rannsakað setlög eða annað það sem heyrir undir jarðvísindin. Össuri Skarphéðinssyni myndi trúlega farnast ágætlega í rækjueldi eða rannsóknum á kynlífi fiska.

Margir hafa viljað halda því fram að almenningur væri hatursfullur eða reiður þegar hann gagnrýnir stjórnmála-, embættis- eða bankamenn. Ég tel að þetta sé megn misskilningur. Almenningur er öðru fremur ráðvilltur yfir rænuleysi embættis- og stjórnmálamanna og jafnvel ennfremur skeytingaleysi og glæpahneigð bankamanna.

Atburðirnir haustið 2008 afhjúpuðu vangetu og rænuleysi stjórnmálamanna. Dýralæknirinn sem átti að þjóna fjármálaráðuneytinu virðist hvorki hafa skilið tölur né haft skynbragð á einföldustu hagfræði.

Lögfræðingar í ráðuneytum og bönkum höfðu annað hvort ekki rænu, vilja eða vitsmuni til þess að bregðast við gengdarlausum ólöglegum útlánum.

Í utanríkisráðuneytinu virðist annað hvort hafa skort þekkingu, vilja eða dug til þess að hanna fjármálakerfi sem sér við fjárdrætti. Hvorki sagnfræðingurinn né fiskeldisfræðingurinn sáu við því. Tugir milljóna lentu því í vasa starfsmanns sem ekki virðist hafa búið yfir betra siðferði en bankastjórarnir. Stjórnendur ráðuneytisins virðast þó ekki vera farnir að velta því fyrir sér hvort þeir eigi ekki að fara að leita sér að starfið sem þeir ráða við.

 

Áður en maskínurnar hrundu mallaði vangetan undir yfirborðinu og almenningur stóð í þeirri trú að stjórnmálamennirnir hefðu skynbragð á því sem þeir voru að gera. Dómgreindarleysi og skortur á siðferði réði eigi að síður ferð. Þessir ágallar manna eru afsprengi þess að þeir taka að sér verkefni sem þeir hafa ekki þekkingu og þjálfum til þess að takast á við.

Sjálfstæðismenn hafa átt erfitt með að átta sig á því að þeir sköpuðu þá ringulreið sem ríkir í samfálaginu í dag. Í ábyrgðarleysi sínu og örvinglan benda þeir sífellt á jarðfræðinginn, flugfreyjuna og fiskeldisfræðinginn sem sökudólga óreiðunnar. Örvinglan sjálfstæðisforystunnar stafar ekki af iðrun heldur þörf þeirra til þess að halda uppi áframhaldandi niðurrifi samfélagsins og fróa græðgihneigðum sínum. Jarðfræðingurinn, flugfreyjan og fiskeldisfræðingurinn vita ekki sitt rjúkandi ráð í ringulreiðinni. Þau hafa tekið að sér verkefni sem þau hafa hvorki getu, siðferðisþrek né þekkingu til þess að takast á við. Almenningur,  hann er nánast ráðþrota.